Sakaraya 10:3 - DAWAN BÎLA AISKA

³ Baha mita Dawan naku aisisa: “Lawanki na buki klauhan sa sepad nani mapara, bara uplika nani tâ bri nani ba klala yabamna.” Dawan, karnika sut bri ba, ai daknika Juda kiama nani ba, aihwaki kaikisa, witin nani ba aiklabaia araska karnakira baku daukbia.

Sakaraya 10:3 ပူးပေါင်းရင်းမြစ်များ

Job 39:25

Trumpit puhbanka ba ni winanka ba pana aisisa; kau laih wina pat war aiklabi kîa ba kiawalisa bara tâ uplika nani bîla baikra winanka ba sin walisa.

Impakan Sturka 4:31

Bara upla nani ba sut kasak lukan, baku bamna witin nani sin ai dara walata Dawan ba witin nani ai inanka ba walan, bara sut ai pura suni mayunan.

Sins Lâka 21:31

Upla ba aras nani ridi daukisa war aiklabaia dukiara, sakuna pura lui buaia ba, Dawan mita yabisa.

Yamni Kulki Lawana 1:9

Laitwankira mairin, man ba yang maipa ra, king fero warka truk nani tilara, aras mairin kau painkira ba baku sma.

Aiseya 10:12

Sakuna Dawan ba, dîa witin Saion ilka bara Jerusalem wal ra daukaia ba daukbia ningkara, Asiria kingka ra klala yabia, naha warkka saura dauki ba tâka, witin ai kupia prautka lâka, ai nakra prautka lâka ni ai walka nani ra kaiki ai prana bri ba.

Aiseya 24:21

Baha yua ra ban takbia, aiklaklabra daknika kasbrika purara bâra ba, tasba kingka nani tasba ba sut Dawan mita klala yabia.

Jirimaya 10:21

—Naha tawanka ra sepad nani ba sinskas atia sa; witin nani Dawan ra plikras. Baha tâka mita sika witin nani kauhan ba bara daknika ba yakawi tanis man tauki banhwisa.

Jirimaya 11:22

karnika sut bri Dawanka ba witin nani ra wisa: “Yang bui man nani wal diara kulki kaikaisna: wahma nani ba aiklabi bara prubia, luhpia waitna luhpia mairin mani sin plun bla prubia.

Jirimaya 25:12

Bara 70 mani ba alkbia ningkara, Babilon kingka ra makabamna nisanka ra sin, witin nani saura daukan ba wapnika daukaia, bara Caldea uplika nani kuntrika ba, sauhki tikamna ban kaia ra. Yang, Dawan, kasak aisisna.

Jirimaya 25:34

¡Sepad nani, man nani karna wins! ¡Latwan mita inan nani karna wins! ¡Man nani sîp daknika tâ brisma ba, tasba ra aikarwi banhs! Iki tikaia piua ba nanara bal aimakan bara man nani mai ikan kabia sîp wainhka batanira nani baku.

Jirimaya 50:6

Yang upliki nani ba sîp nani tiwan baku kan, sepadka nani mita saura tapahkan, swin il nani ra wih aimawahkaia. Il kum wina il wala ra wan, ai klarka nani kata ba sin ban âuya tiwan.

Isikiel 34:11

“Yang Dawan sna ba, naku wisni: Yang pali mihti ra brimna sîpki nani daknika ba main kaikaia.

Isikiel 34:12

Sepad kum ai sîpka nani dukiara uya luki ba baku yakabrira piua ra, baku yang sîpki nani dukiara lukamni; swaki sakamni baha pliska tihmu bara lâ tara yua kum ra yakabrira takan ba wina.

Isikiel 34:2

“Man, upla luhpia, yang nini bri Israel sîpka main kakaira nani ba mapara aisas, bara wis: ‘Dawan naku aisisa: ¡Alai kabia, Israel sepadka nani ra, ai wîna kat baman main kaiki nani ba! Sepad nani ba sîp nani ba sika main kaikaia sa.

Daniel 11:32

King ba yabal plikbia wal aisi lâ daukan lâka krakrikra nani ba maisa kapi kupia alkbia, sakuna Gâd ra kaiki uplika nani ba ban bapi bûi kabia, bara baha lâka ba mapara sin bubia.

Sofonías 1:8

Dawan aisisa: “Baha sakripais daukaia yua ra, wihta nani ba, king luhpia waitna nani bara upla wala nani sut iwanka natka wala dauki nani ba, yang klala yabamni.

Sofonías 2:7

Juda uplika nani baha yua pâtka ra pruras swak takan kabia nani ba, Dawan ai Gâdka, witin nani tâwan aimaki balbia bara ai kuntrika ba bribia, bara piua yamni ra witin nani dimbia. Bara bahara ai daiwra daknika nani ba kaiki tihmia ra Ascalón watla nani ra dimi yapi kabia.

Sakaraya 11:17

¡Baha sepadka diara yamni sip daukras sîp daknika lulki swi ba, sari pali kabia! ¡Yarka sord ba ai klahkla bara ai nakra aihkika purara kauhbia! ¡Bara klahkla ba yarka lâwbia, nakra ba sin kaikras daukamna!”

Luk 1:68

“¡Dawan ba yamni pali kabia, witinka Israel Gâdka ba, ai uplika nani ra swaki sakaia dukiara balan bamna!

1 Pita 2:12

Gâd ra kakaira apia nani tilara pain watauki bas. Baku, witin nani bui mampara man nani ba lâ sasauhkra nani baku damhra sâkbia ba ra, daukankam pain nani ba kaiki, Gâd ra mayuni kabia, witin bal tânkam dukiara mamkabi walbia yua ra.

Rut 1:6

Bamna yu kumi Noemí ai piarkika nani aikuki mahka Moab tasbaya wina taki waia buan, kan sturi walan Dawan bui ai uplika nani ra kli yamni kaikan, bara nanara baha tasbaya ra yan plun takisa.