Sakaraya 12:10 - DAWAN BÎLA AISKA

¹⁰ “Kupia yamni ai pura suni kaia spiritka wal, Debit kiamka nani ba Jerusalem ra iwi uplika nani ba banhkamni. Bara baha nani witin ra saban ba kat kaikbia, bara witin pura mata sari pali ini banhbia, luhpia waitna kumi baman kan, apia kaka tawahkia kan sarka ini ba baku.

Sakaraya 12:10 ပူးပေါင်းရင်းမြစ်များ

Blasi Sturka 45:1

Josep ai muihni nani mawan ra kaiki kan ba ra, witin sip kau ai kupia alki takaski briras kan. Bara witin ai bîla baikra wini aisin ai albika nani ra: “¡Man nani sut latara taks!” Bara Josep ai muihni nani ra param takan bara ai albika nani kumi sin bâra âpu kan.

Blasi Sturka 45:2

Bara witin ai bîla tara karna inan. Latara Idsip uplika nani sut bâra kan ba walan witin inan ba. Bara baha sturka, king fero watla bîla kat sin walan.

Lawana Nani 51:12

Aikrika kli âiyapah takamni swaki ai sakram liliaka ra; spiritkam kunin âpu ba ni ai alki bas,

Sins Lâka 1:23

Yang smalkanki na wals, bara spiritki ni mai banhkamna; yang maikamna lukanki tânka briaia.

Sins Lâka 4:3

Kan yang na sin luhpa waitna kum katna, yaptiki bui aihka painkira latwan ai kaiki kata,

Aiseya 32:15

Sakuna yawan wan purara Dawan papaskra karnika ba kli balbia, bara upla iwras tasbaya ba kli tasba disang takbia, bara tasba disang ba unta tara tasba mâirira pali kabia.

Aiseya 45:22

Man nani, yang ra bal bara swaki mai sakamna, tawan tasba wala wina. Kan yang na Gâd sna, bara wala âpu sa.

Jirimaya 31:19

Yang lika man wina tnaya ra tawri, nanara yang uba lukisna; saura daukri ba daira walisna bara laima prukisna; swiri tara ai daukisa bara bawan lâka ra sâp ai daukan sa wahma kapri ba saura nani daukri ba mita.’

Jirimaya 31:9

Ai pura suni bara ini pali balbia. Yang lî aubra wal brih wari kabia yabal kum klin, mina prukaika âpu bâk. Bamna yang sika Israel aisika, bara Efraín ba luhpi almuk sa.

Jirimaya 50:4

Dawan aisisa: “Baha yua ra, Israel bara Juda uplika nani ba yang ra balbia ai Dawanka ai Gâdka ai pliki ini kabia.

Jirimaya 6:26

¡Yang upliki nani, krukus prâka dimi sari tukinka ba; yamhpus ra aikarwi bas, kwala siksa dimi sari pali bri ini bas, luhpiam waitna kumi baman bri kapram pruan baku; kan wan sauhki tikaia uplika ba pat pali yawan ra balbia bamna!

Isikiel 20:43

Bahara kupiam krawbia, nahki man nani diara saura nani daukram ba; bara klauna âmya warbia, saurka nani daukram ba dukiara.

Isikiel 37:14

Yang bui man nani ra wingka puhbra ba mangkamna, bara man nani kli rawi buma; bara kli man nani tasbayam ra mai swimna. Baku lika man nani kaikma, yang, Dawan aisari ba bara daukri ba. Yang, Dawan, kasak aisisna.’ ”

Isikiel 39:29

Bara yang kli witin nani ra kaikras maiwan lakamna apia, kan karniki ba Israel uplika purara mangkri bamna. Yang, Dawan, kasak aisisna.”

Emus 8:10

Lilia daukaia yua nani ba, pruan nani pura mata inaia yua daukamna; bara lilia dauki aiwanaia lawana nani ba sut, bikaia pura mata inanka nani ra tawbia; man nani sut kwala siksa dimma, upla nani tâwa ba sin irbi lipni daukbia; upla ai luhpia kumi baman bri kan pruan mata ini ba baku ini yahwi kama, bara yuam tnata ba tahpla pali lui wabia.”

Kulki Kaikanka 21:9

Bamna Moses bras piutka ba paski, dus kum ra paman, bara piuta saura ba mita saman uplika ba, bras piutka ra tawi kaikuya ba ra, rawi kan.

