Sakaraya 2:4 - DAWAN BÎLA AISKA

⁴ bara witin ra naku aisin: “Plaps, kulki kaikaia kiwka brih auya wahmika ra wis: ‘Jerusalem ra upla nani kli wih iwaia sa, bara upla ailal, daiwan sin ailal pali bahara kabia bamna, tawan ba walpa kutbanka nani bilara kabia apia.

Sakaraya 2:4 ပူးပေါင်းရင်းမြစ်များ

Ester 9:19

Bahamna, Ju nani tawan sirpi nani ra, kau tawanka kutbras iwi kan nani ba lika, Adar kati yua 14 ra, lilia tara brin, pana pana prisant yaban.

Aiseya 33:20

Saion ba kaiks, yawan mani bani Dawan ra lilia tara dauki tawanka tara ba; man namkra nani Jerusalem ra kaiki kaikbia, sâp iwaia watla ba, tint watla kum slingbras kabia ba, dusa bapan ba sin daiki sâkbia apia, kiwka nani kumi sin dakban kabia apia.

Aiseya 44:26

Sakuna yang duki dadaukra aisan ba, yabri daukisa bara bâk saki briri uplika ba lukanka nani ba pain baman takbia. Yang param sakisna, Jerusalem ba kli upla iwan kabia, bara Juda tawanka nani ra sin. Yang daukamni, kli bukan kabia slingwanka nani ba wina.

Aiseya 49:20

Luhpiam nani tiwan baku luki katma ba, witin nani kiamam kat mai wibia: ‘Naha kuntrika na sirpi pali sa, yang nani iwaia; plis kau aik yang bâra iwaia.’

Aiseya 54:16

“Kaiks, yang mita daukri sika ayan wina diara papaskra ba, pauta klauhan ra maskuka nani ba puhbaia, bara ai tulska nani ba baha wina paski sakaia ai warkka nani daukaia dukiara; bara yang mita sin daukri sasauhkra nani ba, sauhki tiki kaia ba;

Jirimaya 1:6

Yang pana wîri: “¡Ay, Dawan! ¡Yang sika wahma pali sna, sturi aisaia sin lan âpu sna!”

Jirimaya 31:24

Juda uplika bara ai tawanka nani, insla mamangkra nani, baku sîp main kakaira nani bahara iwan kabia.

Jirimaya 31:27

Dawan ba kasak aisisa: “Yua kum balbia ba ra yang daukamni upla nani bara daiwan nani ailal kabia Israel ra bara Juda ra sin.

Jirimaya 33:22

Duki dadaukra Debit kiamka nani ba, yang warkki dadaukra nani ba, Libai kiamka nani ba slilma ailalka kasbrika purara bâra ba baku, auhya ailalka kabu ra bâra ba baku ailal daukamni, baha nani numbika upla kumi sin sip kulki sâkbia apia.”

Isikiel 38:11

Wima: Kuntri kum sip apia ba purara kauhamna, upla nani laman lâka ra, ai dara walras iwi nani ra, kuntri tara kutbanka âpu ra, get ba prakbia apia.

Daniel 1:17

Naha wahma walhwal ra, Gâd bui sins lâka bara diara tânka kaikaia lâka yan wauhkataya ulban ba ni, sinska lâka nani sut tânka briaia. Daniel ra lika baha purkara diara aihka nani yaprisauhkan nani kaikaia tânka yaban.

Daniel 1:4

wahma nani, siknis âpu nani, skahwa apia ba, kulkanka tara bri bara sinskira nani, sins lâka bri ba, diara tânka kaikaia lâka mapara sip ba, baha nani king watla ra takaskaia. Witin nani ra smalkan kabia Caldea uplika nani bîla aisaia bara ulbaia tânka ba sin.

Miqueas 7:11

Jerusalem tawanka kutbanka nani ba, kli paskan kaia yua ba aula sa; bara baha yua ra Jerusalem tawanka bîla ba kau tara kitbi brih wan kabia.

Sakaraya 1:16

Bahamna, yang Dawan sna ba, naku aisisna: Yang kupi pihni lâka wal Jerusalem ra kli tawi kaikuna; bara tempel bara tawan aiska ba sin kli paski daukamna.’ ”

Sakaraya 1:17

Baha purkara, insal sin ai win naha na latan aisamna: “Karnika sut bri ba Dawanka, naku wisa: ‘Yang tawanki nani kli yamni pali taki kabia; Saion ra kli maisa nihkaia sna, bara Jerusalem ba bâk saki brisna, tawan baku kli kulkaia.’ ”

Sakaraya 12:6

Baha piua ra Juda wihtka nani ba masku aswi baku daukamna pauta tilara, pauta klauhan kum baku plawar mâ dâki wilkanka nani tilara. Witin nani mita nisan nani ai aihkika ra bara ai smihka ra, ai lamara iwi nani ba sut âpu daukbia, sakuna Jerusalem uplika nani ba kli tawi bal ai tawanka ra iwi kabia.

Sakaraya 14:12

Sakuna Jerusalem mapara aiklaban ba nisanka nani mapara, Dawan mita klala karna pali yabia: uplika nani kau raya tauki bara wîna ba pat sukwi kabia; nakra nani ba sin sukwi kabia, twisa ba sin bîla kat sukwi lubia.

1 Timoti 4:12

Wahma sma ba ra wisi, upla nani mita yarka mai kulkras kabiara; sakuna tânkam ba ni lalukra nani ra lâ yabi bas, bîlam aisisma ba wal, taukisma ba wal, latwan lâka, kasak lukan lâka bara sunu lâka ni sin.