Sins Lâka 5:4 - DAWAN BÎLA AISKA

⁴ Kuna baha ningkara, witin tahpla pali takuya, sord ai malika wâl bri ba baku mala sa.

Sins Lâka 5:4 ပူးပေါင်းရင်းမြစ်များ

Lawana Nani 55:21

Ai aisinka nani ba butar lalalnika baku aisisa, sakuna ai lukanka nani ba lika war bukisa. Ai bîla aisinka ba batana baku swapni sa, sakuna baku apia sa, sim sord malika baku brisa.

Lawana Nani 57:4

Tasba ra kauhi prawisna, layan nani upla pi ba tilara ai napa nani ba lika langsa bara trisba tatwika baku sa, ai twisa ba lika sord malika kum baku sa.

Sins Lâka 9:18

Sakuna witin nani tânka briras sa ai paiwan uplika nani ba, nanara dista kum baman sa, prura kingka tasbaya ra.

Smasmalkra 7:26

Diara kum wal prawri ba prura wal kau tahpla sa: mairin ai kupia wal warbanka dauki ba, bara ai klahkla wal wilki bri ba. Dawan kupia lâka uplika nani baha wina swakbia saurakira nani ba ai sînka bilara kauhbia.

Hibru Nani 4:12

Kan Gâd bîla ba rayaka brisa, bara karnika sin brisa. Baha ba sika sord mala napa wâl bri ba sut purkara kau mala sa, bara wan sulka bara wan spiritka biara pali ba kat dimi wisa, wan lukutbaika bara wan dusa bîla kat sin. Baha bîla ba mita wan kupia lukanka nani ba bara dîa daukaia luki ba sut sin klir pali sakisa.