Smasmalkra 2:21 - DAWAN BÎLA AISKA

²¹ Upla nani bâra sa ai warkka ra mangkisa sinska lâka nani, diara tânka nu ba, bara diara lan takan sinska lâka ba, ningkara upla wala kum warkka daukras uplika ra laki yabaia dukiara bribia wisi. ¡Naha sin bahki man sa, bara lâ kasak pali apia sa!

Smasmalkra 2:21 ပူးပေါင်းရင်းမြစ်များ

2 Kronikas 34:2

Josías daukanka nani ba wapni kan Dawan nakra ra, kan witin ai almukka Debit yabalka ra wapan, baha yabalka wina kitwi takras kan.

2 Kronikas 35:18

Israel ra naha Insal luan Yua Liliaka sâtka kumi sin daukras kan, prapit Samuil piua ba wina; Israel ra king kumi daukras kan, Josías daukan ba baku prîs nani wal, Libait nani, Juda bara Israel luhpia nani wal, baku sin, Jerusalem uplika nani wal.

Lawana Nani 39:7

Baku bamna, nanara, Dawan, ¿yang dîa bîla kaikaia? ¡Yang bîla kaikisna ba, man ra baman!

Lawana Nani 49:10

Kan yawan kaikisa upla sut ba pruaia sa, sinskira nani bara sinskas nani ba sin pruisa; bara ai yuyaka ba upla wala nani brisa.

Lawana Nani 49:11

Ai nina ba ni ai tasbaya nani nina ba mâkan sakuna, raiti ba ai watla bâra ban kabia; bahara ban kaia ra bâra kabia.

Smasmalkra 2:20

Naha tasba ra diara daukri ba sut kaikri ba ra, karna inri wark uya takri ba dukiara.

Smasmalkra 4:4

Kaikri wark ailal takaia ba, bara nahki taki ba, bisnis uplika kum wala ra tuman lâka brih aula, bara baha sin bahki sa, pâsa ra alkaia baku.

Smasmalkra 4:8

Upla yakan ba, ai uplika âpu, ai luhpia âpu, ai muihni sin âpu ba, sip ris briras; ai dukia kukan bara lukan baman sip swapras, bara makabi sin walras: “¿Bara ya dukiara wark uya takisna? ¿Dîa kan wan wîna yamni briaia dukia apia wisna?” Kan naha na sin lukanka bahki sa bara karbanka wirha kum sa.

Smasmalkra 9:18

Sins lâka ba kau yamni sa, war aiklabaia dukia nani ba wal. Swakwanka kumi baman mita sauhkanka tara brih aula.

Jirimaya 22:15

¿Man lukisma yalam tatka kainam kir brih iwisma ba mita king sma? Man aisikam ai raya ba lilia brin, sakuna kasak lâka wapni lâka ra ai warkka dauki kan, baha mita diara sut dauki kan ba yamni man taki kan.

Jirimaya 22:17

“Sakuna man lika yakan briaia trabil taki lukisma saura dauki sakram ba wina, pâtkas nani ba ikaia daukram, uplikam nani ba taibisma bara dukia dakbisma.”