Sins Lâka 13:8 - DAWAN BÎLA AISKA

⁸ Upla ai yuyaka ailal bri ba baha wal ai rayaka swaki sakisa, sakuna diara âpu uplika lika saura munaia aisi ba walras.

Sins Lâka 13:8 ပူးပေါင်းရင်းမြစ်များ

2 King Nani 24:14

Bara Jerusalem uplika nani ba sut alki, alba lâka ra brih wan, wihta nani wina aiklaklabrika kau pain nani ba sin sut pali alkan, alsut ba ra 10,000 silak ra alki brih wan, ai mihta warkka dadaukra nani bara ayan warkka dadaukra nani sin sut. Kuntri ra upla kumi sin takaskras, sakuna upla kau umpira nani ba lika brih waras kan.

2 King Nani 25:12

Ban sakuna, baha tasbaika ra upla umpira nani bâra kan ba baman lika, Nebuzaradán mita swi si wan, tasba warkka dauki wain mangki kabia dukiara.

Job 2:4

Sakuna dahra kwakwahkra ba pana Dawan ra win: —Ani piua upla kumi taya ra pan kangbras sma kaka, diara sut ba aitani sa, uplika ba wilin pali sa dîa sip ba kat daukaia, ai rayaka swaki sakaia mata.

Impakan Sturka 21:30

Kuna dawanka ba ra ikaia watlika ra, lalah ni kulkuya kaka, witin baha upla pruan ba rayaka mana dîa kulkbia ba sut aibapaia sa.

Sins Lâka 13:7

Upla tila yuyakira kaia munisa, sakuna diara sut luha sa; upla tila sin umpira baku pulisa, sakuna yuya ailal brisa.

Sins Lâka 13:9

Kasakkira nani ba lamp kum baku ingwisa, watawikira ba lamp kum daswan ba baku sa.

Sins Lâka 14:24

Sinskira nani kraunka ba sika sinska lâka ba, sakuna sinskas nani dukia ba lika ai sinskaska lâka nani ba.

Sins Lâka 6:35

Witin mairin ba pura mana sât aibapbia ni sin, sip aitani kulki bribia apia, sip sin pâtka ba swih tikbia apia, man prisant ailal yama ni sin.

Jirimaya 39:10

Juda ra swin ba lika upla kau umpira nani kan ba baman, witin nani diara âpu kan ba; wain nasla nani ba insla daukaia tasbaya nani ba, baha nani ra yan.

Jirimaya 41:8

Tila wina waitna matawalsip baman ikras swak takan, bara baha nani bal Ismael ra win: —Pliskam ai ikpara; yang nani plawar, barli mâ, batana laya, nasma sin insla ra yukuki brisna. Bara Ismael baha wali waitnika nani ba ikras swin.

Sofonías 3:12

Upla bawikira, ai lukanka ra umpira nani ba, tilamra swimna, yang nini kat luki ai kasak lukanka ba mangki bribia.

Matiu 16:26

¿Bamna upla mapara dîa hilp kabia ki tasba aiska na bribia, sakuna ai sulka ba tikbia kaka? ¿Upla ba ai sulka mana nahki aibapaia sip sa ki?

Luk 12:23

Rayaka ba kau mana tara sa plun ba wal, bara wîna tara ba kwala purkara sa.