Sins Lâka 4:19 - DAWAN BÎLA AISKA

¹⁹ Sakuna upla watawikira nani yabalka ba lika tihmia tara ra sa; witin nani ai dahra walras, dîa mita ai mina prukisa sapa.

Sins Lâka 4:19 ပူးပေါင်းရင်းမြစ်များ

Job 12:25

witin nani ba saura yabalka tihmu ra swin sa, aimawahki taukisa, upla kum laya tahpla din bla ba baku.

Job 18:18

Ingni ba wina tihmia tara nani ra lulkan kabia, naha tasba wina sin kangbi sakan kabia.

Job 5:14

¡Kakna yu ingnika pali ra, tihmia ra baku upla traika kaiki taukisa; kunin prâka siksa ba dimi, kakna ra tihmia baku wataukisa!

Lawana Nani 82:5

“Sakuna man nani diara kaikras, tânka sin briras banhwisma; kau tihmia ra wataukisma. Tasba playa bapanka ba nikbi banhwisma.

Sins Lâka 2:13

Baha nani yabal yamni ba mahka swi si, bara tihmia yabalka nani ra impaki ba;

Sins Lâka 22:5

Kiaya nani, kiwa wilkanka nani, upla warha yabalka ra bâra sa: sakuna ya ai rayaka aihwaki kaiki uplika, baha nani wina laihura wabia.

Jirimaya 13:16

Man nani bui Dawan Gâdkam ba pain kulki bas, witin bui man nani ra tihmia tara ba kau bri balras bara kiasma ilka nani ra kau minam prukras sma ba ra; baha ingnika bîla kaikisma witin mita kau tihmia tara ba bri balras dista tara ba kau daukras ba ra.

Jirimaya 23:12

Baha mita ai yabalka nani ba tihmia tara lalawra man kabia: witin nani ba tukbi batakaia daukamna. Witin nani aikuki diara kulki kaikamna ba ra, witin nani purara sarka paskaia bri balamna. Yang, Dawan, kasak aisisna.

Matiu 15:14

Baha nani ba swis, witin nani ba nakras bara nakras wala nani ba tâ brisa. Bara nakras kum nakras wala tâ brisa kaka, wâlsut unta kum ra kauhbia.

Matiu 7:23

Sakuna yang mita pana witin nani ra wimna: ‘Yang bui man nani ra mai kaikras pali katna; ¡diara saura baman dadaukra nani, maiwan wina taki was!’

Jan 11:10

Sakuna upla kumi tihmia ra wataukisa kaka, ai mina prukisa, kan witin ingni ra apia sa bamna.

Jan 12:35

Bara Jisas bila baha nani ra: —Kaiks, piua wiria baman ingni ba kau man nani tilamra kabia. Bamna watauki bas kau baha ingnika brisma ba ra, tihmia kra mai alkbiara sîa; kan tihmia ra watauki uplika ba, witin kaikras sa anira auya sapa.

1 Jan 2:11

Sakuna ya ai muihni ra misbara kaikisa kaka, witin lika tihmia ra iwisa bara sin taukisa; ba mita witin anira auya sapa kaikras sa, tihmia ba mita nakra sut blain dauki bri ba mita.

1 Samuil 2:9

Ai uplika kasakkira nani mina taibanka ba witin bui main kaikisa, sakuna saurakira nani ba tihmia tilara prubia, kan upla kumi sin ai karnika ba mita pura lubia apia bamna.