Sins Lâka 2:6 - DAWAN BÎLA AISKA

⁶ Kan Dawan sika sins lâka wankisa; witin aisi ba wina sika sins lâka bara diara tânka kaikaia lâka ba bal takisa.

Sins Lâka 2:6 ပူးပေါင်းရင်းမြစ်များ

1 King Nani 10:24

Upla nani ba brin dauki kan Salaman ra kaikaia, bara sinska lâka Gâd mita yan ba sin walaia.

1 King Nani 3:12

Bara kaiks, yang lika man bîlam nani kat daukamna. Bamna kaiks, yang kupia sinskira lâka ba maikuna, diara sut tânka pain bri kaia, bara man baku wala kainamra âpu kan, bara ningkamra sin âpu kabia.

1 King Nani 3:9

Baku bamna, aik kupi ra sins lâka, bara baku lika sip kamna tâ briaia uplikam lâka wapni kat aisi dauki kaia, saura yamni ba tânka pain bri kaia. ¿Bamna uplikam nani ailal pali na ya sip kabia ki tâ briaia?”

1 King Nani 4:29

Bamna Gâd bui Salaman ra sins lâka bara diara tânka kaikaia lâka tara pali ba yan kata, sim auhya nani kabu un ra ba baku.

1 Kronikas 22:12

Dawan bui diara tânka briaia lâka bara sins lâka ailal maikbia, witin bui Israel kingka mai mangkbia yua ra, bara Dawan Gâdkam lâka nani sut ba kulki kama.

Esdras 7:25

“Bara man, Esdras, Gâdkam ai sinska lâka dîa man ra maikan ba kat, tawan ra wihta sirpi nani bara wihta tara nani sin mangks, sins lâka wal Éufrates awala muna tani ra upla nani ba sut pura kaiki kabia, baha nani sut man Gâdkam lâka kakaira nani ba, bara tânka briras nani ba sin sut man bui witin nani ra smalki mariks.

Nihimaya 7:5

Gâd bui yang kupi ra mangkan, tawan uplika nani ba, wihta nani bara tawan uplika nani ba sut asla daukaia, bara upla nani bani kiamka kat nina nani wauhtaya ba ra laki kaikaia. Bara baha wauhkataya ra kiamka nani tâura balan nina nani ba kaikri, bara bahara naku ulban kan:

Job 12:13

Sakuna Gâd ba sinskira bara karnakira sa; witin mita diara nani daukaia tânka ba luki sakisa bara tnata alkisa.

Job 12:16

Ai karnika ba piu bani pura luaia lâka ba yabisa; kunin munan uplika ba bara kuninkira ba sin witin ra bawisa.

Job 22:22

Yas witin ba mita mai smalkbia, ai bîla nani ba sinskam ra mangki bris.

Job 32:8

Kasak pali sika, upla sut ba diara tânka kaikaia lâka ba brisa kuna, Gâd karnika sut bri ba mita ai spiritka ba yan sa.

Lawana Nani 119:104

Man lâmka bîla nani ba wina, yang diara tânka brisni; baha mita misbara kaikisni, kunin watawi lâka nani ba.

Lawana Nani 119:34

Diara tânka briaia ba aik, bara man lâmka ba alki bri kamni, ¡bara kupi aiska ni daukamni!

Lawana Nani 119:98

Man lâmka bîla nani, yang lâika sa ban kaia ra; waihli nani wal kanra sinskira ai daukisa;

Lawana Nani 19:7

Dawan lâka smalkanka ba kasak yamni pali sa, kan rayaka raya yabisa. Dawan adarka bîla ba kasak ban buisa, ai dahra yamni walras nani ba, sinskira daukisa.

Lawana Nani 19:8

Dawan wan smalkan lâka nani ba, wapnikira sa, wan kupia lukanka lilia sakisa. Dawan lâka bîla ba saura luha sa, wan nakra diara kaikaia ingni daukisa.

Lawana Nani 51:6

Man upla kupia kunin luha ra latwan kaikisma ba, kasak sa, bara kupi mununhta kat, sins lâka aikram.

Lawana Nani 94:10

¿Nisan nani ra wapnika mangki yaba mita, klala yabaia sip apia sa ki? ¿Bara upla ra sins lâka smalki yaba, diara tânka sip bribia apia ki?

Impakan Sturka 31:3

Dawan spiritka ni banhkri sa, sins lâka ni diara tânka briaia ba sin, diara daukaia tânka kakaira âuya mâira,

Sins Lâka 6:23

Kasak lâ bîla bara smalkanka ba, lamp kum ingni klauhi ba sika; wapni takaia lâka bara kupia kraukaia ba sika, rayaka yabalka ba.

Smasmalkra 2:26

Baku bamna Gâd sins lâka yabisa, diara tânka briaia lâka; bara ai liliaka sin, yaura witin yamni luki uplika ra; sakuna saura dadaukra ra yabisa wahbi kukaia, ningkara ani uplika Dawan yamni kaiki ra yabisa; baku sin baha ba bahki baman sa, pâsa ra alkaia baku pitka.

Aiseya 54:13

Bara luhpiam nani sut ba, Dawan mita ai bîla ba smalkbia; bara witin nani sut pâwanka tara pali bribia.

Aiseya 8:20

dîa daukaia bara dîa aisaia bîla kum wan wibia ba walaia?” Âu, witin nani baku aisabia sika, sakuna tanis lâka kabia.

Daniel 1:17

Naha wahma walhwal ra, Gâd bui sins lâka bara diara tânka kaikaia lâka yan wauhkataya ulban ba ni, sinska lâka nani sut tânka briaia. Daniel ra lika baha purkara diara aihka nani yaprisauhkan nani kaikaia tânka yaban.

Daniel 2:21

Witin mani nani bara piua wala nani ba sin lakisa, king nani ba sakisa bara mangkisa, sinskira nani ra sins lâka ba yabisa, diara tânka bri nani ra tânka bri kaia yabisa.

Daniel 2:23

Aisiki nani Gâdka sma ba, man ra tingki mai wisni bara mamyunisna, kan man mita sinskira karnakira ai daukram bamna; bara yang nani mamkabri ba tânka nanara mairikram: king kupia turban kata ba tânka, yang nani ra mairikram.”

Luk 21:15

kan yang mita dîa aisaia sma bîla nani bara sinska lâka ba sin maikamni, bamna waihlam nani kumi sin baha mapara bubia apia, aisabia sin apia.

Jan 6:45

Prapit nani wauhkataya ra naku wisa: ‘Gâd mita upla sut ra smalkbia.’ Baku bamna, Aisa ra wali uplika nani ba, witin ba wina lan taki yang ra aula.

Jems 1:17

diara pain bara kasak nani ba, kasbrika pura ba wina balisa; Gâd kasbrika pura ingnika nani paskan ba mita wankisa. Gâd lika piua bani ban kaia ra ban bâra sa, bara witin mita dista kumi ni sin yawan ra wan madiskras sa.

Jems 1:5

Man nani tilamra ya sins lâka luha sa kaka, Gâd ra makabia, bara Gâd mita yabia; kan witin sika ai kupia aiska ni upla sut ra yabisa, swira sin daukras kira.