Sins Lâka 4:17 - DAWAN BÎLA AISKA

¹⁷ ¡Witin ai pata bara ai diaika ba, saurka lâka bara tanis lâka ba!

Sins Lâka 4:17 ပူးပေါင်းရင်းမြစ်များ

Lawana Nani 14:4

¡Wark saura dadaukra nani ba, kumi sin diara tânka briras! Witin nani bui yang upliki nani ba pi banhwisa, upla plun pi ba baku, witin nani bui Dawan ra ai pura sunras.

Sins Lâka 13:2

Upla ai bîla aisinka mâ ba wina diara yamni pibia, sakuna upla âiatkra ba, plun dauki baku sa saura munaia mapara.

Sins Lâka 20:17

Upla ba lihkisa kunin lâka ni aibanhbia, sakuna ningkara ai bîla ba, auhya ni banhwan baku kabia.

Sins Lâka 9:17

“Implikan laya nani ba diaia kau auhni sa; plun yukuwi pin ba, kau auhni sa.”

Aiseya 5:18

Man nani ra saura pali kabia kan kunin lâka ni watawika lâka ra raskisma ba, saura lâka ba raski brih auma wagin kum raski ba baku.

Aiseya 5:20

¡Man nani ra saura kabia, diara saura ra yamni wisma ba, bara yamni ra saura wisma ba; ingni ba tihmia tara daukisma, bara tihmia tara ba ingni daukisma; tahpla ba damni daukisma, bara damni ba tahpla daukisma!

Jirimaya 9:4

Wan upliki nani ba sin kasak sa kulkaia apia; wan muihni pali ba ra sin kasak lukaia apia sa, kan ai muihnika nani ba sin pana pana kunin munisa, bara ai uplika nani ba sin ai uplika ninara saura aisisa.

Miqueas 3:5

Yang tawanki uplika nani ba lika, yabal saura bara tiwan bâk impakisa, prapit kunin muni ba tâka mita. Baha nani ya bui plun yabi nani ra, kupia kumi lâka dukiara aisi wisa; sakuna war aiklabaia lâka bukisa, baha nani bui witin ra plun yabras ba mapara. Dawan ba mita baha prapitka nani ra wisa.

Miqueas 6:12

Yuyakira nani naha tawanka ra iwi ba upla umpira nani ra tataibra pali man sa; kuninkira nani bara upla ra kunin mamunra baman nahara iwisa.

Miqueas 7:3

Witin nani lika, diara saura daukaia smasmalkrika nani sa; wark lalka tara nani ba, pana yabia dukiara taibi munisa, lâ dadaukra nani ba ai mana tara kulki implikisa; upla tara karnika bri ba sin, ai kupia brinka ba kat baman lâ nani ba daukisa, bara tawan uplika nani sin witin nani dauki ba wal warha daukisa.

Sofonías 3:3

Wihta tara nani ba layan baku uhbisa; wihta sirpi nani ba yul kraskira plun dauki kan, wîna dusa sut pi ba baku sa, yauhka dukiara dusa kum pan swiras.

Matiu 23:13

“¡Lâ Smasmalkra nani bara parisi nani, kuninkira nani, man nani mampara saura pali kabia! Kan man nani kasbrika purara ba Kingka aimaki lâka durka ba prakisma, upla wala nani dimbia apia dukiara. Man nani pali sin dimras, upla wala nani diman dauki ba sin yabram dimras.