Sakaraya 8:3 - DAWAN BÎLA AISKA

³ Yang kli Jerusalem ra waia sna bahara iwaia. Bara tawanki nina ba Tawan Kasakkira mâkan kabia, Dawan, karnika sut bri ba ilka nina ba Holikira mâkan kabia.

Sakaraya 8:3 ပူးပေါင်းရင်းမြစ်များ

Lawana Nani 2:6

“Saion, yang ilki bâk sakri ba ra, yang kingki ba pat mangkri sa.”

Lawana Nani 48:1

¡Dawan ba tara sa! ¡Dawan ba kasak sa, yawan bui witin ra mayunaia sa, ai tawanka bara ai ilka holikira ra!

Impakan Sturka 29:45

Bara yang lika Israel luhpia nani tilara iwamna, bara yang lika witin ai Gâdka kamna.

Aiseya 1:21

¡Tawan tara kasakkira katma ba, nahki muni rug mairin wal baku takram! Blasi ra, uplikam sut ba, kasak lâka ra diara dauki kata ba bara wapni lâka ra iwi kan, sakuna nanara upla âikra nani baman bâra sa.

Aiseya 1:26

Yang daukamna man nani blasi wihta nani bri katma ba kli brima, lâ mai smalki nani kata ba sin. Yang baha sut daukamna ba ningkara, ninam ba kli mâkamna ‘Tawan kasakkira’, ‘Kasakka lâka tawanka’.

Aiseya 11:9

Yang ilki holikira aiska ra saura munbia apia, sauhki sin tikbia apia; tasba ba Dawan tânka kaikaia lâka ni banhwan kabia, kabu pura aiska lî nani praki brin ba baku.

Aiseya 12:6

Liliam bri wini aiwans, Saion ra iwisma ba; Israel Gâdka Holikira, man nani tilamra bâra ba tara pali sa bamna.”

Aiseya 32:16

Tasbaya aiska ra kasak lâka, wapni lâka baman dauki kabia.

Aiseya 60:14

Taibi mai muni kan luhpia nani ba, man mamwanra bawikira balbia, lamwaska kiki nani kata ba sut sin, bal minam ra ai lula kriki ai pura sunbia bara mai wibia: ‘Man ba Dawan Tawanka ba’, ‘Gâd Saionka, Israel ra Holikira ba.’

Aiseya 65:25

Yul wail ba sîp luhpia ba wal aikuki twi pi kabia, bara layan ba bîp wainhka ba wal asla twi pi kabia; piuta ba tasba yuya ba ai pata kabia. Yang ilki holikira ba, witin nani mita sarka paskbia apia, saura sin munbia apia.” Dawan baku aisin.

Aiseya 66:20

Nisan nani sut tila wina yaka balbia man nani tawankam uplika nani ba, aras ra, wagin nani ra, ai pahpaya ra twilki, muyul nani ra, kiamil nani ra uli, prisantka nani bri balbia, Jerusalem yang ilki holikira ra, Israel luhpia nani Dawan watla ra prisantka nani yaia watla klin ra diara mangki bri bal ba baku. Witin nani sin bri balbia, yang, Dawan, baku aisari.

Aiseya 8:18

Yang, yang luhpi nani sin Dawan wina aikan ba, Israel luhpia nani ra sain aihkakira kaia ba dukiara sa, Dawan, karnika sut bri ba mita ai mangkan sa witin Saion ilka ra iwi ba.

Jirimaya 14:9

¿Dîa muni sirang ikan uplika kum baku sma ba, aiklaklabra kum ai walka ra hilp munaia sip apia ba baku sma ba? Sakuna, Dawan, man lika yang nani tili kat sma, upla sut tânka brisa yang nani lika man uplikam sna; ¡ban wan luki wan swipara!

Jirimaya 26:18

“Ezequías, Juda kingka kan ba yua nani ra Miqueas, Moreset wina ba Dawan nina ra aisi Juda uplika nani sut ra win: ‘Dawan, karnika sut bri ba, aisisa: Saion ba insla kum tasba baiki swin ba baku daukan kabia, Jerusalem ba slingwi aipaswanka ra takaskbia, tempel kiuhsika ba sin inma saura baman pâwi kabia.’

Jirimaya 31:23

Dawan karnika sut bri ba, Israel Gâdka bila wisa: “Yang Juda uplika yamnika ba aihka daukamna ba ra, witin nani kli ai tasbaya ra balbia bara ai tawanka nani ra kli wibia: ‘¡Dawan yamni munbia naha ilka holikira ra kasakka lâka dauki ba!’

Jirimaya 33:16

Baha piua ra Juda bara Jerusalem sin pât nani âpu pri sakan iwi kabia. Nina ba sin naku mâki kabia: ‘Yawan pura lui ba Dawan hilpka mita sika.’

