Taitus 2:12 - DAWAN BÎLA AISKA

¹² Baha Gâd kupia yamni tânka ba wan smalkisa, saurka lâka ba bara tasba brinka karna nani ba yawan swibia, bara naha tasba ra wan sinska ba pain, wapni bara Gâd ra sin luki brih iwi kabia.

Taitus 2:12 ပူးပေါင်းရင်းမြစ်များ

Lawana Nani 105:45

Baha mita, Dawan lâka nani bara smalkanka nani ba kulki, alki brih daukbia dukiara. ¡Dawan nina ba mayunan kabia!

Lawana Nani 4:3

Man nani tânka bris, Dawan lika witin wal wapni uplika nani ba plikisa. Man nani tânka bris, yang puri sunisna ba Dawan walisa.

Isikiel 36:27

Man nani ra spiritki maikamna, bara yabrika lâika bîla bara daukaia lâka daukri ba kulkbia;

Matiu 12:32

Bara ya ya Upla Luhpia Waitna mapara diara kum aisabia ba, Gâd baha uplika pâtka ban swih tikan kabia; sakuna ya Spirit Holikira mapara bîla saurakira nani aisabia ba, naha tasba ra bara tasba wala aula ba ra sin swih tikan kabia apia.

Matiu 16:24

Bara Jisas ai disaipilka nani ra win: —Ya yang nini blikan dauki kaka, witin ai wîna ba kulkaia apia sa, bara ai dusa prihni ba brih, nini blîkbia.

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Luk 1:6

Witin nani wâlsut Gâd mawanra upla kasakkira kan, Dawan lâka nani bara ai adarka nani sut ba bîla wali dauki kan; baha mita upla kumi sin witin nani ra diara aihka kumi sin sip sakras kan.

Luk 1:75

wan rayaka piua nani sut ra, bara witin mawanra holikira, kasakkira tauki kabia.

Jan 14:30

“Nanara diara kau manis man nani wal aisaia apia sna, naha tasbaya ra wihta ba aula bamna. Karnika kumi sin yang purira âpu sa sakuna,

Jan 6:25

Witin nani lakun baila wala ra lui wan ba ra, Jisas wal prawan. Bara witin ra makabi walan: —Smasmalkra, ¿ahkia man nahara balram ki?

Apastil Nani Sturka 24:16

Baha mita sika yang kupi lukanka tânka ba klin brisna, Gâd mawanra bara upla nani mawanra sin.

Apastil Nani Sturka 24:25

Sakuna Pal aisin ai rayaka wapni bri kaia tânka dukiara, wan wîna alki takaskaia lâka bara naika lâ tara yua ra lâ tara ba dukiara sin. Bamna Félix sibrin taki, win: —Nanara man mahka was, sakuna ani piua yang sans bri kamna ba ra, kli mai paiwamna.

Roman 12:2

Bamna kli naha tasba lâka tânka ba kat iwi kapara; sakuna lukankam pali ba lakma, bara baku mika rayakam aiska ba tâwan kabia. Baha mita sip kama Gâd kupia lâka pali ba tânka briaia, baha tânka ba lika dîa pain ba, Gâd yamni kaiki ba, bara witin wapni kaiki ba lukma.

Roman 6:12

Baku ba mita, man nani yarka wînam ra saurka lâka mita taibi munbiara bara adar maikbiara wînam brinka ba bîla wali daukaia.

Roman 6:19

(Naha na upla natka ba kat yang aisisni, kan man nani upla baku naha diara tânka nani ba sip param briras sma ba dukiara.) Kaina piua ra man nani wînam ba tâski lâka bara saurka lâka mihta ra mangkram kan, saura daukaia dukiara. Baha sim natka ba kat, nanara wînam ba kasakka lâka mihta ra mangks, aiska holikira lâka ra iwi kaia dukiara.

Roman 8:13

Kan man nani wînam brinka lâka kat raya kaia lukisma kaka, man nani lika pruma; sakuna wînam lâka ba Spirit mita ikbia kaka, man nani lika raya kama.

2 Korint 1:12

Diara kum bâra sa wan kupia âuyapah daukisa, bara baha sika: wan kupia lukanka ba mita wan wisa, yang nani lika naha tasba ra holikira lâka ra bara kunin tânka âpu kira watauki banhri sa; bara kau pali lika man nani tilamra. Baku kaia tânka ba lika, yang nani sinski ba mita lika apia, sakuna Gâd ai kupia latwanka lâka tara ba mita sika.

2 Korint 7:1

Baku bamna, muihki laitwankira nani, naha sika pramiska nani yang nani brisna ba. Bamna wan wîna bara wan spiritka sut ba tâski âpu klin bri kap; bara Gâd sibrinka ra, yawan na aiska holikira takaia sa.

Galesha 1:4

Kraist sika yawan wan saurka dukiara ai wîna tara aiska ba prura mihta ra mangkan, Gâd Aisa kupia lâka ba kat, naha tasba saura na wina pri wan sakaia.

Galesha 5:24

Bamna ya Kraist uplika sa kaka, uplika wîna brinka nani ba sut witin ai dusa prihni ra saban sa.

