Sofonías 2:15 - DAWAN BÎLA AISKA

¹⁵ Baha tawanka sika aimayunan lâka ni pura luan sa, kan witin nani baman sa luki kan. Naha tasba ra, witin nani ai tasbaya uplika nani baku upla wala âpu sa luki kan. ¡Nahki upla âpu yakan pali swin ba, daiwan wail nani watla takan ba! Ansa piua ra witin lamak lui wabia ba ra, wasbi bara saura kulkan lâka wal ailal mariki kabia.

Sofonías 2:15 ပူးပေါင်းရင်းမြစ်များ

Job 16:4

Man nani ba yang waitlika ra katma kaka, yang sin man nani aisisma baku aisamna; laila na nikbi, lawaska kikan lâka bîla nani ni, lî aubra baku mai aisaia kapri.

Job 27:23

Bara pâsa ba mita ai nina blîkbia, bin tara bara warbanka wal.

Aiseya 22:2

Man nani, mai turban sa, tawan tara unsaban binka pali man ba, tawan tâura, lilia nani pânika ba, pruankam nani ba sord malika pruras, war ra sin pruras kan.

Aiseya 32:11

Man nani sâp sma ba tatatwi bas, sari takras mairka nani, man nani trabil taki luks; man nani âmyapah mairka nani, man nani prâmka daiks, sari prâka dims, kwala sukra ni man nani maisam wilks.

Aiseya 32:14

Lâ watla tara nani ba sut, upla iwras tasbaya baku takaskbia, tawan tara ra upla kwâra ba âpu takbia; utla karnakira nani ba sin batakan kabia; bahara biriku wail nani ba takaski kabia, bîp wakabi piaia watla bribia.

Aiseya 32:9

Bara mairin nani, man nani trabil taki lukras sma ba, yang bui man nani ra aisisna ba wals. Mairin nani briaia baman bîla kaikisma ba, man nani bui yang bîli nani na wals.

Aiseya 47:10

Kan man watawikam lâka ra lukankam mangki briram bamna, man wiram: ‘Upla ai kaikras sa.’ Man sinskam lâka ba, man diara tânka kaikaia lâka brisma ba mita kunin mai munan. Bara kupiam ra wiram: ‘Yang baman, kau wala âpu sa yang wina.’

Jirimaya 18:16

Baku witin nani ai kuntrika ba upla iwras tasbaya daukan, piu sut sirang wan iki pliska takan. Upla bahak lui auya ba sut sirang iwi ai lal wauhisa.

Jirimaya 19:8

Naha tawanka tara na upla iwras tasbaya daukamna, sirang wan iki kaia bahmuna tânka baman bâra kabia. Ya sut bahak bal lui kabia ba sirang iwi tâ iwan ra baha sut sauhkan ba kaiki kabia.

Jirimaya 50:13

Yang kupi baikamna bara upla kumi sin bâra swimna apia, upla bahara iwras pali tasbaya takbia. Upla nani bahak lui kabia ba tâ iwan tara taki kabia baku klala brin ba kaiki.

Inanka Nani 1:1

¡Tawan tara yakan pali takan na, blasi upla ailal pali kata ba! ¡Nanara piarka baku takan sa, witin nisan nani tilara tawan nani kiapitalka kata ba! Tawan nani tilara witin king luhpia mairin baku kan, nanara alba mairin takan sa.

Inanka Nani 2:1

¡Nahki Dawan ai lawanka tara ba wal, Saion painkira ba tihmu daukan kasbrika distika ni! Kasbrika pura ba wina tasba kat bataki ba baku, Israel prana ba batakan sa; witin ai lawanka ba yua ra, ai mina taibaika ba dukiara kat sin ai kupia krawras kan.

Inanka Nani 2:15

Baha nani yabal ra lui nani ba, ai mihta pruki kira ni puram winisa; Jerusalem pranakira ba dukiara, wasbi, ai lal wauhi pura wini aisisa: “¿Naha tawanka apia ki, tasba aiska ra kanra pranakira sa wi kata ba?”

Isikiel 27:36

Kuntri wala wina diara âiatkra nani ba, sirang iwan mai kaikan. Bara aihka pali ra tawram ban kaia ra âpu takram.’ ”

Isikiel 28:2

“Man, upla luhpia, Tiro kingka ra wis: ‘Naku wisa Dawan ba: Kupiam ba aimayunra lâka ni banhwan, bara man ba gâd sma lukram, gâd nani iwaika kir ra iwi ba, bara kabu ni kir kutbi mai bri ba. Sakuna man lika gâd apia sma, kuna man waitna sma, bara lukisma gâd baku sinska lâka brisma.

Isikiel 28:9

¿Bara ban damra wali kama ki, gâd baku, taibi mai muni nani ba mawanka ra sma ba ra? ¡Mai iki nani ba mihta ra man ba upla kum baman sma!

Isikiel 29:3

Wis: ‘Dawan naku wisa: Yang param takisni man waihlam, king fero, Idsip kingka, daiwan aihka saura tara, awalkam ra bâra sma bara aisisma: Nilo awala ba yang awalki, yang daukri.

Daniel 4:27

Baku bamna, king dîa mai wisna ba kat dauks, diara sut wapni kat dauks bara sin kli saura daukpara, saurkam nani ba mahka swis, bara umpira nani ra hilp muns, ban kra baku lika sip kama king ban kaia kupia kumi lâka ra pâwi kaia.’ ”

Nahum 3:19

¡Sîka âpu, wînam insauhkanka nani ba yukaia! ¡Wînam sukwanka nani sukwi ba rakaia saika âpu sa! Bamna ya man sturkam walbia ba, witin ai mihta pruki puram wini kabia. Kan, man saura daukaia warkka nani daukram ba, ¿ya pali ra baha saurka tâskika ba alkras sa ki?”

Abakuk 1:7

Witin nani ba sibrin saura wan dingkisa, bara sin saurakira nani sa, lâ wala nani kulkras sa, witin nani ai lâka mangkan ba baman ra kulkisa.

Matiu 27:39

Bahak lui kan nani ba mita swira dauki, ai lal wauhi,