Sakaraya 8:13 - DAWAN BÎLA AISKA

¹³ Juda bara Israel luhpia nani, man nani nisan nani tilara mai lahtuban uplika nani kapram, baku sin nanara, yang bui man nani sut sma ba swaki mai saki yamni mai munan uplika nani mai daukamna. ¡Sakuna man nani si bripara! ¡Man nani karna bûi bas!”

Sakaraya 8:13 ပူးပေါင်းရင်းမြစ်များ

Blasi Sturka 26:4

Man kiamkam nani ba ailal daukamna, purara slilma nani ailal bâra ba baku, bara naha tasbaya nani sut kiamkam nani ra yabamna. Baha purkara, tasba aiska ra nisan nani sut ba witin nani ra praki yamniki yabamni,

Lawana Nani 44:16

upla laihtubi, saura aisi ba bîla tâka mita, waihli nani pana ai munaia, saura aisi mini pruki ba mita.

Lawana Nani 72:17

¡King nina ba ban kaia ra ban bâra kabia! ¡Ai sturka ba wan yu ingnika baku kabia! Nisan nani sut tasba aiska ra ba witin wina yamnika bribia. Bara nisan nani sut ba wibia lilia pali sa.

Lawana Nani 79:4

Wan lamara iwi uplika nani ba, yang nani laiwaska kikisa, wan tnaya kir iwi nani ba sin kikisa.

Aiseya 43:28

Man wihta nani brisma ba tempelki ba tâski daukan, baha mita yang wîri, Jekob tawanka, Israel ba, swira dauki, sauhki tikaia.

Jirimaya 24:9

Yang daukamna witin nani ba diara saura kaikaia, sirang wan iki ba daukamna, nisan nani sut tasba ra baha kaikbia, mâyara batakaia patrangka kum kabia, saura kulkan bara lahtuban kuntri bani ra yang mita yakabri ba.

Jirimaya 25:18

Bara Jerusalem ra yabri din Juda tawanka tara nani ra ba ra, king nani ra, wihta tara nani ra sin yabri diaia witin nani sauhki tikaia, bara baku sauhka ban swiaia, upla nani ra sirang iki sibrin dingki kaia, watawika lâka daukan patrangka naiwa kat baku ban sa.

Jirimaya 26:6

bara naha tempelka ra sin Siló ra daukri ba baku daukamna. Naha tawanka na lahtuban ba patrangka kum daukamna nisan nani sut kaikbia tasba aiska ra.’ ”

Jirimaya 29:18

War ni, sanglang ni, siknis ni yang bui witin nani ra blikaisna. Yang daukamna nisan nani sut ba mita witin nani ra diara saura kaikan wan daukras dukia baku daukamna, lahtuban swira daukan patrangka kum kaia daukamni, diara kum sirang wan iki sibrin wan dingki ba baku daukamni, nisan nani bani kaikbia witin nani ra yakabamna ba.

Jirimaya 33:24

“¿Upla nani aisi ba man walras sma ki Israel bara Juda wal kiamka nani ba yang pali mita bâk saki briri ba lulki swiri ba? ¡Baha mita yang upliki nani ba witin nani saura kaikisa, nisan kum ra kaiki baku kaikras!

Jirimaya 42:18

“Dawan karnika sut bri ba, Israel Gâdka, aisisa: ‘Yang lawanki kupi baiwanka laptika Jerusalem uplika nani ra alkan ba, baha baku man nani mampara sin takbia, ban Idsip ra wama kaka. Man nani ninam ba lahtuban uplika nani mâkbia, upla ra sirang ikaika takma, naha tasbaya ra sin kli tawi balma apia.’

Jirimaya 44:12

Bamna yang daukaisna Juda ra takaskan uplika nani ba Idsip ra iwaia wan nani ba, sut pali sauhki âpu daukbia. Sut pali, sirpi lupia nani ba wina tara ba kat, war ra, apia kaka sanglang ra pruaia. Man nani ninam ba lahtuban uplika nani mâkbia, swira daukan upla ra sirang ikaika takma.

Jirimaya 44:22

Man nani daukankam saura nani daukisma ba mita, Dawan lilia apia kan witin kau sip ai kupia alki takaskras kan. Baha mita naiwa man nani kuntrikam ba sauhki swin sa, upla bahara iwras; lahtuban nani, upla sirang ikaika takan.

Inanka Nani 4:15

“¡Tnaya ra taws, tnaya ra taws —witin nani ra wini wisa—; baha uplika nani ba tâski sa, kangbi banhpara!” “Witin nani ba tanis plapi taukisa —idan nani wisa—, kau sip nâra iwi kapras.”

Isikiel 34:26

“Yang sîpki nani, il holikira ba lama kir mangkamna, bara yamni munamna; yamni munan laya blikamna piua bani ra.

