Sins Lâka 8:13 - DAWAN BÎLA AISKA

¹³ Dawan ra kulkaia lâka tânka ba lika, saura lâka ra misbara kaikaia ba sika yang misbara kaikisni, praut lâka ba bara tara pulan lâka ba ra sin. Yabal saura ba bara kunin aisaia lâka sut ba saura kaikisni.

Sins Lâka 8:13 ပူးပေါင်းရင်းမြစ်များ

Job 1:1

Us tasbaya ra waitna kum bâra kan, ai nina ba Job; witin ai rayaka ba tâski âpu lâka ra wapni iwi kan, Gâd dukia kasak yamni dauki kan, upla ra saura munras yamni baman muni kan.

Job 28:28

Bara Gâd mita upla nani ra win: “Dawan dukia ba kasak daukaia ba, baha sika sins lâka ba, saura wina tnaya ra tawaia ba sika, diara tânka kaikaia lâka.”

Lawana Nani 101:3

sip kaikanki ba, mangki brimna apia, baha nani tanis tiwaia yabalka ra tauki ba ra. Misbara kaikisna baha nani Gâd lâka briras watauki ba, ¡swirka witin nani laimara sin balbia apia!

Lawana Nani 119:104

Man lâmka bîla nani ba wina, yang diara tânka brisni; baha mita misbara kaikisni, kunin watawi lâka nani ba.

Lawana Nani 119:128

Baha mita tâi briram man lâmka nani bâk, bara misbara kaikisni kunin daukanka nani ba.

Lawana Nani 138:6

Dawan ba lika purara sa, ban sakuna bawikira uplika kat kaikisa; kuna pura luan dauki nani ra lika laih wina kaikisa.

Lawana Nani 97:10

Dawan ba latwan kaikisa, baha uplika nani saura ra misbara kaiki ba; kasak luki nani rayaka ba, kan kahbi brisa; upla watawikira nani mihta ra kauhaia ba wina dakbi sakisa.

Impakan Sturka 1:17

Sakuna grandi mairin nani ba Gâd ra sibrin luki uplika nani kata, bamna dîa king bui witin nani ra win ba kat daukras, tuktan waitna nani ba sin ban swin raya kan.

Sins Lâka 10:31

Upla kasakkira bîla ba sins lâka mâ sakisa, sakuna watawikira nani ra twisa ba dakban kabia.

Sins Lâka 15:9

Upla watawikira daukanka ba, Dawan mita saura pali kaikisa, sakuna witin kasak lâka ra iwi uplika ra, witin latwan kaikisa.

Sins Lâka 16:18

Praut lâka ninara sauhki tikan lâka sin aula; pura luaia spiritka ba ninara, kauhanka tara sin balisa.

Sins Lâka 16:5

Kupia praut uplika nani ba Dawan bui saura pali kulkisa, naiwa, yauhka kabia pat pali klala bribia.

Sins Lâka 16:6

Kupia pinhka bara kasak tânka ba wal, watawanka ba kli wapni takan sakisa, bara Dawan ra kulkaia ba mita upla nani lâ saura wina laihura takisa.

Sins Lâka 3:7

Man ba sinskira pali sma lukpara; Dawan ra kulkanka yas, bara saura ba wina mahka tawi was,

Sins Lâka 4:24

Kunin aisaia lâka wina plaps; kunin lâka wina tnaya ra taws.

Sins Lâka 6:12

Upla rugkira bara aisawan nani ba, piu bani kunin aisi wataukisa;

Aiseya 13:11

Dawan aisisa: “Tasba ai watawika lâka ba tâwan klala yabamna, saurakira nani, witin nani bui upla iki ba tâwan; prautkira nani kalwi ba takaskamna, karnakira nani upla wala ra kulkras ba, yârika mâyara bawbia.

Emus 5:15

¡Diara saura daukaia ba, man nani misbara kaiki bas! ¡Bara diara yamni daukaia ba latwan kaiks! Aman kaiks lâ pliska nani ra lâ kasak ba daukbia, baku daukma ban kra karnika sut pali brih Dawanka ba, Israel luhpia nani kau bâra ba, ban umpira kaiki bâra swibia.

Emus 6:8

Dawan ai nina ba mâki, witin swer taki aisin; Dawan Gâd karnika sut pali bri ba, witin sika naku kasak aisisa: “Jekob uplika nani aimayunka ba, yang misbara saura pali kaikisna; ai watla tara nani paskan ba, misbara kaikisna; bamna baha paskanka nani sut ba, witin nani ai waihla nani mihta ra mangkamni.”

Sakaraya 8:17

bara pana pana saura munpara, swer taki kunin aisapara. Kan baha sut yang misbara kaikisna. Yang, Dawan, kasak aisisna.”

Roman 12:9

Latwan kaiks kasak tânka ra wal pana pana. Saura lâka ba misbara kaiks, kuna diara pain ba nina blîks.

1 Tesalonaika 5:22

Man nani saurka sât sât wina tnaya ra taki banhs.

2 Timoti 2:19

Sakuna Gâd mita playa kum karna bapan ba lika ban buisa, bara naha bîla nani na bahara ulban sa: “Dawan mita ai uplika nani ba kakaira sa”, bara: “Ani uplika nani Dawan nina bri ba, witin nani ba saurka wina tnaya ra takaia sa.”

1 Pita 5:5

Baha sim natka ra, man nani wahma nani, almuk nani karnika munhtara bawi bas. Man nani sut kumi bani walkam munhtara bawaia sma; kan Ulbanka ra naku wisa: “Prautkira nani ba Gâd mita batakisa, sakuna bawikira nani ra lika ai yamnika ni buki hilp munisa.”

1 Samuil 2:3

Upla kumi sin uba aimayunbiara, upla kumi sin ai wîna tara kulki aisabiara, kan Dawan ba sika Gâd diara sut tânka kaiki ba, bara dîa upla dauki ba, witin paun mangki lâ tânka kat daukisa.