Sins Lâka 22:18 - DAWAN BÎLA AISKA

¹⁸ Diara painkira sa man baha nani kupiam ra ban brima kaka, Bara baha sut kli aisi sâkma kaka.

Sins Lâka 22:18 ပူးပေါင်းရင်းမြစ်များ

Lawana Nani 119:103

Man pramiskam nani ba yang dairkaya ra damni pali sa, bîli ra nasma baku sa.

Lawana Nani 119:111

Yang prapatiki ban kaia ra ba lika man lâmka, kan man bîlam nani ba bui lilia ai daukisa.

Lawana Nani 119:13

Yang bui upla nani ra wimni, man bîlam ni aisi daukram lâka nani dahra ba.

Lawana Nani 119:162

Yang lika lilia daira walisna pramiskam nani ba wal, upla kum diara kukan tara kum sakan ba baku.

Lawana Nani 119:171

Mayunan lâka ba bîli wina takbia, man bui lâmka nani ai smalkram bamna.

Lawana Nani 19:10

¡Dawan lâka nani ba, gul wal kan mapara tara sa!, ¡gul pali ba wal sin kau mana tara sa! ¡Baha lâka nani ba lika, nasma laya wal kau damni sa!

Sins Lâka 10:13

Diara tânka luki uplika bîla nani ba wina, yawan sins lâka sakisa; kuna klala ni, sins yamni briras uplika nina dusa ra wipan kabia.

Sins Lâka 10:21

Upla kasakkira nani aisanka mita upla ailal yamni smalkisa, taniskira nani ba sins yamni luha ba tâka mita pruisa.

Sins Lâka 15:7

Sinskira nani bîla aisinka wina sins lâka yakabisa, sinskas ba, ai lukanka wal, dîa sut ba mapara man daukisa.

Sins Lâka 16:21

Ya sins lâka ra luki kaiki ba, baha ba sinskira nina mâkisa, kupia yamni bîla aisanka ba, kau pain kasak lukaia wankisa.

Sins Lâka 2:10

Kan man lukankam ba sins lâka bribia, bara sins lâka damnika ba dabi kaikma.

Sins Lâka 22:19

Naiwa yang bui man ra baha maisam pakri sa, man Dawan ra kasak luki tniwi kama ba mata.

Sins Lâka 25:11

Bîla aisanka nani ba ai piua kat aisi ba ra apil gul ni paskan ba baku sa, silbar ni paskan watlika ra mangki swin baku sa.

Sins Lâka 3:17

Man minam taibanka nina blikaia ba painkira pali sa; man yabalkam nani ra taukaia ba sika kupia kumi ra iwaia kaia.

Sins Lâka 4:20

Luhpi, bîli aisika nani na aman wals; diara nani aisisna sna ba kat kiamam tniki wals.

Sins Lâka 4:21

Ban pali yarka namkra nani wina tiwi wabiara; lukankam ra ulbi bris.

Sins Lâka 8:6

Yang dîa aisaisna ba wals diara nani tânka tara bri ba bara kasak nani aisaisna ba,

Jirimaya 15:16

Man bui yang ra aisi kapram ba ra, aisinkam nani ba langki katna; baha nani sika yang liliaki âiyapah ai saki kan yang kupi ra, kan yang sika aiska man dukiam sna, Dawan bara Gâd karnika sut man brisma ba.

Malaquía 2:7

Baha sika prîs nani warkka, upla nani ra smalkaia yang wal kakaira takaia, upla sut witin nani ra wih smalkanka ba briaia, kan witin nani sika Dawan karnika sut bri ba bîla smasmalkra nani sa.

Jan 7:38

Ya yang ra kasak luki ba, Ulbanka ra aisi ba baku, witin ai kupia wina lî rayakira nani awala baku aubi kabia.

Hibru Nani 13:15

Baha mita, piu bani Jisas Kraist bâk yawan bui Gâd ra mayunra yabaia sa. Naha mayunra sika yawan sakripais dauki yabaia ba; tânka ba lika, wan bîla baikra nani wal ai nina ba mayunaia.