Sins Lâka 7:1 - DAWAN BÎLA AISKA

¹ Luhpi, yang bîli nani ban bri bas, bara lâika bîla nani ba sin ban lukankam ra bri bas.

Sins Lâka 7:1 ပူးပေါင်းရင်းမြစ်များ

Job 22:22

Yas witin ba mita mai smalkbia, ai bîla nani ba sinskam ra mangki bris.

Sins Lâka 1:8

Luhpi waitna, aisikam mai smalki ba wals, bara sin yaptikam mai smalki ba, bahki kulkpara.

Sins Lâka 10:14

Sinskira nani ba sins lâka bri ba suni kahbi main kaiki brisa, sakuna taniskira nani aisinka ba, wan lamara pat pali aula sa diara sauhkaia lâka ba.

Sins Lâka 3:1

Luhpi waitna, smalkanki nani ba âmya tiwbiara; bara kupiam ra yarka lâika bîla nani ba alki yamni bribia,

Sins Lâka 4:21

Ban pali yarka namkra nani wina tiwi wabiara; lukankam ra ulbi bris.

Sins Lâka 5:5

Witin wal taukaia ba prura ra wan bri wisa; witin wapanka nani ba wan bri auya raiti bîla kat.

Sins Lâka 6:20

Yang luhpi, piu bani ra lukankam ra mangki bri bas aisikam, yaptikam lâ mai smalkanka nani ba.

Sins Lâka 6:35

Witin mairin ba pura mana sât aibapbia ni sin, sip aitani kulki bribia apia, sip sin pâtka ba swih tikbia apia, man prisant ailal yama ni sin.

Luk 11:28

Witin pana aisin: —¡Kau yamni pali sa baha uplika nani Gâd bîla wali, ba kat dauki nani ba!

Luk 8:15

Sakuna saumuk mâ nani tasba pain ra kauhan ba sika, baha uplika nani ai kupia pain ni, ridi pali Dawan bîla smalkanka ba waluya, bara piua bani kasak ban sa, bara mâ pain pali sakuya.

Jan 14:23

Jisas pana win: —Ani uplika latwan ai kaiki ba, dîa aisisna ba kat wali daukisa, bara Aisiki mita latwan kaikbia, bamna yang Aisiki wal bal baha uplika ra takaskamna.

Jan 15:20

Bamna dîa mai wîri ba dukiara kupiam krauki bas: ‘Alba kumi sin âpu sa, witin ai dawanka wal kau tara ba.’ Yang pali nini bliki rau ai sauhkan sa kaka, man nani ra sin ninam bliki rau mai sauhkan kabia; bara witin nani bui yang smalkanki bîla ba alki brin kaka, man nani smalkankam bîla ba sin alki bribia.

Kli Smalkanka 11:28

Saura mai kulkbia, gâd kum man nani kakaira apia sma ba ninara wama kaka, Dawan Gâdkam lâka nani lulki swi, ai lâka nani naiwa maikisna na wina tnaya ra tawma kaka.

Param Marikanka 1:3

Lilia kaia sa, ya naha wauhkataya aisi kaiki na, bara lilia sin kaia sa, naha sturka Gâd mita blikan bara nahara ulban na ra pain wali, bîla kat dauki nani ba, kan piua ba pat baila sa bamna.

Param Marikanka 22:9

Sakuna witin ai win: “Man baha daukpara. Yang lika man baku Gâd dukia dadaukra kum sna, muihkam nani Gâd prapitka nani baku, naha wauhkataya ra diara nani ulban na kat bîla wali dauki nani ba wal baku sin. Gâd ra puram suni mayuns.”