Isikiel 48:35

Kutbanka yahpika aiska ba 10,080 yar bara tawanka nina ba mawan tani ra nina ba mâkan: ‘Dawan ba nâra sa.’ ”

Daniel 9:16

Dawan, yang nani kaikisna man ba kupiam yamnikira pali sma. Bamna mamkabisna kupiam wilin kaka lawankam ba Jerusalem pura wina sâks, kan baha ba man tawankam sa, bara man ilkam holikira sa. Upla sât wala nani wan tawanka tnaya ra iwi nani ba kiki banhwisa Jerusalem ba dukiara, bara uplikam nani ba dukiara sin, yang nani bara wan almukka nani wal saurki ba mita.

Joel 3:17

“Baha yua ra man nani kaikma, yang Dawan, man nani Gâdkam sna ba, yang Saion ra iwisna, ilki holikira ba ra. Jerusalem ba tawan holikira kum kabia; nisan nani bal kli pura lui dakbi bribia apia.

Miqueas 4:1

Mani nani kau lui wabia ba ningkara, Dawan ra pura sunaia watla ilka ba lika tara pali kabia. Il wala nani sut wal kau purara kabia. Nisan nani sut bahara aidrubi banhwi kabia;

Sofonías 3:13

Israel luhpia nani pruras kan ba, witin nani diara saura daukbia apia, kunin sin aisabia apia; ai bîla kunin lâka ni banhki kabia apia. Upla kumi ra sin sibrin lukras ai pata pi ris bri kabia.”

Sakaraya 1:16

Bahamna, yang Dawan sna ba, naku aisisna: Yang kupi pihni lâka wal Jerusalem ra kli tawi kaikuna; bara tempel bara tawan aiska ba sin kli paski daukamna.’ ”

Sakaraya 12:6

Baha piua ra Juda wihtka nani ba masku aswi baku daukamna pauta tilara, pauta klauhan kum baku plawar mâ dâki wilkanka nani tilara. Witin nani mita nisan nani ai aihkika ra bara ai smihka ra, ai lamara iwi nani ba sut âpu daukbia, sakuna Jerusalem uplika nani ba kli tawi bal ai tawanka ra iwi kabia.

Sakaraya 14:10

Naha tasbaya aiska tasba langni takbia, Gueba wina Rimón, Jerusalem waupasa tani ba kat. Bara Jerusalem ba, purara bukan kabia baha tasbaya langnika ba Benjamín getka ba wina Walpa Kutbanka un rayka Dimaika ba kat (baha ba kan piua ra Get Almuk mâki kata ba); bara Hananel aihwakaika ba wina king batana laya taibi saki ba watla nani kat kulkisa, bahara upla nani iwi kabia.

Sakaraya 8:16

Naha sika man nani piu bani dauki kaia sma: Piu bani pana pana sturi kasak ba aisi kama, lâ daukaia watla nani ra kupia kumi lâka bukaia dukiara, lâ aisi dauki bas;

Sakaraya 8:19

“Kati 4 ra, kati 5 ra, kati 7 ra bara kati matawalsip ra man nani plun piras puram suni katma ba, nanara lilia briaia yua ra tawbia, Juda kiamka nani lilia briaia yua ra tawbia. ¡Bamna man nani latwan kaiks, kasakka lâka ba, kupia kumi lâka ba sin!”

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Jan 14:23

Jisas pana win: —Ani uplika latwan ai kaiki ba, dîa aisisna ba kat wali daukisa, bara Aisiki mita latwan kaikbia, bamna yang Aisiki wal bal baha uplika ra takaskamna.

2 Korint 6:16

Bara diara kum mapa ra sin sip apia sa Gâd tempelka ba aidul nani wal prakaia. Bamna yawan nani lika Gâd rayakira ba tempelka sika, Gâd witin pali aisin ba baku: “Yang lika witin nani tilara iwamna bara sin taukamna; yang lika witin nani Gâdka kamna bara witin nani ba upliki nani kabia.”

Kolosi 2:9

Bamna Gâd tânka aiska ba, Kraist upla takan ba mita wan marikisa,

Param Marikanka 21:10

Spirit ba yang purira karnika brin, bara insal ba mita il tara kum purara ai brih wan. Witin Jerusalem, tawan holikira ba, ai marikan; baha ba lika kasbrika pura ba wina bal iwuya kan, Gâd mawan wina.

Param Marikanka 21:27

Sakuna tâski dukia kumi sin, upla diara saura pali bara kunin sin aisi ba, bahara sip dimbia apia. Baha nani ai nina ba raya kaia wauhkataya Sîp Luhpia bri ba ra ulbi mangkan ba baman, tawanka ba ra dimbia.

Param Marikanka 21:3

Bara yang bîla baikra tara kum walri king iwaika ba wina naku aisi kan: “Kaiks, nanara Gâd ba upla nani tilara ai watla brisa. Witin nani wal iwbia, bara witin nani ba ai uplika nani pali kabia, bara Gâd lika witin nani wal kabia, ai Gâdka kaia dukiara.