Sakaraya 7:6 - DAWAN BÎLA AISKA

⁶ man nani plun pi bara di banhwisma ba, man nani liliakam briaia dukiara baman daukisma.’ ”

Sakaraya 7:6 ပူးပေါင်းရင်းမြစ်များ

1 Kronikas 29:22

Bamna baha yua ra di bara pi banhwan Dawan mawanra. Baha ningkara Debit luhpia Salaman ba kli aima wala ra king mangkan, bara Sadoc ba prîs mangkan.

Aiseya 43:23

Daiwan wîna aiska angki sakripaiska dauks yang ra bri balras kapram, sakripaiskam nani wal sin pain ai kulkan lâka ba yang ra aikras katma. Baku sin yang taibi mai munras katna prisantkam nani aiki kaia, kîa yamni dauki sakripaiska nani sin dauki aikma mai wiras katna.

Aiseya 58:3

Bara ban sakuna, witin nani wisa: ‘¿Yawan dîa muni kaiki plun wahwaia, Dawan tawi wan kaikras ba? ¿Yawan dîa muni mâyara bawi pât taki kaia, witin baha tânka sin briras ba?’ Sakuna damra wals, man nani kaiki plun piras sma ba yua ra, man nani brinkam ba kat hilpkam daukaia plikisma, bara warkkam tatakra nani ra diara dakbisma.

Oseas 8:13

Witin nani sika sakripais nani ba lihkisa, bara sakripais daukisa, bara wîna nani sakripais dauki ba wina pîsa; sakuna yang, Dawan, witin nani wal âiyapah apia sna: watawika lâka nani daukan ba luki ban kamna. Witin nani ba klala yabamna bara kli Idsip ra tawi waia daukamni.

Oseas 9:4

bahara Dawan yamni kulki wainka dibia apia, sakripais nani sin, bahara Dawan ra daukbia apia. Ai pata pi ba sin sari pata pi kabia, bara upla wala nani baha pata pibia uplika ba sin, tâski kulkan kabia. Witin nani lika ai pata ba pibia, sakuna Dawan tempelka ra brih waia sip apia kabia.

Sakaraya 7:5

“Tasbayam uplika nani sut ra wis, prîs nani ra sin: ‘Man nani pat 70 mani, kati matsip aimaki ba ra, kati matlalkahbi pura kumi aimaki ba ra sin, sari bri, kaiki plun piras dauki banhwisma. Sakuna man nani bui yang ra yamni ai kulkaia dukiara daukras,

Sakaraya 7:7

¿Naha pali bîla nani na apia, patitara prapitka nani kan ba mita, aisi kan ba, Jerusalem ra upla ailal ai âuyapah iwi kan ba piua ra, tawan nani ai tnaya kir ba sin, Négueb tawanka nani ra, tawan lupia nani ra upla ailal iwi kan ba piua ra?

1 Korint 10:31

Baku bamna, pi banhwisma sapa, di banhwisma sapa, dîa dîa daukisma sapa, sut ba Gâd prana dukiara dauki bas.

Kli Smalkanka 12:7

Warkkam nani ra patam mâ ra, Dawan Gâdkam yamni munan ba, bahara witin lamara kaiki ba ra, pih tamya nani aikuki lilia takma.

Kli Smalkanka 14:26

Bara baha lalahka ni bahara man nani diara kau aitani lukma ba atki banhma: bîp wainhka, sîp wainhka, apia kaka wain, diara laya swahwi ba, man nani dîa want sma ba bahara Dawan Gâdkam lamara mai kaiki ba ra tamya nani aikuki lilia dauki pima.

Kolosi 3:17

Dîa dîa daukma, apia kaka aisama ba sut, Dawan Jisas nina ra dauki bas. Witinka bâk Gâd wan Aisa ra tingki wi bas.

1 Samuil 16:7

Sakuna Dawan bui witin ra win: “Mawan painka ra kaikpara, ai pâwanka ra sin apia, baha sut ba yang bahki kulkri sa. Yang lika waitna diara kaiki ba baku kaikras; upla lika mawan painka ra bamna kaikisa, sakuna yang lika kupia kat kaikisna.”