Sins Lâka 11:23 - DAWAN BÎLA AISKA

²³ Kasakkira nani brin dauki ba lika yamni man sa, kuna watawikira nani ai kanra bîla kaiki ba lika, kupia baiwanka baman.

Sins Lâka 11:23 ပူးပေါင်းရင်းမြစ်များ

Lawana Nani 10:17

Dawan, praut âpu nani makabanka ba, man walisma. Man bui witin nani ba tâ baikisma, kiamam mangki walisma.

Lawana Nani 119:10

Yang kupi aiska ni mai plikri; aikrika lâmka bîla nani ba wina tnaya ra tawamnara.

Lawana Nani 119:5

¡Aitani lukaina, yang yabalki nani ra bapi bûi kaia, man lâmka nani ban bri, bîlam wali dauki kaia!

Lawana Nani 27:4

Diara kumi yang bui Dawan ra makabisni, yang diara kumi baman plikisni, rayaki yua nani sut ra ai tempelka ra wih mayunaia, bara ai yamnika prana ba kaikaia.

Lawana Nani 37:4

Kupiam swapnikira, Dawan ra latwan kaiks bara mununhtara diara brin mai dauki lukisma ba, witin maikbia.

Sins Lâka 10:28

Kasakkira nani ai kanra briaia luki ba lika lilia lâka; sakuna watawikira nani ai kanra bîla kaiki ba lika tanis tiwaia lâka ba.

Sins Lâka 11:24

Upla bâra sa diara yui ba kau aiska pura praki brisa; wala bâra sa, diara yuaia kan ba takaskisa, ban sakuna umpira bara diara luha takisa.

Sins Lâka 11:7

Upla watawikira prui ba ra ai kanra bîla kaiki kan ba, ai kupia ra paski bri ba sin pruisa.

Sins Lâka 12:5

Kasakkira nani lukanka ba, lâ wapnika kat lukisa, rugkira nani ba, kunin lâka ra baman lukisa.

Sins Lâka 13:2

Upla ai bîla aisinka mâ ba wina diara yamni pibia, sakuna upla âiatkra ba, plun dauki baku sa saura munaia mapara.

Aiseya 26:9

Sulki tihmia ra mai brin daukisa, spiritki yang wîni ra ba mai plikisa, man lâmka tasba ra daukisma bara tasba ra iwi uplika nani ba, kasakka lâka daukaia lan takisa.

Jirimaya 17:16

Ban sakuna, yang mita taibi mai wiras sna man baha ba mahka dauks, sauhki tikanka witin nani purara blikaia, baku sin yang brinki apia sa man bui witin nani ra sauhki tikaia. Dîa aisari ba man nu sma, kan man lamam kat mai aisari bamna.

Matiu 5:6

“Lilia pali sa baha nani plun dauki bara diran dauki baku ba kasakka lâka dukiara, kan witin nani ba âuyapah lâka bribia.

Hibru Nani 10:27

Yawan diara wala âpu sa, lâ daukan sibrinkira pali ba bîla kaikaia baman, bara pauta klauhan laptikira ba, Gâd waihla nani angki tikaia ba sin.