Sakaraya 9:10 - DAWAN BÎLA AISKA

¹⁰ Witin mita Efraín waginka nani ba sauhki tikbia, Jerusalem ra araska nani ba bara war aiklabaia pantamangkika nani ba sin. Kupia kumi lâka ba nisan nani ra wibia; bara kabu kum wina, kabu wala kat king aimakbia, Éufrates awala wina ban tasba aiska pali ba kat.

Sakaraya 9:10 ပူးပေါင်းရင်းမြစ်များ

1 King Nani 4:21

Bara Salaman lika baha king tasbaya aiska kingka aimaki kata, Éufrates awala ba wina filisteo tasbaya kat bara ban Idsip tasbaya lainka kat. Ai lal mana sin aibapi kata, dukia sin dauki kan Salaman raya kan yua nani sut ra.

Lawana Nani 72:17

¡King nina ba ban kaia ra ban bâra kabia! ¡Ai sturka ba wan yu ingnika baku kabia! Nisan nani sut tasba aiska ra ba witin wina yamnika bribia. Bara nisan nani sut ba wibia lilia pali sa.

Lawana Nani 72:3

Unta tara nani bara il sirpi nani ba wal, kupia kumi bara wapni kaia lâka uplikam nani ra yabi banhs.

Lawana Nani 85:8

Dawan dîa aisabia ba walamni, kan ai uplika ra baman, kupia kumi lâka ra aisabia bamna, witin ra kasak luki nani ra baman, kli witin nani sinskas kra takbiara sin.

Lawana Nani 89:26

Bara witin ai wibia: ‘Man ba yang Aisiki sma, yang Dawanki, swaki ai sakisma bara kaini kahbisma sin.’

Aiseya 11:10

Baha yua ra naha wakia Jesé wina pâwi takbia ba sika, sain kum baku kabia tawan nani mapara; kuntri ra nani ba pliki wan kabia bara pliska ba pranakira kabia.

Aiseya 2:4

Dawan mita nisan bani tilara lâ daukbia, upla ailal aiklabanka ba wapni daukbia. Aiklabaia sordka ba tasba tukbaika daukbia, ai langsika nani ba, plawar mâ klakaia sord buhla daukbia. Nisan kum, nisan wala mapara kli war aiklabaia lukbia apia, war aiklabaia lâka nani sin kli smalkbia apia.

Aiseya 49:6

Witin wisa: “Baha ba aitani apia sa, man ba yang duki dadaukra baman kaia Jekob kiamka ba bukaia baman bara sin Israel tâka kau bâra ba, kli bri balaia baman ba dukiara apia; yang mai daukamni man ba nisan nani ingnika kaia, yang bui upla swaki sakisna ba lâka, man tasba aiska ra brih waia sma.”

Aiseya 60:12

Bara nisan kum kra, apia kaka king tasbaya kum kra sin, man nani warkkam daukras kabia kaka, witin ba tanis tiwbia, witin nani ba aiska pali diara âpu tiwbia.

Oseas 1:7

Ban sakuna, Juda kingka lâka ba lika umpira kaiki, yang ai Dawanka aimaki, witin nani ba swaki sakamna. Sakuna pantamangka, sord, aras nani, aras âiulra nani brih war aiklabi ni lika apia.”

Oseas 2:18

“Baha yua ra, Israel dukiara yamni daukamni: daiwan wail nani ba wal lâ kum daukamni, tnawira, piuta nani aikuki; pantamangka, sord, war aiklabaia dukia nani ba, naha kuntrika wina sauhki âpu daukamni, yang upliki nani ba, ai âuyapah ris bri kabia dukiara.

Oseas 2:20

Yang mayi mai brimna bara man wal kasak kamna, bara yang lika man dawankam sna ba, ai kaikma.

Miqueas 4:8

Bara man, Jerusalem, Saion tawerka bara kan kahbaika sma ba, man kli king tasbaya kiapitalka aimakma, kan piua ra pura wihtka tara aimaki katma ba baku.”

Miqueas 5:4

King ba tawan tâ briaia buan kabia, Dawan ai Gâdka king tara karnika bri ba wal, bara witin nani pri lâka ra iwan kabia, kan Dawan ba tara pâwan kabia tasba aiska ra.

Miqueas 5:9

Dawan, man waihlam nani ra baku aiklabi sauhki tikma,

Hageo 2:22

tasba kingka lâka karnika nani iwaika ba sauhki mâyara batakamni; witin nani war waginka nani ra uli ba makupamna, araska nani bara âiulrika nani ba sut sin prubia, kumi bani ai muihni sordka ra.

Apastil Nani Sturka 10:36

Bamna Gâd bui Israel kiamka nani ra win, Jisas Kraist bâk kupia kumi lâka ba maisa pakan, witinka yawan sut wan Dawanka ba.

2 Korint 5:18

Naha diara sut na Gâd mita daukisa, witin mita Kraist bâk witin wal kupia kumi wan daukan ba, bara adar wankan sa upla sut ba yang nani mita witin wal kupia kumi daukaia.

2 Korint 5:20

Baha mita yang nani ra Kraist ai blikan sturi yamni smasmalkra nani, baha lika Gâd bui man nani ra yang nani bâk mamkabisa. Bahamna, yang nani Kraist nina ra man nani ra mamkabisna, mahka Gâd wal kupia kumi takma.

Kli Smalkanka 11:24

Man nani anira minam taima ba, bahara man nani takaskma. Tasbayam piarkika ba, upla iwras tasbaya wina Líbano kat kabia, kli Éufrates awala wina Mediterráneo kabuka ba kat kabia.

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”