Epesus 1:4

Tasba na kau paskras kan ba piua wina, Gâd pat Kraist ra wan praki bâk saki wan brin, witin ai mawanra kaia ai uplika takaia pâtkas kaia, ai latwanka lâka ba mita.

Epesus 2:2

Bamna baha piua luan ra, man nani naha tasba daukanka saura nani ba nina bliki banhwi katma, bara pirit pâsa purara karnika bri ba bîla wali dauki katma, baha piritka sika Gâd bîla wali daukras nani tâ bri ba.

Kolosi 1:22

Kuna nanara, Gâd mita man nani ba witin wal kupia kumi mai daukan Kraist ai wîna tara pât wahwi pruan ba mita. Witin naha daukan, man nani sut witin ai mawanra holikira, tâski âpu bara pâtkas pali kama dukiara.

1 Tesalonaika 4:7

Gâd mita tâski lâka âpu iwbia wisi wan paiwan sa, kuna tâski lâka ra lika apia.

1 Tesalonaika 4:9

Wan muihni nani ra latwan kaikaia tânka dukiara lika, yang diara kumi sin âpu sna man nani ra mai ulbaia, kan Gâd pali mita pat mai smalkan sa, pana pana walkam nani ra latwan kaikaia.

1 Timoti 4:12

Wahma sma ba ra wisi, upla nani mita yarka mai kulkras kabiara; sakuna tânkam ba ni lalukra nani ra lâ yabi bas, bîlam aisisma ba wal, taukisma ba wal, latwan lâka, kasak lukan lâka bara sunu lâka ni sin.

1 Timoti 6:17

Naha tasba ra yuya ailal bri nani ba ra smalki wis, witin nani kwalhwi kabiara, yuyaka nani kat kaiki ai kainara diara briaia sin luki banhbiara, baha nani ban lap tiwisa bamna. Sakuna, witin nani Gâd ra luki ai kainara diara briaia luki ban kan, witinka diara ailal wankisa, yawan lilia takbia dukiara.

1 Timoti 6:9

Sakuna yuyakira takan dauki nani ba, traika kaikan ra kauhisa, bara brinka karna taniskira ailal alki priski brisa; baha nani sika upla nani ra saura muni ba, bara sauhki tikaia lâka ra bara tanis tiwaia lâka ra sin rungkisa.

2 Timoti 3:12

Bamna kasak pali sa, ani uplika nani Kraist Jisas wal asla holikira iwaia want lukisa kaka, witin nani ba nina bliki rausauhkan kabia;

2 Timoti 4:10

kan Dimas ai lulki ai swih Tesalonaika ra wan, witin naha tasba dukia nani ba kau want kan bamna. Crescente lika Galesha tasbaya ra wan, bara Taitus ba Dalmacia ra.

Taitus 3:3

Kan yawan pali na sin, pas piua sinskas nani kan bara Gâd bîla sin wali daukras. Yawan na aihka aimawahki tauki kan, bamna wan wîna brinka karna nani bara wan brinka dukia sât sât albika nani kata. Yawan na saurka lâka ra bara tuman lâka ra sin iwi kan upla wala nani mita misbara wan kaiki kan, bara pana yawan mita sin.

Hibru Nani 8:11

Kumi bani sin ai uplika ra bara ai muihni ra sin wiaia apia kabia: Man ba Dawan tânka kakaira taks. Kan upla sut yang ra kakaira banhwi kabia, witin nani tilara kau sirpika ba wina kau tarkika ba kat.

Jems 1:27

Gâd Aisa mapa ra kristian lâka klin bara tâski âpu ba naha sika: Tuktan rau nani bara piarka nani ra hilp munaia, bara naha tasbaya dukia saura nani wal tâski takaia apia.

2 Pita 2:9

Bamna Dawan kaikisa, witin ra luki uplika nani ba, traika kaikanka wina swaki sakisa, bara sin nu sa saura dadaukra nani ba, pât mununhtara bri kaia lâ tara yua ba kat.

2 Pita 3:11

Baku diara nani sut na âpu daukan kaia sa kaka, ¡luki kaiks nahki holikira bara Gâd ra luki tauki kaia sma ba!

1 Jan 2:27

Sakuna man nani lika Spirit Holikira Jisas Kraist wina maikan ba brisma; baha mita upla wala mita mai smalkaia apia sa, kan Spirit Holikira ba diara nani sut mai smalkisa, bara dîa witin mita smalki ba kunin apia, rait pali sa. Baku bamna, Spirit Holikira mai smalkan ba kat, Kraist wal asla ban bas.

1 Jan 2:6

Ani uplika witin ba Gâd wal asla sa wisa kaka, witin Jisas Kraist naha tasba ra kan ba baku iwaia sa.

1 Jan 5:19

Yawan pain kaikisa Gâd uplika nani sa, bara tasba aiska na lika Sitan karnika mununhtara sa.

Judas 1:18

man nani ra mai aisin ba: “Tnata yua nani ra upla nani bâra kabia, diara holi ba dukiara lawaska kiki kabia, bara witin nani ai brinka ba kat baman sin tauki kabia.”

Param Marikanka 14:12

¡Nâra sika Gâd uplika nani, ai kupia alki bri ba kaikbia, baha nani Gâd lâka nani wali dauki ba, bara Jisas ra sin ban kasak luki nani ba!