Matiu 24:30

Bâra mika Upla Luhpia Waitna sainka ba kasbrika purara latan kaikbia, bara naha tasba uplika nani sut inbia, bara Upla Luhpia Waitna kasbrika purara karnika tara bara prana wal aula ba kaikbia.

Matiu 26:75

Bâra mika Jisas win ba ai kupia tanh krawan: ‘Kau kalila aiwanras kaka, aima yumhpa yang ra ai kaikras wima.’ Bara Pita baha wina taki, sari pali inan.

Jan 1:29

Yaprika wala, Jan kaikan Jisas witin ra aula kan, bamna upla nani ra naku win: “Kaiks man nani, naha waitnika aula na sika Gâd Sîpka Luhpia, naha tasba saurka bri saki ba.

Apastil Nani Sturka 10:45

Ju lalukra nani Pita wal balan kan ba tâ iwan, Spirit Holikira ba Ju apia uplika nani ra sin yabuya ba dukiara.

Apastil Nani Sturka 11:15

Yang mahka aisari ba ra, Spirit Holikira witin nani sut purara bal iwan, sim tâ pali piua ra yang nani purira bal iwata ba baku.

Apastil Nani Sturka 2:17

‘Gâd bila: Tnata yua nani ra naku daukamna: Yang Spiritki ba upla bani purara laikamni, bamna luhpiam waitna nani bara luhpiam mairin nani ba sin, yang witniski aisabia; wahma nani sin diara aihka kaikbia, almuk nani lika yaprisauhkan kaikbia.

Apastil Nani Sturka 2:33

Baku bamna, Gâd mita ai mihta aihkika ba ni witin ba purara pali bukan, bara Spirit Holikira witin ra yan, Aisa mita pramis munan kan ba. Bahamna, diara nani sut man nani walisma na bara kaikisma na sin, witin wina atia sa.

Apastil Nani Sturka 2:37

Upla nani naha walan ba ra, sari pali takan, bara witin nani Pita ra bara apastil wala nani ra sin makabi walan: —Muihki nani, ¿yang nani dîa daukaia sna ki?

Roman 8:15

Bamna Spirit man nani briram ba lika alba kaia spiritka apia sa kli sibri kaia; sakuna Spirit kumi Gâd luhpia wan dauki ba sika briram ba. Bara naha sim Spiritka na mita sika yawan wini ba: “¡Yang Aisiki!”

Roman 8:26

Baha sim natka ra, Spirit mita wan swapnika nani ra hilp wan munisa. Kan nahki wan pura sunaia sa tânka ba yawan kaikras sa, sakuna baha sim Spiritka ba mita Gâd ra wan tâwan makabisa ai mamna lulki ba kira, yawan mita aisaia sip apia ba.

Epesus 6:18

Man nani puram sunisma ba swipara, piu bani Gâd ra bik taki makabi bas, Spirit man nani tâm briaia. Ridi bas, lukankam swapras kira bara Gâd uplika nani sut dukiara sin man nani puram suni kama.

Hibru Nani 12:2

Wan nakra nani na Jisas kat kaiki kap, witinka wina wan kasak lukan lâka ba, tâ wina tnata kat yawan ban bri ba. Jisas ba dus prihni ra pât wahwan, bara bahmuna pruanka saura ba wal pruya ba dukiara ai swira lukras, kan witin kaiki kan pât wahwaia ba ningkara, ai âuyapah kaia kan bara lilia sin; bara nanara, Gâd king iwaika lama pali kat wih iwisa.

Judas 1:20

Sakuna muihki laitwankira nani, man nani lika kasak lukankam lâka holi ba kat ban bûi bas. Spirit Holikira karnika ra puram suni bas.

Param Marikanka 1:7

¡Kraist ba kasbrika nani tilara balbia! Upla sut mita witin ba kaikbia, ai wîna tara dus prihni ra saban uplika nani sin. Tasba aiska uplika nani witin kaiki sari bri inbia. Âu, baku kabia.

1 Samuil 7:2

Mani 20 Dawan lâ auhbaia watla ba Quiriat-jearim ra takaski bri kan, bara baha piua sut ra Israel luhpia nani Dawan ra ai hilpka makabi pliki kan.