Sofonías 2:13 - DAWAN BÎLA AISKA

¹³ Witin ai mihta yahbra tani mapara sakban kabia, Asiria sauhki tikaia, Ninibi tawanka ba sin âpu daukan kabia, tasba lâwan upla iwras baku daukbia.

Sofonías 2:13 ပူးပေါင်းရင်းမြစ်များ

Aiseya 10:12

Sakuna Dawan ba, dîa witin Saion ilka bara Jerusalem wal ra daukaia ba daukbia ningkara, Asiria kingka ra klala yabia, naha warkka saura dauki ba tâka, witin ai kupia prautka lâka, ai nakra prautka lâka ni ai walka nani ra kaiki ai prana bri ba.

Aiseya 10:16

Baha baku, Dawan karnika sut bri ba mita wîna karnakira nani ba karnika âpu dauki swibia, rihka ba pauta klauhi baha wîna ba ami kaia.

Aiseya 10:5

“¡Asiria kingka ba! Witin ba sika, yang dus kum baku yus munisna kupi baiwi piua ra, witin ni klala yabisna, lawisna ba ra.

Aiseya 11:11

Baha piua ra, Dawan ba aima wala kli ai karnika marikbia, ai uplika nani kau swin ba kli bri balaia, Asiria, Idsip, Patrus, Etiopía, Elam, Sinar, Hamat bara kabu un ra iwi tawanka nani ba wina sut sin.

Aiseya 14:26

Naha sika tasba aiska purara dîa daukaia win ba, mihti ba sakban sa klala yabaia nisan nani sut purara.”

Aiseya 37:37

Bara Senaquerib, Asiria kingka ba kli tawi mahka wan Ninibi ra, bahara sika witin takaskan.

Jirimaya 49:33

Hasor ra kli upla iwbia apia, suksuk tara nani watla takbia. Upla kli bahara takaskbia apia, bahak sin wapi lui kabia apia.”

Jona 1:2

“Ninibi tawanka tara ra was bara wis, yang bui witin nani ba sauhki tikaisna, kan witin nani ai watawanka ba yang sin kaikisna bamna.”

Jona 3:2

“Bus, Ninibi tawanka tara ra was, yang mai wimna dîa smalkaia sma ba.”

Miqueas 5:6

Witin nani ai sordka karnika ni baman Asiria tasbaya, Nimrod kuntrika ra, king aimaki kabia. Asiria nani mihta wina swaki wan sâkbia, wan tasbaya lainka lui dimi wan alkan ba.

Nahum 1:1

Nahum, Elcós tawanka wina ba, Gâd bui witin ra param taki dahra aisanka wauhkataya yan ba. Naha bîla nani sika Ninibi tawanka ra aisaia blikan ba:

Nahum 3:15

Bahara pauta klauhan mita angki âpu mai daukbia, bara sordkam ba sin, kruhkru baku danh âpu mai daukbia. ¡Kruhkru tara nani baku ailal sahwi banhs! ¡Tristrisia baku ailal sahwi banhs!

Nahum 3:7

Upla sut mai kaiki sîam plapbia, bara witin nani wibia: ‘¡Ninibi kata ba sauhki âpu tikan sa! ¿Nanara ya witin nani ra umpira kaikbia ki? ¿Nanara ani wina witin nani maisa nanihkra ba pliki sâkbia ki?’

Sofonías 1:4

“Juda uplika nani mapara yang mihti sakbamni, Jerusalem ra iwi nani ba mapara sin. Baal gâdka kuninkira ba naha tasbaya wina diki sakamni, bara ai prîska nani nina ba sin.