Sofonías 3:14 - DAWAN BÎLA AISKA

¹⁴ ¡Saion tawanka tara, aiwans! ¡Israel luhpia nani, bîlam baikra liliakira wini bin dauks! ¡Jerusalem uplika, liliam bas, kupiam aiska ni liliam bas!

Sofonías 3:14 ပူးပေါင်းရင်းမြစ်များ

Nihimaya 12:43

Baha yua daiwan ailal pali iki angki Dawan ra yaban, upla nani ba ai lilia tara brih banhwan, Gâd ai liliaka tara upla nani ra yaban bamna. Mairin nani bara tuktan nani sut lilia pali takan, bara Jerusalem lilia dauki ba laih wina binka ba wali kan.

Lawana Nani 14:7

¡Ay, Saion ilka wina Israel luhpia nani hilpka lâka ba balbia kaka! Dawan bui ai uplika nani ba pri sakaia lâka daukbia ba ra, Jekob kiamka nani ai âuyapah kabia, Israel sut sin lilia kabia.

Lawana Nani 149:2

Liliam bas, Israel luhpia nani Saion tawanka ba, kan Gâd ba man papaskrikam bara king sa.

Lawana Nani 97:8

Man Dawan, Saion bara Juda tawanka uplika nani ba man lâmka bîla nani ba dukiara lilia sa;

Aiseya 12:6

Liliam bri wini aiwans, Saion ra iwisma ba; Israel Gâdka Holikira, man nani tilamra bâra ba tara pali sa bamna.”

Aiseya 29:19

Bâra mika bawikira nani ba ailal lilia lâka ra Dawan ra kasak lukbia, upla nani kau umpira pali ba sin Israel Gâdka Holikira ba wal lilia bribia.

Aiseya 35:2

Tangnika ailal baiwbia, bara sin witin lilia aiwanbia, liliakira pali. Líbano mayunra ba witin ra yan kabia, Carmelo, Sarón prana ba sin tasba maura ra. Upla sut Dawan prana ba kaikbia, wan kingka Gâd prana ba.

Aiseya 37:22

Naha bîla nani sika Dawan aisan ba, Asiria kingka ba dukiara: “Saion luhpia mairin tiara baku Senaquerib lawaska kikisa. Man ninamra, Jerusalem luhpia mairin ba, ai lal wauhisa man mahka taki auma ba ra wisi.

Aiseya 40:1

Man nani Gâdkam ba aisisa: “Upliki nani ba maisa nihks, man nani maisa nihks;

Aiseya 40:9

Saion wina maisa papakra, man il kum purara ba ra uls; bîlam baikra ba karna wins; karna wins, si bripara, Jerusalem, Juda tawanka tara nani ra wis: “¡Man nani Gâdkam ba kaiks nâra sa!”

Aiseya 51:11

Kasak pali Dawan mita atki sakan nani ba, baku kli tawi balbia; aiwani kli tawi balbia Saion ra bara ai lal nani purara kaiki, lilia lui waras ba liliaka bâra kabia; lilia aihwa ba bribia, bara sari lâka bara ai mamna lulkanka ba sin lap tiwbia.

Aiseya 52:9

¡Jerusalem, liliam mita mayunra tara ba aiwans, Jerusalem slingwanka nani Dawan lika ai uplika nani ba umpira kaiki bamna, Jerusalem ba atki sakan bamna!

Aiseya 54:1

Liliam bas, biarapara mairka nani, luhpa baikras sma ba; lawana aiwans bara lilia tara binka dauks, luhpa baikaia latwanka briras katma ba, kan Dawan naku aisisa: “Lulki swin mairka ba kau luhpa bri kabia, ai maya bri mairka nani ba wal.”

Jirimaya 30:19

Witin nani lilia lawana tâ bri aiwanbia lilia kikanka ba sin. Kau wiria takbia apia, witin nani kau ailal daukamna. Bahki kulki kabia apia, kan yang mita witin nani ba yamni kulkamna.

Jirimaya 31:13

Tiara nani ba dans pulan kabia liliakira, baku sin wahma nani bara dama nani sin. Yang maikamni maisa nihkra: inaia lâka ba lilia ra lakamni, lilia lâka kau tara kum yamna latwan bri ba wal.

Jirimaya 33:11

lilia dauki lawana nani aiwani ba, ai maya pliki aiwani ba, bara aisi kaka walbia: ‘Man nani bui Dawan karnika sut bri ba ra tingki wis, Dawan ba yamni sa bamna, witin latwan wan kaiki ba ban sa.’ Witin nani ai prisantka nani ai tingkika lâka ra tempel ra bri balbia. Âu, yang baha kuntrika uplika nani kli bri balamna, bara witin nani kli blasi kata ba baku bâra kabia. Yang, Dawan, kasak aisisna.”

Joel 2:23

¡Saion ra iwi uplika nani, man nani sin liliam bas, Dawan Gâdkam ra liliam pali bas! Lî ailal ai piua kat witin mita yaban auhisa, kauhla piua ra bara baku sin lî piua ra yaban auhisa, blasi lî ai piua kat auhi kata ba, nanara sin kli baku yan auhisa.

Miqueas 4:8

Bara man, Jerusalem, Saion tawerka bara kan kahbaika sma ba, man kli king tasbaya kiapitalka aimakma, kan piua ra pura wihtka tara aimaki katma ba baku.”

Matiu 21:9

Upla nani tâura wapi kan ba bara ninara aula kan ba sin kwâra tara kan bara mahka naku winan: —¡King Debit Luhpia ra Prana Tara Kabia! ¡Yamni pali sa witin Dawan nina mâki aula ba! ¡Gâd ra prana kabia laih purara!