Sakaraya 7:11 - DAWAN BÎLA AISKA

¹¹ Ban sakuna, Dawan aisin ba, upla nani wali daukras kan. Sut ai kiamapara dauki si bara ai ninara tawan.

Sakaraya 7:11 ပူးပေါင်းရင်းမြစ်များ

2 Kronikas 33:10

Dawan bui Manasés ra bara ai uplika nani ra sin aisin, sakuna witin nani Dawan ra walras kan.

Nihimaya 9:17

Witin nani baha walaia ai brinka apia kan, purkara sin man bui diara aihkakira bara tara witin nani ai hilpka ra daukram ba ai kupia krawras kan, ai kiamapara lâka ra, ai tâ brabrira kum mangkan bara kli alba lâka ra Idsip ra brih wan. Ban sakuna, man sika Dawan, upla pâtka swih tatikra Gâdka, kupiam swapni, umpira kaikan lâka brisma, pat pali kupiam baiwras, bara latwan kaiki bara umpira kaikan lâka sin manis pali brisma, ba mita lulki swiras kapram.

Nihimaya 9:26

“Sakuna witin nani man bîlam wali daukras kan, mampara buan, bara man lâmka ba bahki kulkan. Baha purkara, prapitkam nani ba witin nani mita ikan, kan baha nani witin nani ai mapara param aisi kan, bara win ai kupia lakbia, baha tâwan minam prukanka tara dauki kan.

Nihimaya 9:29

Bara man bui witin nani ra kupia kraukram, lâmka bîla wali kli man ra tawbia wiram, ani uplika lâmka ba alki daukbia kaka, witin nani raya kabia, ban sakuna witin nani ai kupia karna pali kan, bara man adarkam nani ba wali daukras pali takan, ban sin man lâ wapni yaram ba mapara saura daukan.

Impakan Sturka 10:3

Moses bara Eran wal king fero kaikaia wan, bara witin ra win: —Dawan Hibru nani Gâdka ba naku wisa: ‘¿Man ahkia kat yang ra ban ai wi kaisma, yang bui man ra bawaia apia? Upliki nani ba swis taki wabia bara yang ra nini mayunbia.

Aiseya 28:12

Gâd upla nani ra kainara pat win kan: “Nahara sa wan riska ba, swapan nani ba ris bribia.” Sakuna witin nani baha walaia apia win.

Aiseya 46:12

Kupia karnira nani, yang ra wals, dîa lukisma, dîa swak takan lâka ba laih pali ra sa:

Aiseya 6:10

Naha uplika banhwi ba, kupia twakni takisa bamna. Kiama untika ba praks bara nakra sin praks, witin nani ai nakra ni kaikbiara, ai kiama ni sin walbiara, bara diara tânka bribia apia, bara witin nani kra tawi balbiara, yang sin witin nani ba rakamna apia.”

Aiseya 65:12

Diara saura man nani bîlam kaikisa: Man nani sord ra pruaia mai daukamna. Kan yang mai winri, sakuna man nani pana yang ra aisaras kapram bamna; man nani ra aisari, bara man nani ai walras kapram; yang aitani kulkras sna ba man nani daukram, yang laik apia sna ba man nani bâk saki briram.”

Jirimaya 11:10

Ai damika nani saura daukan, saurka ba witin sin daukan, damika nani ba bîli wali daukaia apia win, bara gâd wala nani ninara wan, baha gâdka nani ra mayunan. Israel luhpia nani bara Juda uplika nani sin damika nani wal lâ daukri lâka ba krikan.

Jirimaya 13:10

Naha uplika watawikira nani na, yang adarki nani daukaia wîri ba bîli wali daukras, bara kiama karna ai kupia lukanka nani ra baman tniwisa. Witin nani gâd wala nani nina ra warkka daukaia mayunaia wan, baha maisa wila ba baku diara hilp âpu ba.

Jirimaya 17:23

Witin nani lika yang ra walras bîli wali daukras kan, sakuna kau lal karna takan wali lan taki wapni takan daukras.

Jirimaya 17:27

Sakuna man nani lika yang lâ aisari ba wali daukras, baku yua ba yang yui aikras, ris yua ra Jerusalem getka ra diara twilki dimaia apia wisna ba sin walras sma kaka, bâra lika yang tawan getka nani ba ra pauta mukamna, pauta klauhan kum king watla Jerusalem ra bara upla kumi sin sip daskbia apia.’ ”

Jirimaya 19:15

“Karnika sut bri Dawanka, Israel Gâdka ba, aisisa: ‘Naha tawanka tara ra yang klala yabia aisari ba daukaia, tawan nani witin ai lamara nani ba sut blikaisna klala yabia, kan witin nani lal karna takan yang aisari ba wali daukras kan bamna.’ ”

Jirimaya 35:15

Yang bui man nani ra prapit kumi blikri, kli wala blikri, albiki prapit nani sut blikri mai wiaia: Man nani natkam saura nani ba daukankam saura nani ba swiaia. Man nani lika gâd wala nani ninara waia apia, baha nani ra sin mayunaia apia, bara baku man nani damikam nani ra baha tasbaya maikri bâra iwi kaia sip kama. Sakuna man nani bui yang ra walras, bîli wali sin daukras.

