Sins Lâka 20:2 - DAWAN BÎLA AISKA

² King kupia baiwanka ba sika, layan ihbi ba baku sa; ya witin kupia baiwan bara tuski ba, witin ai rayaka pali mapara saura daukisa.

Sins Lâka 20:2 ပူးပေါင်းရင်းမြစ်များ

1 King Nani 2:23

Bara king Salaman naku Dawan ra swer taki, aisin: “¡Gâd klala saura pali aikbia, Adonías naha aisin na mana ai rayaka tikras kaka.

1 King Nani 2:24

Dawan nina mâki swer takisna, witin bui sika king ai mangkan na aisiki Debit king iwaika ra, pamali karnika kum sin paski aikan witin ai win ba baku, naiwa pali Adonías ba pruaia sa!”

Sins Lâka 19:12

King lawanka ba layan ihbi ba baku sa; sakuna witin yawan ra yamni luki ba, diwas laya twi purara ba baku sa.

Sins Lâka 8:36

Sakuna yang wina sait ra takaia ba lika rayakam ba pât ra mangkisma; ¡misbara ai kaikma kaka, prura ra latwan kaikisma!”

Smasmalkra 10:4

Wihta aimaki ba man wal ai kupia baikbia sa kaka, man kupiam sauhkpara; upla nani swakwanka tara ba saika sika, diara nani ba tânkira daukaia ba.

Oseas 11:10

Witin nani lika Dawan nina blîkbia, bara witin layan kumi baku ihbi kabia. Ihbi kabia, bara ai uplika nani ba tatatwi kira muna tani wina taki balbia.

Emus 3:8

Layan ba ihbisa kaka, ¿ya lika sibrin daukras sa ki? ¿Ya Dawan nina brih aisaras sa ki, witinka adar yabi kaka?

Abakuk 2:10

Baha daukram ba tâka mita, swiram mai daukaia ba wamtla bilara bri balram, mai sauhki mai tikaia lâka ba man daukram, nisan nani sauhki tikram ba mita.

Kulki Kaikanka 16:38

Baha waitnika nani, kîa pain angkaia watlika nani bri kan ba, witin nani pruan saura daukan ba tâwan. Baha watlika nani ba sunu kulkan sa, kan witin nani lika yang kainira kîa pain daukaia warkka daukan; baha pânka nani ba pruki plit nani dauks altar pura prakaika, bara baha Israel luhpia nani mapa ra smalkanka tara kabia.”