Sins Lâka 3:6 - DAWAN BÎLA AISKA

⁶ Diara daukisma nani sut ra, Dawan ba tâmra bri bas, bara witin mai brih wabia yabal wapni bâk.

Sins Lâka 3:6 ပူးပေါင်းရင်းမြစ်များ

1 Kronikas 28:9

Bamna man, luhpi Salaman, aisikam Dawanka ba kakaira taks, bara ai dukia dauks kupia kasak ni, kupiam pihni lâka ra, kan Dawan lika upla sut kupia tânka pliki kaikisa, bara dîa wan lukanka ra ba sut pali tânka brisa. Bara man bui witin ba plikma kaka sâkma, sakuna witin ba man swima kaka, witin bui ban kaia ra mai lulkbia.

Esdras 7:27

Bamna Esdras naku ai pura sunan: “Dawan ba yamni pali kabia, wan aisika nani Gâdka ba, witin mita king kupia ra mangkan, Dawan watla Jerusalem ra ba pain kulkaia.

Nihimaya 1:11

Dawan, yang bui man ra mamkabisna puri sunra na man wali kaiks, nampakan nani makabi ba sin, witin nani brin dauki ba sika naha baman sa: man ra yamni mai kulkaia. Bamna yang sin mamkabisna, diara sut yang ra yamni takaia ba aik, king ba sin tatuks bûi yang ra luki tniwaia.”

Nihimaya 2:4

Bara king ba yang ra makabi walan: —¿Dîa sip sna man dukiamra daukaia? Baku bamna, yang lika kasbrika pura Gâdka ra puri sunri,

Nihimaya 7:5

Gâd bui yang kupi ra mangkan, tawan uplika nani ba, wihta nani bara tawan uplika nani ba sut asla daukaia, bara upla nani bani kiamka kat nina nani wauhtaya ba ra laki kaikaia. Bara baha wauhkataya ra kiamka nani tâura balan nina nani ba kaikri, bara bahara naku ulban kan:

Lawana Nani 32:8

Dawan ba naku aisisa: “Man kat yang mai kaikisni. Yang mai smalki mai wimna, yabal ba mamrikamna man anik waia sma ba.

Sins Lâka 11:5

Kasak lâka ba mita kasakkira ra yabalka wapni daukisa, sakuna upla watawikira ba ai lâka watawi ba mita kauhbia.

Sins Lâka 16:3

Man warkkam nani Dawan mihta ra mangks, bara diara nani kupiam ra luki paskram ba dauki sâkma.

Sins Lâka 16:9

Upla kupia ba lika wark nani daukaia ba yabalka ba luki plikisa, sakuna Dawan sika, witin ai warkka luki dauki ba wapnika mangkisa.

Sins Lâka 23:17

Upla saurakira nani ra kupiam tumbiara, sakuna yu aiska Dawan sibrinka wal kama.

Aiseya 26:7

Man Dawan sika, yabal nani ba wapni mangkisma ba, kasakkira nani yabalka ba wapni pali sa.

Aiseya 30:21

Bara man kiamam ra wali kama ninam wini naha bîla nani mai wibia: “Naha sika yabal, man nani bahak impaks.” Bara mihtam aihkika ra tawpara, mihtam smihka ra sin apia, tnaya ra sin tawaia apia.

Aiseya 45:13

Yang mita Ciro ra param takri bara pura luaia, ai yabalka nani sut ba wapni daukamni, witin bui yang tawanki ba paskbia, upliki nani priski brih wan ba lanhkbia, lalah mana sin apia, prisant, Israel wala mana sin apia.” Dawan karnika sut bri ba aisin.

Aiseya 48:17

Dawan bui man ra atki mai sasakra ba, naku win, Israel Gâdka Holikira ba: “Yang sika man Dawan Gâdkam; yamnika uya man ra takaia ba mai smalkisni, yabal bâk wapaia tâm brisna.

Jirimaya 10:23

Dawan, yang kasak daira walisna upla rayaka ba witin mita Dawanka apia sa, ai kanra ai rayaka ra dîa takaia ba alki takaskaia karnika âpu sa.

Jirimaya 42:3

Dawan Gâdkam ra puram suns yang nani nahki dauki waia yabalka ba mairikbia.

Kulki Kaikanka 9:20

Tila taim yu kulki baman kasbrika ba tint watla ba purara kan bamna, Dawan ahkia witin nani ra maisa paki dauki ba kat takaski bâra ba piua witin nani takaski kan, apia kaka impaki kan.

1 Korint 10:31

Baku bamna, pi banhwisma sapa, di banhwisma sapa, dîa dîa daukisma sapa, sut ba Gâd prana dukiara dauki bas.

2 Korint 8:16

Bamna Gâd ra tingki wisna, yang kupi ra dîa man nani dukiamra luki kapri ba, baha sim lukanka witin Taitus kupia ra sin mangkan.

Pilipai 4:6

Man nani diara kumi dukiara sin sari takpara, sakuna dîa dîa luha sma ba sut, Gâd ra puram sunra nani ra wis, makabi bas bara tingki sin wis.

Kolosi 3:17

Dîa dîa daukma, apia kaka aisama ba sut, Dawan Jisas nina ra dauki bas. Witinka bâk Gâd wan Aisa ra tingki wi bas.

Kolosi 3:23

Dîa dîa man nani daukisma ba ra wilinkira dauki bas, Dawan warkka daukisma baku, upla nani warkka daukisma baku lika apia.

Jems 1:5

Man nani tilamra ya sins lâka luha sa kaka, Gâd ra makabia, bara Gâd mita yabia; kan witin sika ai kupia aiska ni upla sut ra yabisa, swira sin daukras kira.

1 Samuil 30:8

bara witin mahka Dawan wal aisin ba ra, makabi walan: —¿Baha âimplikra daknika ba nina blikamna ki? ¿Bliki alkaia sip sna ki? Dawan pana witin ra win: —Nina blîks, kan bliki alkma bara priski brih wan nani ba pri sakma.