Sofonías 3:15 - DAWAN BÎLA AISKA

¹⁵ Dawan pât ra mai lakaia mampara aisin ba kli swin, bara waihlam nani ba kangbi sakan. tilamra sa; Dawan, Israel kingka, man nani bara diara saura kumi sin sîa yama apia.

Sofonías 3:15 ပူးပေါင်းရင်းမြစ်များ

Blasi Sturka 30:23

Witin kwihra tiwan, luhpa waitna kum baikan bara win: “Gâd na yang wina luhpa baikaia apia ai daukan, swira lâka ba yang wina sakan.

Lawana Nani 149:2

Liliam bas, Israel luhpia nani Saion tawanka ba, kan Gâd ba man papaskrikam bara king sa.

Lawana Nani 19:9

Dawan sibrinka ba sunu sa, baha ba ban bâra sa. Dawan lâ aisi daukanka nani ba, kasak rait baman sa, lâka nani sut ba wapni baman sa.

Lawana Nani 85:3

man lawanka kata sut lamni daukram, bara man kupiam sauhkanka ba sin.

Aiseya 12:6

Liliam bri wini aiwans, Saion ra iwisma ba; Israel Gâdka Holikira, man nani tilamra bâra ba tara pali sa bamna.”

Aiseya 25:8

Ban kaia ra ban prura ra, Dawan mita sauhkan kabia; mawan nani wina, Dawan mita nakra laya nani sut diki sâkbia bara tasba aiska wina ai uplika nani swira lâka ba bri sâkbia. Dawan ba aisin.

Aiseya 33:22

Baha dwarka tara nani kiwa bri ba mahka ba wilki sip alki takaskbia apia; kwalka ba sin witin nani sip sunras kabia. Wan waihla nani dukia kukan ba yawan dakbi bribia. Blain nani pali sin baha dukia wina ai dukia bribia. Bara skahwa nani ba sin impliki briaia warkka daukbia. Kan Dawan ba yawan wan wihtka sa, yawan wan lâka dadaukra, yawan wan kingka, Dawan swaki wan sâkbia.

Aiseya 35:10

Dawan mita atki sakan nani ba kli tawi balbia, liliakira witin nani Saion ra kli balbia; lilia baman witin nani iwi kabia. Bara witin nani lilia tara bribia, sari lâka bara mamna lulkanka nani ba âpu tiwbia.

Aiseya 51:22

Man Dawankam bara man Gâdkam ba, witin ai tawanka tâwan aisi ba bîla wisa: “Kaiks nanara yang bui man mihtam wina baha kapka ba sakaisna, baha di bla takram ba; yang kupi baiwanka kapka ba wina kli dima apia.

Aiseya 52:9

¡Jerusalem, liliam mita mayunra tara ba aiwans, Jerusalem slingwanka nani Dawan lika ai uplika nani ba umpira kaiki bamna, Jerusalem ba atki sakan bamna!

Aiseya 54:14

Kasakka lâka, wapni lâka ni karna mai daukan kabia. Taiban lâka wina laihura kama; sibrin mai daukbia apia, si briras kama, kan sibrin mai dingki ba, lamamra âpu kabia.

Aiseya 60:18

Saura munaia daukanka ba man nani tasbayam ra kli walan kabia apia, sauhki tikan lâka, lâ krikanka nani sin walbia apia, sakuna kanra mika walbia, man tawankam kutbanka nina ba ‘Swaki Sakan Tawanka’, man getkam nani ba ‘Mayunra Getka nani’ mâkan kabia.

Aiseya 65:19

Bara yang pali sin, Jerusalem wal lilia takamni, yang upliki nani wal sin âiyapah kamni. Witin nani ai inanka bîla baikra ba kli walan kabia apia, ai winanka bîla baikra sin apia.

Jirimaya 8:19

Kan yang upliki nani inanka ba tasba aiska ra walisa bamna: “¿Dawan Saion ra âpu sa ki? ¿Kingkam ba bahara apia sa ki?” Bara Dawan pana naku aisisa: “¿Dîa muni witin nani mini prukan aidul nani ra mayuni, gâd wala nani witin nani kakaira apia ba?”

Isikiel 35:10

‘Man wiram: Israel kuntrika ba, ai kingka lâka wâl kira yang duki kabia; yang ai dawanka kamna, Dawan bâra iwi ban kabia.

Isikiel 36:15

Kli walamna apia lahtuban bîla nani, nisan wala nani wina; kli kupia sauhkan bîla nani walbia apia baha uplika nani wina, kan man nani kli ai uplika nani ra luhpias swima apia. Yang, Dawan, kasak aisisna.’ ”

Isikiel 39:29

Bara yang kli witin nani ra kaikras maiwan lakamna apia, kan karniki ba Israel uplika purara mangkri bamna. Yang, Dawan, kasak aisisna.”

