Sins Lâka 21:4 - DAWAN BÎLA AISKA

⁴ Ai nakra ni praut kaiki ba ai kupia lukra tara sa luki ba, upla watawikira ingnika ba sut, saurka lâka sika.

Sins Lâka 21:4 ပူးပေါင်းရင်းမြစ်များ

Job 18:5

Saurakira ingnika ba daskan kabia, bara pauta mukan ba sin klauhbia apia.

Job 18:6

Ai lampka ingnika ba daswan kabia, bara ai watla ra ingni âpu kabia.

Lawana Nani 10:4

Ai kakma snungki lawi bara aisisa: “Gâd âpu. Dîa daukisna ba ya mita maikabi walaia âpu sa.” Baha baman witin lukisa.

Lawana Nani 101:5

Baha nani ba bîla prakaia daukamni yukuwan ra ai lamara iwi uplika nani ninara aisi ba; witin nani ba tara sa luki ba, ai mawan snungki aisi ba, ¡baha nani mapara sip kupi alki takaskras sni!

Lawana Nani 131:1

Dawan, yang kupi ra praut lukras sna, naikra nani ai sin pura luan daukras, diara tara aihkakira nani ninara sin yang waras, baha yang sip alkras sna ba.

Sins Lâka 15:8

Upla watawikira nani, daiwan iki angki sakripais dauki ba, Dawan mita saura pali kaikisa; sakuna wapnikira nani pura sunra ba, witin ai lilika sa.

Sins Lâka 21:27

Watawikira nani daiwan iki angki dauki ba ra, Dawan mita saura pali kaikisa; kan aiska witin nani ai kupia lukra saura wal brih aula bamna.

Sins Lâka 24:20

kan upla saura nani ba naika diara yamni bribia apia; upla watawikira ba lamp kum baku daskan kabia bamna.

Sins Lâka 30:13

Upla tila sin bâra sa, bukisa witin ba uba tara pali sa, bara upla wala ba ai nakra ra bahki kaikisa.

Sins Lâka 6:16

Diara 6, apia kaka 7 bâra sa, Dawan mita aiska misbara kaiki ba:

Sins Lâka 6:17

ai nakra praut lâka ra kaiki ba, twisa kunin aisi ba, mihta nani sin tala pâtkas laiki ba,

Sins Lâka 8:13

Dawan ra kulkaia lâka tânka ba lika, saura lâka ra misbara kaikaia ba sika yang misbara kaikisni, praut lâka ba bara tara pulan lâka ba ra sin. Yabal saura ba bara kunin aisaia lâka sut ba saura kaikisni.

Aiseya 10:12

Sakuna Dawan ba, dîa witin Saion ilka bara Jerusalem wal ra daukaia ba daukbia ningkara, Asiria kingka ra klala yabia, naha warkka saura dauki ba tâka, witin ai kupia prautka lâka, ai nakra prautka lâka ni ai walka nani ra kaiki ai prana bri ba.

Aiseya 2:11

Witin nani baman sa praut luki, ai walka ra kaiki ba; mâyara batakan kabia; prautka lâka bri nani ba mâyara bawan kabia. Baha yua ra Dawan baman purara bukan kabia,

Aiseya 2:17

Witin nani baman sa luki purara uli wan nani ba mâya pali kat batakan kabia. Baha yua ra Dawan mita, witin baman purara ba tânka marikbia,

Aiseya 3:16

Baku sin Dawan aisisa: “Saion mairka nani ra, witin nani baman sa luki ba, ai nana dusa nani ba wapni pura kat kaiki wapisa, upla wala nani ra kaiki ba kulkanka âpu, wapi tauki bara ai mina ba klutka lulki wapisa, bara ai mina nani ra sakahki dukia bin daukisa,

Luk 11:34

Wan nakra nani ba lika wan wîna tara lampka baku sa; man namkra nani ba pain sa kaka, man wînam tara aiska ingni brisa; sakuna man namkra nani ba saura sa kaka, wînam tara aiska ba tihmu ra sa.

Luk 18:14

Yang mai wisni, naha lal mana sasakra na kli ai watla ra wan Gâd bui pain kulkan ba kira, sakuna parisi ba lika apia. Kan ya ai wîna tara kulki ba, mâyara ikan kabia, sakuna ya mâyara bawi ba, tara kulkan kabia.”

Roman 14:23

Bamna ya plun kum pîsa kaka pain lukras lâka ra, witin ban pîsa ba mita pâtkira takisa, ai kupia aiska ni piras bamna; kan diara sut kasak lukan lâka wanki ba tâka mita wan kupia aiska ni daukras ba, baha lika saurka lâka sa.

1 Pita 5:5

Baha sim natka ra, man nani wahma nani, almuk nani karnika munhtara bawi bas. Man nani sut kumi bani walkam munhtara bawaia sma; kan Ulbanka ra naku wisa: “Prautkira nani ba Gâd mita batakisa, sakuna bawikira nani ra lika ai yamnika ni buki hilp munisa.”