Jirimaya 36:31

man ra, man kiamkam ra, baku sin wihtkam tara nani ba sut ra sin saurkam daukram mana klala maikamna. Pât nani balaia yang aisari ba man nani puramra, Jerusalem uplika nani purara bara Juda uplika nani sut purara balaia daukamna. Man nani sut sin baha aisinka ba walras baku kapram ba.’ ”

Jirimaya 42:21

Dawan Gâdkam man nani ra mai wiaia ai win ba yang mai wîri, sakuna man nani bîla wali daukaia brin mai daukras sa.

Jirimaya 44:16

—Baha bîla Dawan aisin wisi man bui yang nani ra ai wiram ba walamna apia.

Jirimaya 5:21

‘Tanis lamla karna takan uplika, man nani naha wals, namkra brisma sakuna kaikras, kiamam brisma sakuna walras sma ba.

Jirimaya 5:3

Dawan, man plikisma ba sika kunin aisaras uplika ba. Man bui witin nani ra klala yabram, sakuna baha witin nani ra latwan yaras kan; man bui witin nani ba sauhkram, sakuna witin nani diara lan takras. Kiamapara nani, walpa baku karna, yabal yamni ba ra witin nani kli tawi balaia apia lukan.

Jirimaya 7:24

Sakuna witin nani bîli wali daukras, uni sin kahban daukras witin nani ba kiama karna takan, kupia lukanka ai saura brinka ra baman tniwan, bara baha mita brih wan. Yang ra kli tawi balaia watlika ra tawi ai kaikras mahka wan.

Jirimaya 7:26

Sakuna man nani bui yang bîli wali daukaia apia wiram, uni sin kahbras, almukkam nani ba wal man nani kau kiamam karna takan.

Jirimaya 8:5

Ban kaka, Israel, ¿man nani dîa muni ai atkram? Jerusalem, ¿dîa muni ai swih waram ban kaia ra? ¿Dîa muni maipara bûi ban sma? ¿Bara kli tawi balaia brin mai daukras ki?

Isikiel 14:5

“Israel luhpia nani sut kupia alkamna, witin nani ba yang wina dakwi taki banhwan ba ai aidulka nani dukiara.

Isikiel 3:7

Sakuna Israel luhpia nani mai walan daukras kabia, kan Israel luhpia nani yang aisisna ba walan daukras kan. Witin nani sut ba brabrukra sa bara lal sin karna.

Isikiel 5:6

Sakuna witin, yang lâika mapara buan bara adarki nani mapara sin, nisan wala bara tawan lamara nani ba purkara kau saura takan kata, tasba aiska ra sin; kan lâika bahki kulkan, lâ daukaia yabatna ba kat sin daukras kata.

Daniel 9:5

yang nani saura yâri, watawi sin dauki banhri, yang nani iwi banhwi katna man ra lukras pali, yang nani bui man lâmka nani bara bapanka lâka nani ba tnaya ra lakri.

Oseas 4:16

Israel ba mapara babura takan, bîp tiara wail baku; bara baku sma ba, ¿Dawan ba ban man nani ra sîp lupia nani ra baku twi painkira pâwi tasbaya ra, main mai kaiki kabia ki?

Sofonías 3:2

Witin ba Dawan bîla baikra ba walan daukras sa, ai saurka nani wina wapni takaia sin brin daukras sa, witin ra kasak lukras kan, ai Dawanka ra plikras kan.

Sakaraya 1:4

Damikam nani daukan baku daukpara, prapit nani kaina piua ra kan nani ba bui yang bîli witin nani ra smalkan, ai natka saura, ai daukanka saura nani ba mahka swiaia, sakuna witin nani lika yang bîli walan daukras kan, bara baku sin tawi ai kaikras kan. Yang, Dawan, kasak aisisna.

Matiu 13:15

Kan naha uplika nani lukanka na warwan sa, ai kiama ba praki brisa, bara ai nakra nani sin prakan sa, baku lika kaikbia apia bara walbia sin apia, bara sin tânka bribia apia, baku sin yang ra tawi balbiara bara yang sin rakamna apia.’

Apastil Nani Sturka 7:51

“Sakuna —Stiben lika ban aisi wi kan— man nani lika piua bani kupiam karna brisma. Man nani kiamam nani bara kupiam sin brisma, sim baha nani Gâd kakaira apia uplika nani ba baku, piua bani Spirit Holikira mapara. Man nani lika damikam nani wal baku pali sma.

Apastil Nani Sturka 7:57

Sakuna witin nani ai kiama nani ba prakan, bara ai tâ baiki wini, Stiben mapara plapi wan.

Hibru Nani 12:25

Baha mita, aman kaiki bas, bara witinka wan aisi ba ra walaia apia lika wipara. Baha nani ba witinka naha tasba ra Gâd dahra aisi kan ba ra walaia apia win ba, swak takras kata; baku bamna, yawan pali lika kau swak takbia apia, witinka kasbrika purara wina wan smalki wan aisi bara wan nina laki tris tawbia kaka.