Sakaraya 2:10 - DAWAN BÎLA AISKA

¹⁰ Dawan kasak aisisa: “¡Liliakira aiwans, Jerusalem uplika nani, kan yang lika man nani tilamra iwaia aulna!”

Sakaraya 2:10 ပူးပေါင်းရင်းမြစ်များ

Lawana Nani 40:7

Baha mita yang aisari: Nâra sni, lâ wauhkataya ra yang dukira dîa ulban ba tânka kat.

Lawana Nani 68:18

Gâd, man purara uli watma upla nani priski brih muni, lal mana sakram upla nani wina; bara man mampara babura nani sut ba, Dawan, man ra bawan.

Impakan Sturka 29:45

Bara yang lika Israel luhpia nani tilara iwamna, bara yang lika witin ai Gâdka kamna.

Aiseya 12:6

Liliam bri wini aiwans, Saion ra iwisma ba; Israel Gâdka Holikira, man nani tilamra bâra ba tara pali sa bamna.”

Aiseya 35:10

Dawan mita atki sakan nani ba kli tawi balbia, liliakira witin nani Saion ra kli balbia; lilia baman witin nani iwi kabia. Bara witin nani lilia tara bribia, sari lâka bara mamna lulkanka nani ba âpu tiwbia.

Aiseya 37:22

Naha bîla nani sika Dawan aisan ba, Asiria kingka ba dukiara: “Saion luhpia mairin tiara baku Senaquerib lawaska kikisa. Man ninamra, Jerusalem luhpia mairin ba, ai lal wauhisa man mahka taki auma ba ra wisi.

Aiseya 42:10

Aiwananka raya kum Dawan ra aiwani banhs; tasba tâ wala wina aiwans witin ai mayunra ba; man nani kabu ra bâra taukisma ba sin, kabu un nani ra iwisma ba sin, daiwan nani ba sin.

Aiseya 48:20

Babilon wina man nani bal taks, Caldea uplika nani tila wina plaps, liliakira wal naha sturka nani wis upla sut ra, bara brih was tasba tâ wala pali kat. Wis: “Dawan ba pri sakan ai dukia dadaukra Jekob ra.”

Aiseya 51:11

Kasak pali Dawan mita atki sakan nani ba, baku kli tawi balbia; aiwani kli tawi balbia Saion ra bara ai lal nani purara kaiki, lilia lui waras ba liliaka bâra kabia; lilia aihwa ba bribia, bara sari lâka bara ai mamna lulkanka ba sin lap tiwbia.

Aiseya 52:11

¡Bal taks, bal taks man nani Babilon wina baha nani tila wina bal taks, diara tâski ba kangpara, man nani Babilon wina taks! ¡Sunu taks man nani bui Dawan ra sakripais dauki yaia watlika nani twilkisma ba!

Aiseya 54:1

Liliam bas, biarapara mairka nani, luhpa baikras sma ba; lawana aiwans bara lilia tara binka dauks, luhpa baikaia latwanka briras katma ba, kan Dawan naku aisisa: “Lulki swin mairka ba kau luhpa bri kabia, ai maya bri mairka nani ba wal.”

Aiseya 61:10

¡Yang Dawan ra nahki lilia sna! Gâdki ra kupi lilia ni banhwan sa, witin swaki sakan lâka bri ba yang ra aikan bamna, ¡pura luan lâka ni ai srukan! Yang na wahma kum ai maya briaia ai kraunka bapan ba baku sna, apia kaka tiara kum ai maya briaia gul ni skahkan ba baku sna.

Aiseya 66:14

Man nani baha kaikma, bara kupiam lilia takbia, bara man nani dusam ba kli raya karna takbia twi raya taki pâwi ba baku; bara Dawan mita ai dukia dadaukra ba param marikan kabia, bara ai waihla nani mapara, ai kupia baiwanka ba marikbia.

Jirimaya 30:19

Witin nani lilia lawana tâ bri aiwanbia lilia kikanka ba sin. Kau wiria takbia apia, witin nani kau ailal daukamna. Bahki kulki kabia apia, kan yang mita witin nani ba yamni kulkamna.

Jirimaya 31:12

“Witin nani balbia bara lilia mita aiwani kabia Saion ilka ra, ai lilia pulan kabia Gâd yamnika ba wal: bara plawar, wain bara batana laya, bîp nani bara sîp nani sut. Kaupin pain paskan ra baku kabia bara kli ai karnika tiwbia apia pali.

