Sakaraya 2:8 - DAWAN BÎLA AISKA

^8-9 Karnika sut alki bri Dawanka ba, baha uplika nani mai alki mai brih wan ba mapara, naha bîla aisaia ai blikan: “Ya ya yang upliki nani ra pruki ba, yang naikra yula ra pruki baku sa. Baha tâwan, yang uplika nani ba mapara aiklabamna, bara ai albika nani ba bui witin nani ra kli tawi alki brih wabia.” Baku dauki ba natka ra, karnika sut alki bri ba Dawanka ai prana tara ba marikbia, baku sin man nani tânka brima, Dawan bui ai blikan ba.

Sakaraya 2:8 ပူးပေါင်းရင်းမြစ်များ

Blasi Sturka 20:6

Bara yaprisauhkan ra Gâd pana witin ra win: “Âu, yang baha kaikisna man kasak luki, lukankam tâski âpu lâka ra baha ba daukram. Baha mita yang sin mai swiri witin ra kangbras kapram, man bui yang maipara saura daukma apia mata.

2 King Nani 24:2

Sakuna Dawan mita Joaquim mapara âimplikra nani Caldea, Siria, Moab bara Amón wina blikan. Baha nani ba Juda mapara blikan sauhki tikbia dukiara, dîa Dawan mita ai prapitka nani bâk aisan kan ba kat.

Lawana Nani 17:8

Namkra yula baku main ai kaiki ai bris; tnamwa nani distika ra ai yukuks,

Sins Lâka 7:2

Yang lâika bara bîli nani ba wali dauks, smalkanki nani ba sin; baha nani ba main kaiks namkra yula nani baku, bara raya kama.

Aiseya 49:19

Man kuntrikam ba sauhki tikan sa, slingbi tikan bara bîla baman swin sa, sakuna nanara tasbayam bîla sirpi takbia kwâra tara nani bal iwbia ba mita. Mai sauhki tatikra nani ba laihura kitbi sakan kabia.

Jirimaya 12:14

Dawan naku aisisa, baha uplika watawikira nani Israel lamara iwi nani ba dukiara, witin mita ai tasbaya ba Israel luhpia nani ra yan ba baha uplika nani mita sauhkan: “Bamna yang bui witin nani ba wakia wal daikamna, witin nani ai tila wina Juda sakamna.

Jirimaya 27:7

Nisan nani sut ba witin ra bawi kabia, luhpia nani ra bara mulika nani ra sin bawbia, bara piua ba balbia bara nisan tara nani ba king karnika tara bri nani ba sin witin ra bawbia.

Isikiel 25:12

“Yang Dawan sna ba, naku wisni: Edom ba Juda ra pana munaia lâka daukan, bara baku saura pali pâtkira takan sa.

Isikiel 25:15

“Yang Dawan sna ba, naku wisni: filisteo nani ba pana munaia lâka daukan, ailal saura takan, ai kupia misbara tara wal; ban kaia ra ai waihla baku Israel mapara, sauhki tikaia kat brih wan.

Isikiel 26:2

“Tiro Jerusalem tânka luki ra aisan: ‘¡Alai, diara atkaia durka, nisan nani tilara pîs nani ra baman daukan sa! ¡Nanara yang piui balan! Yang yuya wal aibanhri sa, witin nani lika sauhki tikan ra takaskan kabia.’

Isikiel 26:20

bahara man rungkma upla pruan nani bâra ba kat. Tasba ba wina kau tihu tara ra mai lulkamni, bara kuntri ba sauhki tikbia ba baha nani pat pruan nani ba tilara iwi kabia. Bahara upla kli âpu kabia, kli sin tawanka ba paskan kabia apia.

Isikiel 35:5

‘Man ba Israel wal ban kaia ra waihlam sa, bara man nani bui witin nani mapara war bukram, witin nani ai klalka bri kan piua ra saurka tâwan.

Isikiel 36:11

Yabrika upla bara daiwan nani ba ailal pali sauhbia. Upla ailal pali takbia blasi piua ra kata baku; bara piu luan ba wal, man nani kau yamni kama. Baku mika damra wali banhma yang sika Dawan sna ba.

Isikiel 38:11

Wima: Kuntri kum sip apia ba purara kauhamna, upla nani laman lâka ra, ai dara walras iwi nani ra, kuntri tara kutbanka âpu ra, get ba prakbia apia.

Isikiel 38:14

“Baku bamna, aitani sa, yang nini bri Gog ra aisas, bara wis: ‘Dawan naku aisisa: Upliki Israel ba laman lâka ra sâp iwi kabia ba ra, man yabal ra takma,

Emus 1:11

Dawan naku aisisa: “Edom uplika nani ba saura ailal pali daukan, bamna yang, witin nani ba sip klala yabras ban swimna apia; kan witin nani aiklabaia sordka ai mihta ra alki brih, ai kupia lukras kira ai muihni Israel luhpia nani ra nina blikan. Ai kupia baiwanka ba, witin nani purara brih lui wan, witin nani misbara kaikan lâka ba tnata âpu pali kata.

Emus 1:13

Dawan naku aisisa: “Amón uplika nani saura ailal pali daukan; bamna yang bui witin ba sip klala yabras swimna apia, kan witin nani ai tasbaya piarkika ba kau kanra kitbi brih waia dukiara Galaad tawanka ra mairin kwihra nani bâra kan ba biara klaki baikan.

