Sins Lâka 8:10 - DAWAN BÎLA AISKA

¹⁰ Silbar bara gul painkira briaia watlika ra, smalkanka ba bara tânka briaia lâka ba pliki bris.”

Sins Lâka 8:10 ပူးပေါင်းရင်းမြစ်များ

Job 28:15

Gul ni sip sakras sa, silbar ni sin sip atkras sa.

Job 28:17

Gul bara glas walpaya wal kau manakira sa, gul ni daukan dukia nani wal sin sip atki sakras sa.

Lawana Nani 119:127

Ba mita, yang lika man lâmka bîla nani ba latwan kaikisni gul pain aihwa ba purkara.

Lawana Nani 119:162

Yang lika lilia daira walisna pramiskam nani ba wal, upla kum diara kukan tara kum sakan ba baku.

Lawana Nani 119:72

Yang maipara kau tara sa, man smalkankam ba, kau pain sa, gul bara silbar mâ tausin ailal briaia ba wal.

Sins Lâka 10:20

Upla kasakkira twisa ba silbar aihwa pali baku sa, upla watawikira nani lukanka ba bahki man sa.

Sins Lâka 16:16

Sins lâka alki briaia ba, kanra yamni sa gul pain briaia ba wal. Diara tânka brih, lukaia lâka pliki briaia ba sin, silbar wal kanra yamni sa.

Sins Lâka 20:15

Mana kau brisa, ya sins lâka wal aisi ba, yang wîni tara ba tasba aiska gulka ba, bara sin walpa klauhira nani wal kau mana tara sa.

Sins Lâka 23:23

Kasak tânka ba bara sins lâka ba atki bris, smalkanka bara diara tânka alkaia ba, ¡atkrika wabiara!

Sins Lâka 8:19

Yang yabisna dukia ba lika kau yamni sa silbar kau painkira ba wal, yang yaia wisna ba kau yamni sa, silbar painkira ba wal.

Smasmalkra 7:11

Yamni bara hilp lâka kum sa, sins lâka briaia ba, naha tasba ra iwi uplika nani ra, baha purkara ai almukka nani prapatika kum wal auya sa kaka.

Apastil Nani Sturka 3:6

Sakuna Pita bila: —Yang silbar bara gul kumi sin maikaia âpu sna; ban sakuna dîa brisna ba, baha lika sip kamna maikaia: ¡Jisas Kraist Nasaret wina ba nina mâki mai wisna, man mahka bûi, waps!

2 Korint 6:10

Yang nani sari bri baku, kuna piua bani lilia sna; yang nani lika umpira, sakuna upla ailal yuyakira daukisna; ban kra yang nani diara âpu baku sna, sakuna diara sut bri banhwisna.