Sofonías 2:5 - DAWAN BÎLA AISKA

⁵ ¡Creta uplika nani, kabu un ra iwi banhwisma ba, sarkam pali ai daukisa! Gâd bui man nani mai sauhki tikaia dukiara pat aisin sa: “¡Kenan, filisteo nani kuntrika, bâra iwi banhwisma ba sut mai sauhki âpu mai tikaisna!

Sofonías 2:5 ပူးပေါင်းရင်းမြစ်များ

Aiseya 14:29

Filisteo nani sut, man nani lilia kapara, klala maiki kan dusa ba krikan wisi; ani wina piuta kum takan ba, baha wina piuta kau puisinkira ba bal takbia, baha ningkara kau sin dragun pâpalra kum takbia.

Aiseya 14:30

Umpira nani ba naisla ra ai daiwra nani ba twi dakakan kabia, diara luha nani ba ai âuyapah prawi kabia; sakuna yang mita yabrika man uplikam nani ba plun wahwi prubia, bara man uplikam nani kau takaskan ba sin ikamni.

Jirimaya 47:7

¿Sakuna witin nahki sâp kabia Dawan mita wark daukaia adar yaban kaka? Witin aiklabaia adarka yan Ascalón bara kabu un aiska ba wal.

Isikiel 25:16

Baha mita, yang Dawan sna ba, naku wisni: Mihti bukamna klala yabaia filisteo nani ra âpu daukamna quereteo nani ra, bara kabu un ra takaskan nani sut sauhki tikamna.

Emus 3:1

Israel luhpia nani, man nani wals Dawan naha bîla nani aisi wi ba, Idsip tawanka wina sakan uplika nani ra:

Emus 5:1

Israel luhpia nani, bîli nani na wals; man nani mampara sarikira inisna ba wali banhs.

Sofonías 1:11

¡Ini, uhbi banhwi bas, tawan pîska pakni ra iwi banhwisma uplika nani ba, kan baha nani diara âiatkra sut ba prubia, baha nani sut lalah wal, diara kwahki wauhi atki ba sin!

Sofonías 3:6

Dawan kasak aisisa: “Yang nisan nani ba âpu daukri, tawerka nani, tawanka kutbanka nani ba sin slingbi âpu daukri, bara tawanka yabalka nani bîla ba, upla iwras yabalka daukri. Upla kumi sin bâk lui waia apia daukri. ¡Tawanka tara ba bîla man swin, upla kumi sin bâra âpu!

Sakaraya 1:6

Ban sakuna, yang bîli nani, lâika nani sin naipakan prapit nani ra aisi smalkri ba, damikam nani baha ba pain wali banhwan kata. Bara witin nani ba yang ra tawi balan, ai dara sin walan, yang, karnika sut alki brisna Dawanka, witin nani ra munri ba, witin nani dîa ai daukanka bri ba praiska kat mana briaia kan ba.’ ”

Mark 12:12

Bara witin nani trai kaikan Jisas ra alkaia, kan witin nani kaikan naha maprika lilka aisin na, witin nani mapara aisin. Sakuna upla nani ra sibri kan bamna, witin ra swi si, mahka wan.

Jasua 13:2

Kau pura luras sma ba filisteo nani bara Guesur uplika nani ra,

Jasua 13:3

baha sika Sihor awala wina auya ba, Idsip lalma ra, Ecrón piarkika kat baha yahbra tani ra, baha lika Kena uplika nani tasbaya kulkisa, bahara wihta nani matsip bâra sa, baha nani sika Gaza, Asdod, Ascalón, Gat bara Ecrón wihtka nani. Aveo nani tasbaya pîska nani sin takaskan

Wihta Nani 3:3

Filisteo nani wihtka nani matsip ba takaskan, Kena uplika nani ba sut, Sidón uplika nani bara heveo nani Líbano ilka ra iwi kan ba, Baal-hermón ilka wina Hamat ra dimi waia yabalka ba kat.

1 Samuil 30:14

Yang nani quereteo nani waupasa tani tasbaya kir ra wari bara upla dukia nani dakbi briri, baku sin Juda ra bara Caleb ra. Bara Siclag sin pauta ni angki banhri.