Sofonías 3:12 - DAWAN BÎLA AISKA

¹² Upla bawikira, ai lukanka ra umpira nani ba, tilamra swimna, yang nini kat luki ai kasak lukanka ba mangki bribia.

Sofonías 3:12 ပူးပေါင်းရင်းမြစ်များ

Esdras 9:8

Ban sakuna, nanara, Dawan wan Gâdka, kupiam swapnika lâka ra wan brisma, sip kan yang nani tili wina upla dakni kum pri takaia bara yawan nani ra sans wankan, tasba holikira ra wan watla nani mâkaia alba lâka ba wina piua wiria, yang nani ris briaia aikram.

Lawana Nani 37:40

Dawan bui witin nani ra tâ baikisa plapi swakwaia. Watawikira nani wina witin baha nani pri saki, swaki sakisa, kan baha nani witin wina ai kan kahbaia plikan bamna.

Aiseya 14:30

Umpira nani ba naisla ra ai daiwra nani ba twi dakakan kabia, diara luha nani ba ai âuyapah prawi kabia; sakuna yang mita yabrika man uplikam nani ba plun wahwi prubia, bara man uplikam nani kau takaskan ba sin ikamni.

Aiseya 14:32

¿Baha kuntrika ra blikan uplika nani aula blikan pana dîa wibia? Dawan mita Saion ba nikbras, bûi kaia daukan, baha nani sarka pakan ba bahara bri yukuwaika ba yabia.

Aiseya 29:19

Bâra mika bawikira nani ba ailal lilia lâka ra Dawan ra kasak lukbia, upla nani kau umpira pali ba sin Israel Gâdka Holikira ba wal lilia bribia.

Aiseya 50:10

Man nani bui Dawan ra kulkisma ba bara ai dukia dadaukra bîla walisma ba: tihmia tara ra wapma kaka, ingni lupia kumi sin âpu, Dawan ra kasak luks, Gâdkam ra tâ baiks.

Aiseya 6:13

Bara kau ban waras, mânka matawalsip bâra takaskan kabia kaka, baha sin kli sauhki tikan kabia; dus tara kum, usupum dusa kum klakan plamaika baman bâra ba baku.” (Naha plamaika na wina, kau ban bâra kabia baha wina holikira ba kli urhwi takbia.)

Jirimaya 17:7

“Sakuna yamni pali sa baha uplika yang ra kasak luki ba, bîla kaikanka yang ra bri ba.

Jirimaya 50:20

Yang, Dawan ba, kasak aisisni: Baha piua ra Israel, Juda tilara pâtka kulki saurka nani ba âpu kabia, kan yang bui witin nani pâtka swih tikamna bara raya kaia swimna.

Isikiel 6:8

Sakuna yang daukamna man nani kum kum lika baha nani tila wina raya kaia, sakuna mai yakaban kaia nisan nani tilara.

Miqueas 5:6

Witin nani ai sordka karnika ni baman Asiria tasbaya, Nimrod kuntrika ra, king aimaki kabia. Asiria nani mihta wina swaki wan sâkbia, wan tasbaya lainka lui dimi wan alkan ba.

Nahum 1:7

Dawan ba yamni sa; pât bri uplika nani yukuwaika watla kum sa; witin ra luki uplika nani ba kan kahbisa.

Sakaraya 11:11

Baha yua sîp âiatkra nani ai kaiki kan ba ai dara walan, witin nani wal lâ daukan ba bahki takan, tânka brin yang dauki katna ba sika, Dawan aisi kan ba.

Sakaraya 11:7

Bara sîp nani ikaia watla ra brih waia lâ daukan ba, mahka main kaikri. Bara âiatkra nani aikuki atkaia lâka ba yang daukri. Bara dus wâl brih, nina nani ba naku mâkri: kumi ba wîri “Hilpka yabaia”, wala ba wîri “Asla kaia”.

Matiu 11:5

Wis nahki kaikras nani kaiki ba, skahwa nani wapi ba, liparkira nani rakan sa, kiama prawan nani ba walaia sip sa, pruan nani ba kli bukan sa, bara umpira nani ra sturi yamni ba smalkan sa.

Matiu 12:21

Bara nisan nani sut ai bîla kaikanka ba witin ra bri kabia.”

Matiu 5:3

“Lilia pali sa wan sulka dukia brin dauki nani ba, kan king lâka kasbrika purara ba wina witin nani ai dukia bamna.

Roman 15:12

Prapit Aiseya sin ulban: “Jesé kiamka wina urhwi bal takbia, nisan nani pura wihtka aimakaia bal takbia, baha nani sin witin ra bîla kaiki kabia.”

Jems 2:5

Muihki laitwankira nani, naha na aman pali wals: Gâd mita naha tasba ra kau umpira nani ba bâk sakan sa, kasak lukan lâka mapa ra yuyakira kabia dukiara. Bara witin ra latwan kaiki nani ra, king lâka yaia pramis munan ba, yabia sa.

1 Pita 1:21

Kraist bâk Gâd ra kasak lukisma man nani, bara witinka sika pruan nani tila wina kli bukan bara prana sin yan; baku bamna, man nani kasak lukisma lâka ba kainamra diara bîla kaikisma ba sin Gâd ra kasak brisma.