Sakaraya 8:16 - DAWAN BÎLA AISKA

¹⁶ Naha sika man nani piu bani dauki kaia sma: Piu bani pana pana sturi kasak ba aisi kama, lâ daukaia watla nani ra kupia kumi lâka bukaia dukiara, lâ aisi dauki bas;

Sakaraya 8:16 ပူးပေါင်းရင်းမြစ်များ

Lawana Nani 15:2

Baha nani lukanka wapni dauki ba, kasakka tânka man aisi dauki ba sika;

Lawana Nani 34:15

Dawan ba upla kasakkira nani ba kaina sunisa, bara Dawan ai kiama pri tniki walisa ai inanka ba.

Sins Lâka 12:17

Kasak tânka aisi uplika ba kasakka lâka dahra aisi sakisa, sakuna witnis kuninkira maisa paki ba, kunin baman aisisa.

Sins Lâka 12:19

Wan bîla kasak tânka aisi ba ban kaia ra bâra kabia, sakuna twisa kuninkira lika piua kunhku baman dukiara sa.

Aiseya 9:7

Witin Debit iwaika ra iwbia; ai kingka lâka ba plis bani ra yaka wabia bara kupia kumi lâka ba ban kabia; ai kingka lâka ba kasakka lâka wapni lâka playka pura karna bapbia, nanara wina ban kaia ra. Dawan, karnika sut bri ba ai latwanka laptika ba ni baha daukbia.

Jirimaya 22:3

‘Kasak lâka bara wapni lâka ba man nani naha tasbaya ra dauks, man nani tataibra nani ba mihta wina taiban uplika nani ba pri sâks, tringsar nani ba mâyara kulkpara bara sin rausauhkpara, rau nani ba bara piarka mairin nani ba sin. Upla pâtkas nani ba sin ikpara.

Isikiel 18:8

upla ra lalah lukan tâski wal lin munras bara sin taibi muni, pura praki mana sakaia ba daukras; upla kumi ra sin saura munras; upla wâl unsabanka ba lâ kasak kat daukisa;

Isikiel 45:9

“Yang Dawan sna ba, aisisni: ¡Ba kat aitani sa, Israel gabamintka tâ brabrira nani! ¡Kau taiban lâka âpu, saura munan sin âpu! ¡Kasakka lâka ra bara wapni lâka ra taws! ¡Upliki nani tasbaya implikisma ba swis! Yang, Dawan, baku adar yabisni.

Libait Lâka 19:11

“Man nani implikpara. Man nani kunin aisapara, pana pana kunin munpara.

Emus 5:15

¡Diara saura daukaia ba, man nani misbara kaiki bas! ¡Bara diara yamni daukaia ba latwan kaiks! Aman kaiks lâ pliska nani ra lâ kasak ba daukbia, baku daukma ban kra karnika sut pali brih Dawanka ba, Israel luhpia nani kau bâra ba, ban umpira kaiki bâra swibia.

Emus 5:24

Lâ wapni dauki kaia lâka ba yarka lî laiwi baku kabia; kasakka lâka ba awala laya sip lâwras ba baku kabia.

Miqueas 6:12

Yuyakira nani naha tawanka ra iwi ba upla umpira nani ra tataibra pali man sa; kuninkira nani bara upla ra kunin mamunra baman nahara iwisa.

Miqueas 6:8

Dawan bui man ra pat mai win, dîa ba yamni daukaia tânka bara dîa man wina bîla kaiki ba. Bamna naha pali sika, man daukaia witin mamkabi yaba: kasakka lâka daukma, kupia pihni lâka ba, latwan kaikma, bara Gâdkam mawanra bawikira kaia sma.

Sofonías 3:13

Israel luhpia nani pruras kan ba, witin nani diara saura daukbia apia, kunin sin aisabia apia; ai bîla kunin lâka ni banhki kabia apia. Upla kumi ra sin sibrin lukras ai pata pi ris bri kabia.”

Sakaraya 7:9

“Naku aisaia yang mai wisni: Man nani upla lâka aisi daukisma ba ra, lâ kasak wapni daukma; bara pana pana kupiam pihni lâka ra, walkam nani ra umpira kaiki bas.

Sakaraya 8:19

“Kati 4 ra, kati 5 ra, kati 7 ra bara kati matawalsip ra man nani plun piras puram suni katma ba, nanara lilia briaia yua ra tawbia, Juda kiamka nani lilia briaia yua ra tawbia. ¡Bamna man nani latwan kaiks, kasakka lâka ba, kupia kumi lâka ba sin!”

Sakaraya 8:3

Yang kli Jerusalem ra waia sna bahara iwaia. Bara tawanki nina ba Tawan Kasakkira mâkan kabia, Dawan, karnika sut bri ba ilka nina ba Holikira mâkan kabia.

Matiu 5:9

“Lilia pali sa kupia kumi lâka dadaukra nani ba, kan witin nani Gâd luhpia nani wibia bamna.

Epesus 4:17

Bamna Dawan nina ra, yang naha na taibi pali mai wisna: man nani kli Dawan ra tawras uplika nani baku raya iwi kapara, kan baha nani lika gâdkas nani ba tânka kat baman taukisa,

Epesus 4:25

Baha mita kli kunin aisapara, sakuna kumi bani ai muihnika ba wal diara kasak baman aisi kabia, kan yawan sut lika wîna tara kum sirpika nani sa.

1 Tesalonaika 4:6

Upla kumi mita sin naha bisniska dukiara ai muihni ra kunin muni tâski lâka daukbiara. Naha dukia na kaina manis wina latan mai wi banhri: Ani uplika nahmuna swakwanka nani daukbia kaka, Dawan mita witin ra klala yabia.

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”