Sakaraya 14:4 - DAWAN BÎLA AISKA

⁴ Baha yua ra Jerusalem lamara lalma tani ra, Oliv Dusa nani bâra ba ilka ra Dawan bubia. Bara ilka ba baiki langnika tara kum lalma wina muna kat daukbia. Ilka tnaya kum yahbra tani ra lakbia, tnaya wala ba waupasa tani ra.

Sakaraya 14:4 ပူးပေါင်းရင်းမြစ်များ

2 Samuil 15:30

Debit lika Olivet ilka albangkika bâk ai mina baman ini uli wan, sari tukinka ai lal purara praki. Upla nani sut witin wal auya kan ba sin, ai lal pura praki ini uli wan.

Isikiel 11:23

baha sin tawan ba purara wina taki pâli laihura wan tawan lalma tani ra ilka ba purara kaia wan.

Isikiel 38:20

Kabu inskika nani ba, kasbrika ra piawira nani ba, daiwan wail nani kwasi ba maiwanra tatatbia, baku sin upla tasba ra nani ba sut. Il tara nani ba yakawbia, walpa nani ba kauhbia bara kutbanka nani sut ba tasba ra slingwi yakawbia.

Isikiel 43:2

bara kaikri Israel Gâd prana ba lalma wina aula kan. Bin karna pali wali kan, lî tara binka baku kan, bara tasba ba Dawan ingnika ni ingwan.

Abakuk 3:6

Witin takaski bûi ba ra tasba ba nikwisa; witin nisan nani ra tawi kaiki ba ra tasba aiska ba sibrin tara wal tatatwisa; il almuk tara nani ba kauhisa, il nani unta tara ra blasi pali wina bâra kata ba, baha nani sut sin âpu takisa; sakuna Dawan yabalka ba lika ban kaia ra ban kabia.

Sakaraya 14:10

Naha tasbaya aiska tasba langni takbia, Gueba wina Rimón, Jerusalem waupasa tani ba kat. Bara Jerusalem ba, purara bukan kabia baha tasbaya langnika ba Benjamín getka ba wina Walpa Kutbanka un rayka Dimaika ba kat (baha ba kan piua ra Get Almuk mâki kata ba); bara Hananel aihwakaika ba wina king batana laya taibi saki ba watla nani kat kulkisa, bahara upla nani iwi kabia.

Sakaraya 14:7

Baha yua ba aihka pali kabia, Dawan baman baha tânka kaikisa. Baha piua ra kakna wih tihmia wal aihka aihka apia, kumi ra kabia, kan ingni ba tihmia ra ban ingwi kabia.

Sakaraya 14:8

Baha ningkara Jerusalem wina lî kauhla taki kabia bara aubi kabia lî piua ra, mani piua ra sin, bakriki ba Kabu Pauni ra aubi kabia bara bakriki wala ba muna kabuka tara ra aubi kabia.

Sakaraya 4:7

Il tara, ¿man ba ya sma ki? ¡Zorobabel mawanra man ba tasba langni baku takma! Witin sika tempel walpaya wihtka ba, ai watlika ra mangkbia bara upla nani wini kabia: ¡Pranakira sa! ¡Pranakira sa!’ ”

Mark 11:23

Kasak man nani ra mai wisna: Ya ya naha ilka ra ‘Naha wina taki kabu ra dimi was’ wibia kaka, ai kupia ra namhpa namhpa lukras, bara diara aisin ba kat kasak lukbia kaka, baku takan kabia.