Isikiel 48:35

Kutbanka yahpika aiska ba 10,080 yar bara tawanka nina ba mawan tani ra nina ba mâkan: ‘Dawan ba nâra sa.’ ”

Joel 3:17

“Baha yua ra man nani kaikma, yang Dawan, man nani Gâdkam sna ba, yang Saion ra iwisna, ilki holikira ba ra. Jerusalem ba tawan holikira kum kabia; nisan nani bal kli pura lui dakbi bribia apia.

Emus 9:15

Witin nani ai tasbaya kat kli bri sal swimna, baha tasbaya wina, upla wala mita kli witin nani ra kangbi sâkbia apia, yang bui witin nani ra yabamna ba.” Dawan, man nani Gâdkam ba, baku kasak aisisa.

Miqueas 7:10

Yang waihli baha ba kaikbia bara ai swira lukbia; witin bui yang ra ai wi kata ba: “¿Dawan Gâdkam ba anira sa?” Sakuna yang naikra ni witin nani ba kaikamna, nahki yabal ra, slaubla wan mina ni taibi ba baku taiban kabia ba ra.

Abakuk 2:17

Líbano ilka ra saura munram saurka ba, kli man mampara tawi balbia; bara man sirang tara iwma ai daiwra nani ikram tâwan. Upla nani sin ikram, lâ krikanka nani daukram kuntri bara tawan nani mapara; baha tâka mita naha pâtka nani man puramra balbia.

Abakuk 2:8

Nisan nani ba asla taki mampara bubia, bara taibi mai muni dukiam nani ba sut impliki bribia, man mita munram ba baku pana sin mai munbia. Upla ikram, lâ nani krikram, kuntri nani mapara buram, tawan tara nani slingbram, upla nani sin diara daukram ba, baha sut mana mai munka aibapma.

Sofonías 3:17

Dawan, man nani Gâdkam, man nani tilamra sa. ¡Witin karnika sut pali brisa, bamna swaki mai sâkbia! Dawan ba man nani dukiamra ai âuyapah kabia. Ai latwanka lâka ni upla raya mai daukbia; bara witin ai liliakira aiwanbia

Sofonías 3:5

Sakuna Dawan baha tawanka tara bilara sa; witin yamni baman daukisa, saura lika apia. Titan bani ai piua kat ai lâka ba bapisa, ban sakuna, saura dauki nani ba ai swira lâka ba tânka sin briras.

Sakaraya 12:3

Baha piua ra nisan nani sut dukiara Jerusalem ba walpa wirha pali daukamna. Ani nisanka baha bukaia munbia ba latwan bribia. Nisan nani sut asla taki Jerusalem mapara bubia,

Sakaraya 14:11

Âu, Jerusalem ra kli upla iwi kabia, witin nani ba kli sauhki tikan kabia apia. Witin nani sin baha wina kli taki waia lukbia apia.

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.

Jan 1:49

Bamna Natanael bila: —Smasmalkra, man ba Gâd Luhpia bara Israel Kingka sma.

Jan 12:15

“Si bripara, Saion tawanka; kaiks, man Kingkam ba aula, biriku kum purara uli.”

Jan 19:19

Bamna Pailat mita wauhtaya kum ulbi, Jisas dusa prihni purara mangkan, bahara naku ulban kata: “Jisas Nasaret wina, Ju nani Kingka ba.”

Jan 5:30

“Yang yakan diara sip daukras. Aisa mita aikan ba kat daukisna, bamna kasakka lâka kat lâ daukisni; yang brinki ba kat daukaia lika plikras, sakuna Aisa ai blikan ba brinka kat mika.

Param Marikanka 12:10

Bara kasbrika purara bîla baikra tara kum walri, naku aisin: “Swaki sakan lâka ba pat balan. Yawan wan Gâd karnika ba kingka lâka ba, nanara Kraist karnika ba marikan sa. Kan wan muihni nani dahra kwakwahkra ba saki lulkan sa, witinka kakna bara tihmia wan Gâdka mawanra baha nani dahra kwahki kata ba.

Param Marikanka 18:20

Sakuna, man, kasbrika pura, liliam bas, baha tawanka tara ba tâka; man nani liliam bas, Gâd uplika nani sma ba, apastil nani bara prapit nani, kan Gâd mita witin ba pât ra lakan ba ra, kasakka lâka ba man nani ra daukan sa.

Param Marikanka 19:16

Ai kwalka ra bara ai kuhma purara naha nina ulban kan: “King nani Kingka bara dawan nani Dawanka.”

Param Marikanka 7:15

Baha mita Gâd king iwaika mawanra buisa, bara ai tempelka ra kakna bara tihmia ai dukia daukisa. Witinka king iwaika ra iwi ba witin nani tilara ban takaski ai kaina kahbia.