Sins Lâka 2:22 - DAWAN BÎLA AISKA

²² Sakuna upla watawikira nani bara upla âiatkra nani ba, tasba wina daikan kabia bara kangbi sin sakan kabia.

Sins Lâka 2:22 ပူးပေါင်းရင်းမြစ်များ

1 King Nani 14:14

Bamna Dawan bui king kum bukbia Israel aiska purara. Jeroboam yua ra, watla uplika nani ba sauhki tikan kabia. Naiwa wina ai kainara, baha daukan kabia.

1 Kronikas 10:13

Bamna baku Saúl ai saurka ba mita pruan, kan witin saura daukan bara Dawan lâ yan ba kulkras, sukia kumi ra ni wih wal aisin,

Job 21:30

Ani piua Gâd ai kupia sauhkuya ba ra ai lawanka ba blikisa, bara watawikira lika diara munras sa.

Lawana Nani 104:35

¡Upla saurakira nani, tasba wina âpu daukan kabia! ¡Watawi dadaukra nani âpu takbia! ¡Dawan ra yamni wis, yang sulki! ¡Dawan nina ba mayunan kabia!

Lawana Nani 145:20

Dawan baha nani sut main kaiki brisa, witin ra latwan kaiki banhwi ba; sakuna witin bui upla watawi nani ba sut âpu daukbia.

Lawana Nani 37:20

Sakuna upla watawikira nani inma lâwan baku ambia, Dawan waihla nani ba kiasma baku lap tiwbia.

Lawana Nani 37:22

Dawan mita yamni muni uplika nani ba, tasbaya na brih iwbia, sakuna baha nani witin mita saura win nani ba sauhki tikan kabia.

Lawana Nani 37:28

Dawan kasakka lâka ba latwan kaikisa, ai uplika kasak nani ba sin lulki swiras; sakuna watawikira nani ba sauhki tikisa, bara ai masraka nani sin sut âpu daukisa.

Lawana Nani 52:5

ban sakuna, Dawan ba pana man ra mai sauhki tikbia ban kaia ra; man wamtla ba wina mai brih latara mai sâkbia; bara rayakam ba sin sakan kabia.

Lawana Nani 52:7

“Man nani kaiks baha nani Dawan ra ai yukuwaika plikras nani ba; baha nani ai dukia kukan tara bri ba ra baman ai tâ baikisa, bara watawi lâka ra bawi banhwi ba.”

Sins Lâka 10:30

Upla kasakkira ba ban kaia ra sip tiwras kabia, sakuna watawikira nani ba, sip tasba ra ban kapras.

Sins Lâka 11:3

Wapnikira nani ba ai lâka aihwa man bri mita tâ brih wabia, saura dadaukra nani ba ai saurka lâka dauki ba mita, sauhki tikan kabia.

Kli Smalkanka 29:20

Dawan baha pâtka ban swi tikaia wilin apia kabia, sakuna witin ai lawanka tara, ai kupia baiwanka baha uplika purara lahtuban kabia, bara witin purara saurka aiska naha wauhkataya ra ulban ba kauhbia. Bara Dawan mita tasba mawan wina, witin kiamka ba diki sâkbia.

Kli Smalkanka 29:28

Bara ai kupia baiwanka ni ai kuntrika wina saki lulkan, ai lawanka tara ni sin kuntri wala ra lulkan, naiwa yua ra taki ba baku.’

Kli Smalkanka 7:22

Tawa tawa Dawan mita naha nisanka nani ra kangbi sâkbia; man nani mita lika danh daukma apia, daiwan wail numbika kau ailal sahwi âpu mai daukbia.