Sins Lâka 14:2 - DAWAN BÎLA AISKA

² Ani uplika ai lâka wapni kat tauki ba, Dawan ra sibrin lukisa, sakuna ai yabalka nani ra tanis man tauki ba witin ba bahki kulkisa.

Sins Lâka 14:2 ပူးပေါင်းရင်းမြစ်များ

2 Samuil 12:9

¿Bara dîa muni yang bîli bahki kulkram, bara yang yamni kaikras sna ba man daukram? Urías hitita ba, man bui ikram, Amón uplika nani ba mita yarka ikaia, bara ai maya ba man mayam briram.

1 King Nani 3:6

Bara Salaman bui win: “Man bui albikam aisiki Debit ra kupia yamni lâka tara pali daukram, kan witin lika man mamwanra pain tauki kan kasakka lâka ba kat, ai kupia sin wapnikira pali. Bara man bui ban yamni main kaiki brisatma, witin ai luhpia kumi ai king iwaika ra iwaia naiwa yua ra taki ba baku.

2 King Nani 17:34

Naiwa yua kat ban daukisa patitara kan ba baku, kan Dawan ra kulkanka yabras, ai lâka bîla nani bara ai adarka nani sin kulkras, ba purkara sin Dawan bîla ba kaina wina ulbi ban adar nani Jekob kiamka nani ra yaban, bara Gâd bui sika Jekob nina ba Israel mâkan ba, baha lâka nani ba sin kulkras sa.

Job 1:1

Us tasbaya ra waitna kum bâra kan, ai nina ba Job; witin ai rayaka ba tâski âpu lâka ra wapni iwi kan, Gâd dukia kasak yamni dauki kan, upla ra saura munras yamni baman muni kan.

Job 12:4

Yang na pâtkas sunu sna sakuna, piua wala ra Gâd makabanki nani ba wali kan, upliki nani mita lika laiwaska kikisa.

Job 28:28

Bara Gâd mita upla nani ra win: “Dawan dukia ba kasak daukaia ba, baha sika sins lâka ba, saura wina tnaya ra tawaia ba sika, diara tânka kaikaia lâka.”

Lawana Nani 112:1

¡Dawan ba mayunan kabia! Yamni pali sa baha waitnika, Dawan kulki nani ba, bara ai lâka bîla kat wali dauki ba.

Lawana Nani 25:21

Wapni sna ba lâka bara pâtkas sna ba sin, kaini sunanka bri kabia, kan yang lika man ra baman kasakka lâka brisna.

Sins Lâka 11:12

Diara tânka kaikras nani ba ai uplika aihwa ninara saura aisisa, sins tânka bri nani ba ai bîla prakisa.

Sins Lâka 16:17

Wapnikira nani ba lâ saura ba wina dakwi takaia sa, daukanka alki yamni alki bri ba uplika lika ai rayaka aihwaki kaiki brisa.

Sins Lâka 16:6

Kupia pinhka bara kasak tânka ba wal, watawanka ba kli wapni takan sakisa, bara Dawan ra kulkaia ba mita upla nani lâ saura wina laihura takisa.

Sins Lâka 19:1

Kanra yamni sa upla umpira kaia lâ aihwa man tilara tauki ba, baku apia sa kaka upla nina aisi tauki ba tilara kaia ba wal.

Sins Lâka 2:15

baha nani yabal warha ra tauki ba bara ai yabalka wapni ba wina tnaya ra tawan ba.

Sins Lâka 28:6

Kanra yamni sa upla umpira ai lâka aihwa man tilara tauki ba, wihki upla lalahkira lukanka saura yabal warha bâk wapi tauki ba wal.

Smasmalkra 12:13

Smalkanka ba tnata alkan sa. Pat diara sut win sa, Gâd ra kulks bara ai lâka nani ba dauks, kan baha ba upla sut daukaia sa.

Luk 10:16

Jisas naha sin ai disaipilka nani ra win: “Ya man nani ra mai wali ba, yang ra sika wali ba; bara ya man nani ra mai briras ba, yang ra sika ai briras ba; bamna ya yang ra ai briras ba, ai blikan ba ra sin briras sa.”

Luk 16:14

Parisi nani, witinka nani lalah laik kaiki nani ba, naha diara nani na wali, Jisas lawaska kikan.

Apastil Nani Sturka 10:22

Witin nani bila: —Kiaptin Cornelio mita ai blikan. Witin waitna kasakkira, Gâd ra sin sibrin lukisa, Ju nani sut mita sin witin ra latwan kaikisa. Bamna Dawan insalka kumi mita witin ra win, man mai paiwbia ai watla ra wama, bara dîa dîa aisama ba witin walbia.

Apastil Nani Sturka 10:35

sakuna witin pain kulkisa ani nisanka witin ra sibrin luki bara diara pain sin dauki ba.

Apastil Nani Sturka 9:31

Bamna serts ba, Judia ra, Galili ra, Sameria ra, baha tasbaya aiska ba kupia kumi spirit bri pâwi kan. Witin nani Dawan sibrinka ra iwi banhwi kan, Spirit Holikira hilpka ra, bara kau ailal taki kan.