Sins Lâka 8:7 - DAWAN BÎLA AISKA

⁷ yang dîa aisaisna ba kasak sa, kunin aisaia ba want apia sna.

Sins Lâka 8:7 ပူးပေါင်းရင်းမြစ်များ

Job 36:4

Yang kasak mai wisni kunin kumi sin âpu, kainamra sinskira kumi brisma sut ba daukan ba.

Lawana Nani 37:30

Upla yamni ba sins lâka ra luki sturi aisisa; upla yamni ba kasakka lâka daukaia luki sturi aisisa.

Sins Lâka 12:22

Upla kunin aisi ba Dawan bui saura pali kaikisa, sakuna kasak kat dauki banhwi ba, witin yamni lukisa.

Sins Lâka 16:12

Watawi daukaia lâka ba, king nani bui saura pali kaikisa; king iwaika ba, kasakka lâka ni dutki bapan sa bamna.

Sins Lâka 29:27

Upla kasakkira nani nakra ra waitna watawikira ba saura pali sa, bara upla watawikira nakra ra yabal ra wapni tataukra ba saura pali sa.

Jan 1:17

Gâd mita lâ ba Moses bâk yan kata; sakuna latwan lâka bara kasak tânka ba lika, Jisas Kraist bâk baman lika sip kata.

Jan 14:6

Jisas bila: —Yang sika yabal ba, kasak tânka ba bara rayaka ba sin. Yang bâk baman sip sa Aisa ra waia.

Jan 17:17

Naha nani ba man kasakkam ba ni aihka saki holikira sâks; man smalkankam bîla ba sika diara kasak pali ba.

Jan 18:37

Bara Pailat pana win: —¿Baku bamna, man ba king kum sma ki? Jisas pana win: —Âu, yang na king sna, man aisaram ba baku. Yang aisubi taki, naha tasba ra balri diara kasak ba upla nani ra wiaia. Bamna baha nani sut kasakka lâka ra nani ba, yang dîa aisisna ba aman walisa.

Jan 8:14

Jisas pana win: —Yang yakan dukira witnis aisamna kra, kuna dîa aisisna ba lika kasak pali sa, bamna yang kaikisna ani wina balri ba, bara anira sin kli auna ba; sakuna man nani lika kaikras sma ani wina taki balri bara anira sin auna ba.

Roman 15:8

Yang dîa aisisna ba lika, Kraist balan Ju nani dukia daukaia, bara baku Gâd marikan sa witin mita wan damika nani ra pramis daukan ba tnata alkan sa, bara marikisa Gâd ba ai pramiska kat kasak daukisa.

Param Marikanka 3:14

“Leodisia sertska insalka ra sin ulbi wis: ‘Naku wisa witinka Kasakkira ba, witnis kasak bara diara kasak kat aisi ba, Gâd diara sut paskan ba tâ wina: