Sakaraya 10:5 - DAWAN BÎLA AISKA

⁵ Suldiar baku kabia, kan war aiklabi taim slaubla ai mina ra taibi ba baku witin nani ai waihla nani ra taibia; aiklabi banhwi kabia, kan Dawan ba witin nani wal sa bamna. Bara aras ra uli aiklabi nani ba swira daukbia.

Sakaraya 10:5 ပူးပေါင်းရင်းမြစ်များ

2 Samuil 22:43

¡Tasba yamhpuska âpu dauki ba baku, âpu daukri! ¡Mini ra taibri, yabal ra slaubla ra wan mina taibi baku!

2 Samuil 22:8

“Tasba nikban tara kum takan kan; kasbrika purara ba playka tara nani ba nikban; Dawan kupia baiwanka ba mita nikban kata.

2 King Nani 9:33

Bara Jehú adar yan: —¡Mairka ba tasba ra bataks! Bara witin nani bui witin ba tasba ra batakan, bara tâlia ba srikwi utla kutbanka ra alkan, aras nani ba sin, bara baha nani ba ni Jezabel purak taibi luan.

Lawana Nani 18:42

¡Yang bui witin nani ba, pruki akbi tasba yuya pâsa ra pâli ba baku daukri! ¡Yabal nani ra drapapa wan mina ra taibi ba baku taibri!

Lawana Nani 20:7

Tila lika war truk nani bri ba ra lukisa, tila lika aras nani ba ai karnika kulkisa; sakuna yang nani lika, Dawan Gâdki ba tâiura mangki brisni.

Lawana Nani 33:16

King kumi sin âpu sa, upla aiklaklabra nani ailal ba karnika mita swaki sakaia, kupia karnakira ba sin ai karnika bri mita ai wîna swaki sakras sa.

Lawana Nani 44:5

man karnikam ni, waihli nani pura lui taibri; ¡man ninam brih mapara aiklabi nani kan ba, mini ra taibri!

Lawana Nani 45:3

¡Kupiam karna brih, sordkam maisam ra wilks! Kan witin sika man pramna sakahkan ba.

Aiseya 10:6

Tawan kum Dawan ra lukras ba mapara aiklabaia witin ba blikisna, nisan kum ra kupi baiki ba, dukia nani ba impliki sut mihta dakbaia dukiara, witin nani ba alki taibaia slaubla yabal ra wan mina ra taibi ba baku.

Aiseya 25:10

Dawan mita Saion ilka ba kaina kahbi kabia, sakuna Moab lika ai mina ra taiban kabia, dipasta lulkan wan mina ra taiban ba baku.

Aiseya 31:1

Saura pali kabia Idsip hilpka briaia pliki auya nani ba, bara aras nani ra ai lukanka mangki bri nani ba, bîla kaikanka nani bri nani ba sin, wagin ailal pali bri ba mita, aras âiulra ailal sin, baha mita ban witin nani ba kupia karna sa; Israel Gâd Holikira bâra ba lika kaikras, witin nani Dawan ra sin plikras.

Aiseya 41:12

Waihlam nani ra plikma, bara witin nani ba sâkma apia; mampara war aiklabi nani ba witin nani âpu pat pruan baku kabia.

Aiseya 41:25

“Yang daukri waitna kum lalma ra takaia; witin nina kat mâki winri, bara yahbra tanik aula. Tawan wihtka nani ba slaubla ra baku ai mina ra taibisa; sumi papaskra baku ai mina ni slaubla ba akbisa.

Aiseya 8:9

Nisan nani, aidrubi asla taks, man nani tamyahkan sa; wals, man nani tasba wala wina nani sma ba sut: âu, man nani kau ridi taki balma sakuna, sirang mai ikan kabia.

Isikiel 38:15

tasbayam wina, kau laihura yahbra tani wina, suldiar ailal karnakira ba aikuki, bara kwâra tara aras ra tauki nani ba

Emus 2:15

Pantamangka alki uplika nani ba sin sip bapi bubia apia; isti plapbia sin, ai rayaka sip swaki sâkbia apia, aras ra uli plapbia sin swak takras ban prubia.

Miqueas 5:8

Jekob kiamka kau swin nani ba lika, nisan nani ailal tilara layan tara kum unta daiwra wail nani tilara tauki ba baku kabia; âu, layan kum sîp daknika nani tilara dimi tauki ba baku sin. Bara baha nani ra rausauhki ba, baha nani kumi sin swak takras sut kat ikisa.

Miqueas 7:10

Yang waihli baha ba kaikbia bara ai swira lukbia; witin bui yang ra ai wi kata ba: “¿Dawan Gâdkam ba anira sa?” Sakuna yang naikra ni witin nani ba kaikamna, nahki yabal ra, slaubla wan mina ni taibi ba baku taiban kabia ba ra.

