Taitus 2:15 - DAWAN BÎLA AISKA

¹⁵ Naha dukia nani na man smalks, bara karnikam aiska ni upla nani tâ baiks bara lawi sin dauki bas. Upla kumi mita sin yarka bahki mai kulkbiara.

Taitus 2:15 ပူးပေါင်းရင်းမြစ်များ

Matiu 7:29

kan witin karnika tara ni smalki kan, Lâ Smasmalkra nani baku lika apia.

Mark 1:22

Witin aisi kan ba dukiara upla nani tâ iwan, kan smalkaia karnika bri uplika baku smalki kan, Lâ Smasmalkra nani baku lika apia.

Mark 1:27

Upla sut tâ iwi, pana pana witin nani naku makabi wali kan: —¿Naha na dîa ki? ¿Smalkanka raya na dîa pali sa ki? ¡Waitnika na, pirit saura nani kangbi sakaia karnika brisa, bara ai bîla sin walisa!

Luk 4:36

Upla sut tâ iwan, bara pana pana tawi, aisi kan: —¿Naha dîa bîla atia? Naha waitna adar brisa bara karnika sin brisa pirit saura nani ra aisabia ba ra, upla nani wina takaia.

1 Korint 16:11

Baha mita, man nani wina kumi sin witin ba bahki kulkbiara. Sakuna, witin ba hilp muns, ai impakanka ra ai kupia kumi lâka wal ban yang ra balbia; kan witin wan muihni wala nani wal balbia ba, yang bîla kaikisna.

1 Timoti 5:20

Sakuna saura dauki nani ba lika, upla sut mawanra lawi daukaia sma, uplika wala nani ba sibrin dauki banhbia dukiara.

2 Timoti 4:2

sturi yamni ba smalki kama, bara ban uya smalki bas, piua yamni brisma, bara âpu kama sin. Upla nani kupia alki bas, lawi dauki bas, bara tâ baiki bas, bara wihka bîla kaikaia lâka aiska ni upla nani ra smalks.

Taitus 1:13

Bara witin diara kasak ba kat aisan. Ba mita sika man mita baha nani ra karna pali lawi dauks, bara baku lika witin nani ba kasak lukan lâka mapa ra yamni nani kabia;

1 Pita 4:11

Upla kumi aisi kaka, ai bîla aisanka nani ba Gâd bîla nani baku kaia sa. Upla kum ai uplika dukia daukisa kaka, Gâd mita karnika yabi ba wal daukbia. Dîa dîa man nani daukma ba Jisas Kraist bâk, Gâd ra mayunra yabaia dukiara kabia, bara witinka ra prana ba bara karnika sin yan kabia, ban kaia ra. Baku kabia.