Jirimaya 33:11

lilia dauki lawana nani aiwani ba, ai maya pliki aiwani ba, bara aisi kaka walbia: ‘Man nani bui Dawan karnika sut bri ba ra tingki wis, Dawan ba yamni sa bamna, witin latwan wan kaiki ba ban sa.’ Witin nani ai prisantka nani ai tingkika lâka ra tempel ra bri balbia. Âu, yang baha kuntrika uplika nani kli bri balamna, bara witin nani kli blasi kata ba baku bâra kabia. Yang, Dawan, kasak aisisna.”

Isikiel 37:27

Witin nani tilara iwamna, bara yang ai Dawanka kamna bara witin nani upliki nani kabia.

Isikiel 48:35

Kutbanka yahpika aiska ba 10,080 yar bara tawanka nina ba mawan tani ra nina ba mâkan: ‘Dawan ba nâra sa.’ ”

Libait Lâka 26:12

aima bani man nani tilamra watauki ban kamna, yang lika man Gâdkam sna, man nani lika yang upliki nani kama.

Sofonías 3:17

Dawan, man nani Gâdkam, man nani tilamra sa. ¡Witin karnika sut pali brisa, bamna swaki mai sâkbia! Dawan ba man nani dukiamra ai âuyapah kabia. Ai latwanka lâka ni upla raya mai daukbia; bara witin ai liliakira aiwanbia

Sakaraya 1:16

Bahamna, yang Dawan sna ba, naku aisisna: Yang kupi pihni lâka wal Jerusalem ra kli tawi kaikuna; bara tempel bara tawan aiska ba sin kli paski daukamna.’ ”

Sakaraya 14:5

Bara man nani baha ilka nani langnika bîla taki plapma tnaya wala ba kat, langnika ba Asal kat auya bamna. Ozías king aimaki kan piua ra, tasba nikban bara damikam nani plapata ba baku plapma. Bara Dawan Gâdki ba witin ai uplika kasakkira nani ba wal aikuki balbia.

Sakaraya 2:11

Baku takbia ba ra, upla kiamka ailal Dawan wal asla takbia. Bara Dawan naku wibia: “Baha uplika kiamka nani sin, yang upliki nani kabia, bara yang lika man nani tilamra iwi kamna.” Baku man nani sin tânka brima, karnika sut bri Dawanka ba mita ai blikan ba.

Sakaraya 2:5

Ban sakuna, Dawan naku wisa: Yang, Jerusalem kir pauta klauhi kutbanka kum baku kamna, bara tawanka bilara praina tara ba latan marikamna.’ ”

Sakaraya 8:3

Yang kli Jerusalem ra waia sna bahara iwaia. Bara tawanki nina ba Tawan Kasakkira mâkan kabia, Dawan, karnika sut bri ba ilka nina ba Holikira mâkan kabia.

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.

Malaquía 3:1

Dawan karnika sut bri ba, naku aisisa: “Yang blikaisna bîli twatwilkra ba yabalki ba mahka daukaia. Man nani plikisma Dawankam ba, witin pat pali bal ai tempelka ra dimbia. ¡Man nani wal lâ daukaia bîla twatwilkra bîla kaikisma ba pat aula!”

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Jan 14:23

Jisas pana win: —Ani uplika latwan ai kaiki ba, dîa aisisna ba kat wali daukisa, bara Aisiki mita latwan kaikbia, bamna yang Aisiki wal bal baha uplika ra takaskamna.

Kli Smalkanka 28:64

Dawan mita nisan bani tilara yakabi mai lakbia, tasba tâ kum wina tâ wala ba kat; bahara upla wala nani gâdka, dus ni bara walpa ni paskan ba ra mayuni kama, man nani sin apia bara damikam nani sin kaikras kan ba gâdka ra.

Pilipai 4:4

Man nani piu bani ra, Dawan ra liliam bas. Yang kli wisni: ¡Liliam banhwi bas!

Param Marikanka 2:1

“Bamna Epesus sertska insalka ra naku ulbi wis: ‘Witinka ai mihta aihkika ra slilma 7 bri ba bara kiandil mina silbar ni paskan 7 tilara tauki ba mita naku wisa:

Param Marikanka 21:3

Bara yang bîla baikra tara kum walri king iwaika ba wina naku aisi kan: “Kaiks, nanara Gâd ba upla nani tilara ai watla brisa. Witin nani wal iwbia, bara witin nani ba ai uplika nani pali kabia, bara Gâd lika witin nani wal kabia, ai Gâdka kaia dukiara.