Emus 1:9

Dawan naku aisisa: “Tiro uplika nani ba saura ailal pali daukan, bamna yang bui witin nani ba, sip klala yabras ban swimna apia; kan witin nani mita tawan kum uplika nani sut alki priski, Edom tawanka ra bri si, alba kaia atkan, witin nani ai muihni nani aikuki lâ kum dauki bri kan ba.

Miqueas 4:11

Nanara sika nisan ailal asla takan sa, man nani mampara balaia; witin nani wisa: “¡Kaisa yawan lilia takaia Jerusalem ba aisawi tiwuya ba dukiara!”

Miqueas 5:6

Witin nani ai sordka karnika ni baman Asiria tasbaya, Nimrod kuntrika ra, king aimaki kabia. Asiria nani mihta wina swaki wan sâkbia, wan tasbaya lainka lui dimi wan alkan ba.

Miqueas 7:10

Yang waihli baha ba kaikbia bara ai swira lukbia; witin bui yang ra ai wi kata ba: “¿Dawan Gâdkam ba anira sa?” Sakuna yang naikra ni witin nani ba kaikamna, nahki yabal ra, slaubla wan mina ni taibi ba baku taiban kabia ba ra.

Abakuk 2:17

Líbano ilka ra saura munram saurka ba, kli man mampara tawi balbia; bara man sirang tara iwma ai daiwra nani ikram tâwan. Upla nani sin ikram, lâ krikanka nani daukram kuntri bara tawan nani mapara; baha tâka mita naha pâtka nani man puramra balbia.

Abakuk 2:8

Nisan nani ba asla taki mampara bubia, bara taibi mai muni dukiam nani ba sut impliki bribia, man mita munram ba baku pana sin mai munbia. Upla ikram, lâ nani krikram, kuntri nani mapara buram, tawan tara nani slingbram, upla nani sin diara daukram ba, baha sut mana mai munka aibapma.

Sofonías 2:8

Karnika sut alki bri Dawanka, Israel Gâdka ba, naku aisisa: “Moab uplika nani mita upla nani swira dauki kan ba walri. Amón uplika nani mita sin saura muni kan ba kaiki, witin nani upliki nani ra swira daukan, upliki nani tasbaya ra iwi, witin nani tara takan. Yang raya ban sna bamna swer taki aisisna: Sodoma uplika ra dîa takan ba baku, Moab ra takaia, Amón uplika nani ra sin, Gomora ra dîa takan ba baku takbia. Kiaya nani pâwaika langnika bara sâl sakaia tasbaya sin takbia; plis kum ban kaia ra yakan takaskaia ba. Upliki nani pruras swak takan kabia nani ba, bal dukia nani ba brih, bâra ai tasbaya ra iwbia.”

Sakaraya 2:11

Baku takbia ba ra, upla kiamka ailal Dawan wal asla takbia. Bara Dawan naku wibia: “Baha uplika kiamka nani sin, yang upliki nani kabia, bara yang lika man nani tilamra iwi kamna.” Baku man nani sin tânka brima, karnika sut bri Dawanka ba mita ai blikan ba.

Sakaraya 8:5

Tuktan waitna, tuktan mairin nani ailal tawan yabalka ra puli banhwi kabia.

Malaquía 3:1

Dawan karnika sut bri ba, naku aisisa: “Yang blikaisna bîli twatwilkra ba yabalki ba mahka daukaia. Man nani plikisma Dawankam ba, witin pat pali bal ai tempelka ra dimbia. ¡Man nani wal lâ daukaia bîla twatwilkra bîla kaikisma ba pat aula!”

Matiu 25:40

Bara King ba wibia: ‘Kasak pali man nani ra mai wisni, dîa dîa naha muihki bawikira nani ra diara kumi dukiara daukram ba, yang pali ra sika man nani ai daukram ba.’

Matiu 25:45

Bara King ba mita pana wibia: ‘Kasak pali man nani ra mai wisna, dîa dîa naha uplika nani bawikira kumi ra daukras kapram kaka, yang dukiara sika man nani daukras.’

Jan 14:26

Sakuna Spirit Holikira Aisa mita yang nini ra luki blîkbia ba lika, man nani ra hilp mai munaia bara maisam nihkaia dukiara, bara witinka mita diara sut mai smalkbia, bara dîa dîa mai wîri ba sut kupiam kraukbia.

Jan 17:18

Naha tasbaya uplika nani ra ai blikram ba baku sin, yang mita naha nani yang mita tasba ra blikisni.

Apastil Nani Sturka 9:4

Bamna Saulo tasba kat kauhan, bara bîla baikra kumi walan witin ra naku aisi kan: “Saulo, Saulo, ¿dîa kan man rau ai sauhkisma ki?”

Kli Smalkanka 32:10

Upla iwras tasbaya ra prawan, tasba lâwan nani ra pâsa mita wipi bri tauki kan sakan; ai klahkla mununhtara brih smalki ai nakra yula baku mai kaikan.

2 Tesalonaika 1:6

Baku bamna, dîa aitani ba kat Gâd daukbia, man nani ra maikan pât wahwisma uplika nani ra, witin yaka pât wauhbia,

1 Jan 4:14

Yawan pali mita baha ba kaikan, bara param aisi wisa: Aisa ba kasak ai Luhpia blikan, naha tasba ra iwi uplika nani ba swaki sakaia.