Hageo 2:22

tasba kingka lâka karnika nani iwaika ba sauhki mâyara batakamni; witin nani war waginka nani ra uli ba makupamna, araska nani bara âiulrika nani ba sut sin prubia, kumi bani ai muihni sordka ra.

Sakaraya 12:4

ban sakuna, baha piua ra aras nani ba sut tayahkaisna, bara uli nani ba sut lal saura takbia. Sakuna Juda masraka nani ba lika, aihwaki kaiki kabia, nisan nani araska ba lika diara kaikras daukamna.

Sakaraya 12:8

Yang, Dawan, Jerusalem ra iwi uplika nani ba kan kahbamna. Upla kau swapni pali nani ba, Debit wal kau karna kabia, Debit kiamka nani ba Dawanka kabia, Dawan insalka baku, witin nani tâura aimaki ba.

Sakaraya 14:13

Baha yua ra Dawan mita upla nani ba sibrin tara ni tayahkbia. Upla kumi bani ai uplika mihta ra alkbia, bara pana pana ai walka mapara ai mihta buki kabia.

Sakaraya 14:3

Baha ningkara, Dawan nisan nani ba mapara aiklabaia wabia, witin aiklabaia yua aiklabi ba baku.

Sakaraya 9:13

Kan war aiklabaiki pantamangka nani baku ba kulki brisma, baha ba Juda sa, bara Efraín ba trisbaiki mangkri sa. Saion, man wina sord kum paskaisna, bara uplikam nani ba lika, Grik tasbaya uplika nani mapara aiklabaia blikamni.”

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Matiu 4:3

Bara dibil balan Jisas traika kaikaia, bamna naku win: —Man ba Gâd Luhpia kaka, naha walpaya nani ra adar yas brit takbia.

Luk 24:19

Pana witin bila: —¿Dîa takan ki? Witin nani bila: —Jisas Nasaret wina ba dukiara sika, witin lika prapit karnakira kata, diara daukaia mapa ra bara aisaia mapa ra sin, Gâd mawanra bara upla nani mawanra sin.

Apastil Nani Sturka 18:24

Baha piua ra Epesus ra Ju waitna kum balan, ai nina Apolos. Witin ba Alejandría tawanka wina bara smasmalkra sin painkira kan, Ulbanka nani tânka sin kasak kaiki kan.

Apastil Nani Sturka 7:22

Baha mita Moses ra Idsip sinska lâka nani sut ba smalkan kata, bamna witin lika sinskira bara diara daukaia sin karnika bri kan.

2 Korint 10:4

Kan yawan ra aiklabaia dukia ba lika naha tasba wina apia sa, sakuna Gâd wina karnika brisa, bara ba mita kan kahbaika pliska nani ba sip sa âpu daukaia, baku dahra kwakwahkra nani ra sin.

Kli Smalkanka 20:1

“Waihlam mapara man nani war aiklabaia taki wama ba ra, kaikrika witin nani ba aras nani, war aiklabaia waginka nani aikuki bara war aiklabaia daknika ailal brih aula kaka, si bripara, kan man nani lika Dawan Gâdkam wal sma, Idsip wina mai sakan ba.

2 Timoti 4:17

Sakuna Dawan hilp ai munan bara karnika sin aikan, bamna yang sip katna swaki sakan sturka yamni aiska ba aisi smalkaia, Ju apia nani ba sut walbia. Baku sika Dawan mita layan bîla ba wina swaki ai sakan,

2 Timoti 4:7

Aiklabanka pain ba yang aiklabri, yabal ba aiska tnata kat plapri, kasak lukan lâka ba ban alki bri kapri.

Jasua 10:14

Kainara bara ningkara sin baha yua baku âpu kata, Dawan upla kumi bîla baikra walan ba, kan Dawan ba Israel tâwan aiklabi kata.

Param Marikanka 19:17

Bara insal kum, wan yu lapta purara bûi kan kaikri. Witin ai bîla baikra tara ni wini, daiwan tnawira nani sut kasbrika ra pâli nani ba ra naku wisata: “Man nani nâra bal asla taks, Gâd pata tara ba piaia dukiara.

1 Samuil 16:18

Bara albika nani tila ba wina kum bui naku win: —Betlehem ra, Jesé luhpia waitna nani ba tilara kum bâra sa, yang kaikisna baha lika arp kakangbra pali sa. Baha purkara, war aiklaklabra kum kupia karna sa, sturi sin sinskira aisisa, mawan pain, witin sin Dawan hilpka brisa.