Sins Lâka 16:5 - DAWAN BÎLA AISKA

⁵ Kupia praut uplika nani ba Dawan bui saura pali kulkisa, naiwa, yauhka kabia pat pali klala bribia.

Sins Lâka 16:5 ပူးပေါင်းရင်းမြစ်များ

Job 40:12

Âu, namkra ni slingbi bataks, saurakira nani ba, ani anira kaikma ba ra âpu taibi dauks.

Impakan Sturka 20:7

“Dawan Gâdkam nina ba, diara bahki lâka daukaia dukiara brih mâkpara. Kan witin ai nina diara bahki daukaia dukiara brih mâki nani ba, klala yabras ban pâtka swih tikbia apia sa bamna.

Sins Lâka 11:21

Kasak pali watawikira ba, klala briras takaskbia apia, sakuna kasakkira nani ba pain pri takbia.

Sins Lâka 16:4

Dawan diara kumi bani daukan ba witin ai warkka dukiara sa, âu, upla watawikira ba sin daukan, trabil yua ra klala yaia ba.

Sins Lâka 16:6

Kupia pinhka bara kasak tânka ba wal, watawanka ba kli wapni takan sakisa, bara Dawan ra kulkaia ba mita upla nani lâ saura wina laihura takisa.

Sins Lâka 6:29

Ya upla maya wal aiblakwi ba, klala luha kabia apia.

Sins Lâka 8:13

Dawan ra kulkaia lâka tânka ba lika, saura lâka ra misbara kaikaia ba sika yang misbara kaikisni, praut lâka ba bara tara pulan lâka ba ra sin. Yabal saura ba bara kunin aisaia lâka sut ba saura kaikisni.

Aiseya 2:11

Witin nani baman sa praut luki, ai walka ra kaiki ba; mâyara batakan kabia; prautka lâka bri nani ba mâyara bawan kabia. Baha yua ra Dawan baman purara bukan kabia,

Aiseya 2:12

baha yua karnika sut bri Dawanka ba, diara daukbia witin nani baman sa luki, tara takan nani ba mapara, purara uli nani ba sut, mâyara batakaia;

Aiseya 3:11

¡Saura pali kabia watawikira ba dukiara, witin nani saura ra wabia! Ai mihta warkka nani mana ba praiska kat, Gâd bui witin nani ra aibapan kabia.

Jirimaya 13:15

¡Israel luhpia nani, Dawan aisin! Man nani prautkira kapara, aisin ba aman wals.

Jems 4:6

Sakuna Gâd ai yamnika mita kau latwan wan kaikisa, kan Ulbanka ra naku wan wisa: “Gâd bui prautkira nani ba mapara buisa, sakuna bawikira nani ra lika ai yamnika ba ni hilp munisa.”