Sakaraya 14:13 - DAWAN BÎLA AISKA

¹³ Baha yua ra Dawan mita upla nani ba sibrin tara ni tayahkbia. Upla kumi bani ai uplika mihta ra alkbia, bara pana pana ai walka mapara ai mihta buki kabia.

Sakaraya 14:13 ပူးပေါင်းရင်းမြစ်များ

Isikiel 38:21

Yang yabrika balbia, Gog purara saurka sât sât sibrin ni banhbia dukiara. Siknis wal klala yabamna bara prura aihkakira karna pali sin. Yabrika witin, ai suldiar bara uplika ailal nani ai yula kahbi nani ba purara balbia, lî ailal auhi, lî klaswan nani, pauta bara sulpa lapta nani ba; bara upla nani sut ba pana pana ai mawanra kauhi kabia ai sordka nani wal. Yang, Dawan, kasak aisisna.

Sakaraya 11:6

Bamna baha natka ra, yang sin naha kuntrika ra iwi uplika nani mapara kupi swapni daukamna apia, sakuna uplika nani kumi bani ba, ai uplika nani mihta ra, ai kingka mihta ra mangkamni. Baha nani mita tasbaya na sauhkbia, bara yang lika upla kumi sin witin nani mihta wina swaki sakamna apia. Yang, Dawan, kasak aisisna.”

Sakaraya 12:4

ban sakuna, baha piua ra aras nani ba sut tayahkaisna, bara uli nani ba sut lal saura takbia. Sakuna Juda masraka nani ba lika, aihwaki kaiki kabia, nisan nani araska ba lika diara kaikras daukamna.

Sakaraya 14:14

Baha Juda uplika nani sin Jerusalem ra aiklabia, bara ai lamara iwi nisanka nani tasbaya wina dukia kukanka nani ba mihta dakbi bribia, silbar, gul bara kwala sin.

Wihta Nani 7:22

bara 300 waitna nani ba kli sîpka aringka nani ba ban puhbi kan. Dawan bui baku daukan, Madián uplika nani ai tila kat klauna aiklabi prui kaia, bara ai kiampka nani wina sin taki plapi kaia, Bet-sitá tawanka ra, Sererá yabalka ra, Abel-meholá tasbaya piarkika kat, Tabat tawanka ba lamara.