Isikiel 37:11

Bamna Dawan bui ai win: “Israel luhpia nani ba baha dusa pruan ailal ba baku sa. Aisi taukisa: ‘Wisa yawan wan dusa nani ba lâwan sa; bîla kaikanka kum sin âpu, yawan na tiwan sa.’

Isikiel 5:15

Yang kupi baiwan ra man nani mampara lâ daukamna piua ra, klala karna pali maikamna, bara upla sut saura mai aisi lamwaska kiki kabia, kainam kir ra iwi uplika nani mawanra sin klala karna brima, bara tawan kir mai bribia ba ai tânka bribia. Yang, Dawan, baha aisari.

Daniel 9:11

Israel luhpia nani sut man bîlam kulkras atia takan, bara dîa lâ mangkram ba sin wali daukaia apia win; baha mita naha lahtubanka na wan purara kauhan, aikuki swer daukan ba nampakan Moses lâ wauhkataya ra ulban ba kat, ban yang nani lika man mampara saura dauki banhri.

Miqueas 5:7

Jekob uplika nani baha aiklabanka nani tilara, pruras kau raya swin nani kabia ba lika, sim diwas laya bara lî tasba purara buski ba baku kabia, waitna lukanka wina lika apia sa.

Sofonías 3:16

Baha piua ra Jerusalem uplika nani ra wibia: “¡Saion uplika nani, si bripara, wark taki bas!”

Sofonías 3:20

Baha piua ra, man nani sut kli mai bri balamni, asla mai daukamni. Tasba ra upla nani sut bâra ba tilara man nani iwankam natka ba lakamni yamni mai kulkaia ra, bara kulkanka yabamni bara rispikka lâka sin. Yang, Dawan, baku aisisni.”

Hageo 2:19

Aitani, sakuna naiwa yua wina man nani kaiki bas, plun mâ auhbaika ra kli plun âpu kabia apia. Wain kiwka ba kau ai mâ sakras sa sakuna, kwah damni dusa sin apia; drap tara sin apia, oliv dusa sin kau pawras sa; sakuna naiwa yua wina yamniki man nani wal ban kabia.’ ”

Hageo 2:5

Man nani si bripara, Idsip wina takram pramis mai munri ba baku, yang spiritki man wal ban sa.

Sakaraya 1:19

Bamna insal yang wal aisi kata ba ra makabi walri, aringka nani ba dîa tânka sapa, bara witin ai win: “Baha aringka nani ba sika, baha uplika karnakira nani ba, witin nani mita Juda, Israel, Jerusalem uplika nani sut, tasbaya wina kangbi sakan bara tasba aiska ra wan ba.”

Sakaraya 14:11

Âu, Jerusalem ra kli upla iwi kabia, witin nani ba kli sauhki tikan kabia apia. Witin nani sin baha wina kli taki waia lukbia apia.

Sakaraya 8:15

Ban sakuna, nanara Jerusalem bara Juda uplika nani ra, yang diara yamni daukaisna. Bahamna, man nani si bripara.

Sakaraya 8:9

Dawan, karnika sut bri ba, naku aisisa: “Man nani, Dawan karnika sut bri ba tempelka kli mâkaia karna bûi bas; naha yua prapit nani dîa aisi ba walan sa, Dawan watla playka nani bapan ba dukiara.

Sakaraya 9:13

Kan war aiklabaiki pantamangka nani baku ba kulki brisma, baha ba Juda sa, bara Efraín ba trisbaiki mangkri sa. Saion, man wina sord kum paskaisna, bara uplikam nani ba lika, Grik tasbaya uplika nani mapara aiklabaia blikamni.”

1 Korint 16:13

Man nani aihwaki bas, bara kasak lukan lâka ra bapi bûi banhwi bas. Waitna bas. Karnakira nani bas.

Galesha 3:14

Naha na baku takan, Gâd mita Ebraham ra yamni munaia pramis munan ba, Kraist Jisas bâk Ju apia uplika nani ra yaia; bara baku yawan sut bribia kasak lukan lâka ba mita, baha Spiritka Holikira Gâd mita pramis munan ba.

Kli Smalkanka 26:19

Witin mita man wina nisan kum purara mai daukbia, mamyunra sin brima. Nisan wala nani purara sturkam ba tara kabia bara kulkanka sin maikbia, bara witin mai win ba baku kama, tawan kum yamni munan Dawan Gâdkam dukiara.”

Kli Smalkanka 28:37

Bara ani pliska nani sut ra Dawan mita mai brih wabia ba, upla wala nani mita mai kaikbia, saura sirang iwram baku kama, lukan bîla mampara aisi lawaska kiki kabia.