Sins Lâka 15:8 - DAWAN BÎLA AISKA

⁸ Upla watawikira nani, daiwan iki angki sakripais dauki ba, Dawan mita saura pali kaikisa; sakuna wapnikira nani pura sunra ba, witin ai lilika sa.

Sins Lâka 15:8 ပူးပေါင်းရင်းမြစ်များ

2 Samuil 15:12

Baku sin Absalón, Debit waitnika lâ kakaira nani ba tila wina, kumika nina Ahitófel ai tawanka Guiló ra iwi kan ba, baha sin paiwan ai tilara kaia, witin sakripais dauki ba ra. Baku bamna, mapara baku ra daknika ba kau ban ai karnika alki auya kan, Absalón nina blablikra nani ba sin kau ailal taki kan.

1 King Nani 3:10

Bamna naha diara Salaman makaban ba, Dawan bui pain kaikan,

1 Kronikas 29:17

Dawanki, yang kaikisna man upla kupia tânka pliki kakaira sma, bara kupia wapnikira ba man yamni kaikisma; baha mita yang kupi wapnikira ni naha diara nani na maikri sa, bara nanara man uplikam nani nahara asla taki banhwan na, liliakira pali wal diara maikan sa.

Lawana Nani 141:2

Puri sunra ba, dus mâka kîa pain baku man bui kaikma, mihti bukanka ba lika, tutni prisantka baku kabia.

Lawana Nani 17:1

Dawan, kasakka tânka pliki, puri sunisna na kiamam ra aman wals, aisinki na, kuninkira nani aisi ba baku apia sa.

Sins Lâka 10:24

Upla watawikira sibrin luki ba, sibrinka witin bri ba kat ai purara balbia, kasakkira nani brin dauki ba wina, witin nani ra diara yabia sa.

Sins Lâka 15:29

Dawan lika upla watawikira nani wina laihura sa, kuna witin kasakkira nani pura sunra ba walisa.

Sins Lâka 15:7

Sinskira nani bîla aisinka wina sins lâka yakabisa, sinskas ba, ai lukanka wal, dîa sut ba mapara man daukisa.

Sins Lâka 21:27

Watawikira nani daiwan iki angki dauki ba ra, Dawan mita saura pali kaikisa; kan aiska witin nani ai kupia lukra saura wal brih aula bamna.

Sins Lâka 21:3

Kasakka lâka bara wapni lâka ba dauks, kan Dawan mita baha ba kanra yamni kaikisa daiwan nani iki angki dauki ba wal.

Sins Lâka 28:9

Ya Gâd ra lâ walaia apia wisi ai kiama laki ba, Gâd sin witin ai pura sunra ba saura pali kulkan sa.

Smasmalkra 5:1

Gâd watla ra auma ba ra, man daukankam ba main kaiks; taniskira nani baku sakripais daukpara, witin nani sinskas lâka ra ai tânka briras sa saura dauki ba, lamara bal bîla wali dauks.

Yamni Kulki Lawana 2:14

“Butkuki mairin, walpa unta nani ra yukuwisma ba, unta twakni, bara dihwi nani yukuwaika ra, aikrika mamwan ba kaikamni, aikrika bîlam baikra walamni. Kan man mamwan kaikaia ba, yamni pali sa bamna, ¡bîlam baikra walaia sin damni pali sa!”

Aiseya 61:8

Kan Dawan ba wapni lâka ra latwan kaikisa, bara impliki upla iki ba misbara kaikisa. Witin mita baha nani ra kasak lâka ra mana yabia bara witin nani wal lâ kum daukbia ban kaia ra.

Aiseya 66:3

Sakuna upla bâra sa bîp wainhka iki sakripais dauki ba, bara waitna kum iki ba sin; sîp mairin kum nana klaki dakbi ba, yul kum nana dusa kriki ba, plun laya prisantka yabi ba sin, bara kwirku tâlia prisantka yabi ba sin; kîa pain angki sakripaiska dauki ba sin, aidul kum ra mayuni ba sin. Bahara misbara kaikaia pura sunra nani ba witin nani dauki ba, witin nani baha dukia nani sut daukaia ba lihkisa.

Jirimaya 6:20

¿Dîa muni man nani Sabá wina kîa pain angkaia dukia nani ba bri sal aikisma, laih tasba wala wina dus wahia kîa pain nani bri balisma? Daiwan aiska angkisma ba yang yamni kaikras, sakripais wala nani daukisma ba sin.”

Daniel 9:23

Man mahka puram sunatma ba piua wina, Gâd bui man ra pat pana mai aisin sa. Yang balri na param mai wiaia, kan Gâd ba man ra uya pali latwan mai kaikisa. Baku bamna, nanara naha diara nani ra aman pali wali bas, baku mika man diara aihka kaikram ba tânka brima:

Libait Lâka 7:18

Upla kum Dawan wal kli ai uplika takaia sakripaiska daukan daiwra wîna ba, pat yu yumhpa alkan bara upla kum ban baha ba brih pibia kaka, sakripaiska daukan lâka ba bahki kulkan kabia, daiwra wîna ba sin saura takan kulkan sa ba ra. Baha wîna pîsa uplika ba, baha saurka ba kulkuya.

Miqueas 6:6

¿Yang dîa pali mihti ra bri Dawan purara ba mawanra bal witin ra puri sunamna, bara ai nina sin mayunamna? ¡Bîp lupia mani kum alkan ba bri balamna, baha aiska angki mayunaia dukiara!

Miqueas 6:7

¿Sîp nani 1,000 yang bri sal yabamna kaka, apia kaka oliv batanka laya, awala nani 10,000 baku yabamna kra, Dawan baha dukia nani brih lilia takbia ki? ¿Apia kaka, yang luhpi taiwahkia ba yabamna, Dawan mapara buri ba saurki mana aibapaia?

Hageo 2:14

Bara Hageo bui witin nani ra win: “Dawan kasak aisisa: ‘Naha uplika nani sin baku daukisa, witin nani diara sut dauki ba, aiki ba tâski baman sa.

Malaquía 1:10

“¡Brin ai daukisa man nani tilam wina upla kum bal taki tempelka durka nani ba prakaia; bara pauta nani bahara kli bahki ra mukaia apia! Kan man nani wal lilia apia sna, bara sakripais aikisma ba sin ban bri kamna apia.

Jan 4:24

Gâd ba Spirit sika, bamna witin ra ai pura suni mayuni banhwi ba baku daukbia, kasak tânka ra bara Spirit ra sin.