Sakaraya 9:11 - DAWAN BÎLA AISKA

¹¹ Dawan naku aisisa: “Jerusalem, man tala laiki lâ daukram ba mita, liwanhta lâwan ra uplikam nani silak ra mangkan bâra ba, yang baha wina sakamna.

Sakaraya 9:11 ပူးပေါင်းရင်းမြစ်များ

2 Samuil 13:13

¿Swiri lâka ba wal yang anira waia sip kamna? Bara man mampa ra sin Israel ra sinskas kum mai kulkan kabia, man ra mamkabisna man king wal aisas, witin bui man ra apia mai wibia apia yawan wal briaia.

2 Kronikas 7:17

Bara man ba yang maiwanra aisikam Debit wapi kata baku wapma kaka, bara dîa dîa yang mai wimna ba daukma kaka, bara lâika nani ulbanka ba sin bîla walma kaka,

Job 33:30

Prura wina swaki sakisa, ban swin ingni ba kaikisa.

Lawana Nani 30:3

Dawan, man mita prura wina ai rakram; rayaki aikram, prura wina pri ai sakram.

Lawana Nani 40:2

baku sin, yang ra prura aula ba wina swaki ai sakan, drapapa ra dimuna ba wina swaki ai sakan. Mini nani walpa ra sunan, mini taibanka ra karnika yan.

Lawana Nani 69:33

kan Dawan sika upla umpira nani ra walisa; bara ai uplika nani silak watla ra saura kulkras sa.

Impakan Sturka 24:8

Bara Moses tala ba brin bara upla nani purara srikbi bara win: —Naha tâlia na sika man nani wal Dawan lâ daukan ba tukinka sa, bîla bani aisin ba sut dukiara sa.

Aiseya 24:22

Witin nani ba tasba mununhta sialaka watla ra silak ra mangkan kabia, silak ra mangki nani ba durka praki swin kabia, bara yu ailal lubia ba ningkara klala yan kabia.

Aiseya 42:22

sakuna naha uplika nani dukia nani ba implikisa, ai mina ra taibisa, witin nani sut tasba unta ra priskan, silak watla nani ra yukuki mangki swin sa, bara upla kumi sin âpu sa, witin nani ba swaki sakaia.”

Aiseya 42:7

Yang want sna nakra yama nakras nani ra bara silak uplika nani silak watla wina sâkma, tihmia tara tilara iwi ba.

Aiseya 49:9

Silak ra mangkan uplika nani ra wiaia: ‘Man nani pri taks’, bara tihmia tara ra bâra nani ra: ‘Swis man nani mai kaikbia.’ Yabal nani sut tnaya ra man nani twi sâkma, ani ani ilka ra diara pâwras ba ra daiwram nani pata bâra brima.

Aiseya 51:14

Priskan, sari, umpira takan nani ba pat pali pri sakan kabia; tasba unta sialaka watla ra ban prubia apia, ai pata sin danh takbia apia.

Aiseya 58:12

Uplikam nani ba tawan almuk sauhkanka nani ba paskbia; handat mani nani luan ra playka nani bapan ba kli karna daukbia, bara nina ba mâkan kabia ‘tawan kutbanka kauhanka papaskra nani ba’, ‘yabal aisawan nani ba kli papaskra, upla bahara iwaia dukiara.’

Aiseya 61:1

Dawan Spiritka ba yang purira sa, kan Dawan mita bâk ai sakan bamna; upla umpira nani ra sturi yamni ba smalkaia ai blikan, kupia sari uplika nani lilia daukaia, silak ra mangkan nani ba ra pri takaia ba smalkaia, silak ra mangkan kan nani ra pri lâka;

Jirimaya 38:6

Bara witin nani Jirimaya ba alki wihta tara Malquías laya watla ra mangki swin, aihwawakra latka ra bâra ba. Lî watla ba lî âpu drapapa baman kan, bara witin kialira ni witin ba wilki bâra lahban, bamna Jirimaya drapapa ra rungwan.

Daniel 2:29

man king tara, krikrikam ra prawi kapram, naika dîa takbia ba dukiara luki kapram, dahra prakan tânka param saki ba, witin bui man ra mamrikan.

Matiu 26:28

kan naha sika yang tâilia, naha mita sika lâ daukan ba karnika yabi ba, bara upla ailal saurka swih tikaia dukiara laiwan sa.

Mark 14:24

Bara witin nani ra win: —Naha na yang tâilia sa, lâ daukan ba, bara upla ailal dukiara laikan sa.

Luk 16:24

Bamna witin winan: ‘Aisiki Ebraham, yang ra umpira lukram, bara Lasarus ba blîks ai mihta tâ ba lî buski muni bal twisi tâ na pan buski kauhla daukbia, kan yang na naha pauta ra kasak pât wahwisni.’

Luk 22:20

Kâp ba wal sin baku daukan plun pin ningkara, bara naku wisata: —Naha kapka na sika lâ raya daukan ba yang tâilia mita, bara sut dukiamra laiwi ba.

Luk 4:18

“Dawan Spiritka ba yang purira sa, kan aihka ai sakan sa, sturi yamni upla umpira nani ra brih waia dukiara; silak ra mangkan uplika nani ra pri lâka smalkaia ai blikan, bara blain nani ra yarka kaikaia, taiban ra uplika nani ba pri sakaia;

1 Korint 11:25

Baku sin, pata tara ba pin ningkara, kâp ba ai mihta ra brin, bara wisata: “Naha kapka sika lâ raya daukan sa, yang tâilia ni. Aima bani man nani disma ba ra, yang ra luki dauki bas.”

Kli Smalkanka 5:31

sakuna man lika yang wal nâra takasks, kan lâ nani bara diara daukaia lâka nani ba sut mai smalkaia sna, baha kuntrika ra dimi dawanka takma ba ra lâka nani ba dauki kama.’

Hibru Nani 10:2

Bamna lâ ba mita baha nani ra kasak aihwa pali daukaia sip kan kaka, sakripais nani dauki yabi ba mahka swiaia kan; kan sakripais nani dauki yabi uplika nani ba, ai saurka nani wina pat klin daukan sa kaka, witin nani kli saura daukaia luki kaia apia kan.

Hibru Nani 10:29

Bamna, Gâd Luhpia ra ai mina ni taibi uplika ba, bara tâlia ra bahki kulki ba, bara kupia yamni Spiritka ra sin saura muni ba mapara, ¿nahki kabia ki? ¡Man nani luki kaiks nahki witin ba kau klala saura pali briaia ba! Kan baha tâlia mita sika lâ daukan ba karna saki ba, bara baha ni sin uplika ba holikira daukan sa.

Hibru Nani 13:20

Gâd mita wan Dawan Jisas Kraist ba pruan wina kli bukan sa, witinka ba ai tâlia ni ban kaia lâka ba karna saki, sîp nani Sepadka Wihta takan ba.

Param Marikanka 20:3

Tihu tara ra lulkan, bara bahara durka praki baha purara sîl mangkan, bara baku nisan nani ra kau kunin munbia apia dukiara, mani 1,000 ba lubia kat. Mani 1,000 ba lubia ningkara, witin ba lanhkan kaia sa piua wiria baman.