Sakaraya 2:7 - DAWAN BÎLA AISKA

⁷ ¡Man nani Babilon ra iwisma ba, mahka Saion ra plapi bal! Yang, Dawan, kasak aisisna.”

Sakaraya 2:7 ပူးပေါင်းရင်းမြစ်များ

Blasi Sturka 19:17

Pat latara sakan kan ba ra, insalka kum bui witin nani ra win: —¡Rayakam ba swaki sakaia dukiara plaps! Sakuna ninamra tawi kaikpara, il bîla nani ra dimi sin takaskpara. Il tara nani tila bâk plapi was, rayakam swaki sakaia mata.

Aiseya 47:1

“Bal iws, Babilon tiarika mairin, kau mayam âpu sma ba, bara tasba pukpuka ra iws; iwaikam wina iws, Caldea wina tiarika mairin, bara tasba ra iws, kan kli mai wibia apia man ba swap lupia painkira.

Aiseya 48:20

Babilon wina man nani bal taks, Caldea uplika nani tila wina plaps, liliakira wal naha sturka nani wis upla sut ra, bara brih was tasba tâ wala pali kat. Wis: “Dawan ba pri sakan ai dukia dadaukra Jekob ra.”

Aiseya 52:11

¡Bal taks, bal taks man nani Babilon wina baha nani tila wina bal taks, diara tâski ba kangpara, man nani Babilon wina taks! ¡Sunu taks man nani bui Dawan ra sakripais dauki yaia watlika nani twilkisma ba!

Aiseya 52:2

Jerusalem, bus, tasba yuya mai alkan ba singbi sâks; bara iwaikam ra iws. Saion, luhpia mairin, priski mai brih balan ba namna ra wilkan dusa ba lanhki sâks.

Jirimaya 50:8

“¡Babilon, Caldea uplika nani tawanka ba wina man nani plaps! ¡Dakni ba tâura man nani pas tâ bri plaps!

Jirimaya 51:45

Upliki nani, baha wina taki was, ¡kumi bani rayakam swaki sâks yang lawanki tara ba wina!

Jirimaya 51:6

“¡Man nani Babilon wina taki plaps! ¡Ya ya swakwaia sip sma ba swakwi taks! ¡Witin saura daukan ba tâka man nani sin prupara! Nanara yang mita pana witin nani ra munaia yua aimakan bara aibapamni nahki praiska kat yabaia ba.

Miqueas 4:10

Saion tawanka, latwan saura brih ini bas, mairin luhpa baikaia latwanka brih ini baku, kan nanara man nani tawankam wina mai kangbi mai sakuya, bara twi tasbaya ra iwi kama, ban Babilon kat mai brih wabia. Sakuna baha kat pri takma, kan bahara sika Dawan bal waihlam nani mihta wina mai dakbi mai sâkbia.

Kulki Kaikanka 16:26

Bara upla nani ra win: —Baha uplika saura nani tintka watla ba wina taki banhs, witin nani dukia kumi ra sin kangpara, man nani sin witin nani saurka tâwan pruma ra sîa.

Kulki Kaikanka 16:34

Witin nani ai pura wini, ini banhwi kan walan ba ra, Israel luhpia nani baha nani tnaya kir bûi kan ba taki plapi kan, bara aisi banhwan: “¡Tasba yawan ra sin wan langkbia!”

Apastil Nani Sturka 2:40

Bara Pita lika naha bîla nani aisin na purara, kau kupia kraukanka ailal baha uplika nani ra yabi, naku smalki win: —¡Man nani naha uplika nani tiwan banhwi na tila wina bal taki, swaki sakan lâka ba alks!

Param Marikanka 18:4

Bara yang bîla baikra wala kum, kasbrika pura ba wina naku aisi kan walatna: “Yang upliki nani, baha tawanka ba wina bal taks. Baku lika ai saurka nani ba aikuki brima apia bara ai pâtka tara nani ba sin mai alkbia apia.