Sins Lâka 16:2 - DAWAN BÎLA AISKA

² Diara nani sut dauki ba waitna bui pain kaikisa; sakuna Dawan sika, yawan daukaia luki ba, lâ tânka ni aisi dauki ba.

Sins Lâka 16:2 ပူးပေါင်းရင်းမြစ်များ

Lawana Nani 36:2

Witin lukisa ai mayunra tara briaia ba aitani sa. Ai watawika lâka ba misbara kaikaia ba sip kaikras sa.

Sins Lâka 12:15

Upla taniskira ba lukisa witin diara sut dauki ba yamni baman sa, sakuna kupia kraukanka wali dauki uplika ba lika, sinskira sa.

Sins Lâka 16:25

Yabal bâra sa upla nakra ra wapni man sa; sakuna baha yabalka tnata ba lika prura.

Sins Lâka 17:3

Gul bara silbar ba pauta ra angki kaikisa; sakuna upla lukanka ba lika, Dawan mita laki kaikisa.

Sins Lâka 21:2

Upla ba mapara diara sut dauki ba pain baman sa, kuna Dawan wan kupia lukra nani ba paun mangki kaikisa.

Sins Lâka 24:12

Man wima kaka: “Kaiks, yang nani naha tânka kaikras kapri”, kuna witinka wan kupia nani paun mangki kakaira ba baha tânka bribia; pain nu kabia baha aihwaki main kaiki ba witinka ya dîa dauki ba kat aibapi ba.

Sins Lâka 30:12

Upla tila sin bâra sa, witin ai nakra nani ra witin ba sunu pali sa, ban sakuna witin nani ai tâskika wina sikbi sakras sa.

Sins Lâka 5:21

Dawan ba kaikisa upla daukanka ba; witin ai nakra wina, mina lulkanka kum sni tiwras.

Aiseya 26:7

Man Dawan sika, yabal nani ba wapni mangkisma ba, kasakkira nani yabalka ba wapni pali sa.

Jirimaya 17:10

Yang, Dawan, upla kupia tânka pliki kaikisna, bara lukanka nani ba tihuka ra kaikisna; witin nani dîa briaia aitani ba kat kumi bani ra mana yabisna.”

Daniel 5:27

TEKEL: Man kingkam lâka ba mâyara pali iwram sa;

Kulki Kaikanka 22:32

sakuna Dawan insalka ba witin ra win: —¿Dîa muni man birikukam ra aima yumhpa prukram ba? Yang sika balri man yabalkam ba prakaia, kan man naku impakisma na yang brinki apia sa.

Luk 16:15

Bara Jisas baha nani ra win: “Man nani sika upla nani mawanra wînam kasakkira sakaia lihki banhwisma ba, sakuna Gâd lika upla nani kupia ba kaikisa; bamna upla bui tara kulki nani ba, Gâd mita lika baha nani ba bahki kulkisa.

Param Marikanka 2:18

“Tiatira sertska insalka ra sin ulbi wis: ‘Gâd Luhpia ba, witinka ai nakra nani pauta lakni bri ba ai mina nani bras lipni baku bri ba mita wisa:

Param Marikanka 2:23

pât tara witin nani wahwaia blikamna. Baku serts nani sut ba ai dara walbia, yang lika upla lukanka bara kupia munhta ba sut kaikisna; bara man nani kumi bani ra dîa daukram ba kat maikamna.

Wihta Nani 17:6

Kan baha piua ra sika Israel ra king âpu kan, bara upla kumi bani ba dîa daukaia luki kan ba, ai brinka ba kat dauki kan.

Wihta Nani 7:6

Kulki kaikan ba ra, yul lî di baku lî din nani ba 300 waitna baman bâra kan. Wala nani sut ba lika, ai lula kriki lî din.

1 Samuil 16:7

Sakuna Dawan bui witin ra win: “Mawan painka ra kaikpara, ai pâwanka ra sin apia, baha sut ba yang bahki kulkri sa. Yang lika waitna diara kaiki ba baku kaikras; upla lika mawan painka ra bamna kaikisa, sakuna yang lika kupia kat kaikisna.”

1 Samuil 2:3

Upla kumi sin uba aimayunbiara, upla kumi sin ai wîna tara kulki aisabiara, kan Dawan ba sika Gâd diara sut tânka kaiki ba, bara dîa upla dauki ba, witin paun mangki lâ tânka kat daukisa.