Sakaraya 10:2 - DAWAN BÎLA AISKA

² Upla ai mihta ni paskan gâdka nani aisi ba kunin sa, smaya kakaira nani kaiki ba sin kunin. Diara takbia wisi aisi yaprisauhkan ba, dukia takras baman sa, maisam nihkaia bîla nani aisi ba, maisa nihkanka âpu sa. Baha mita tawan ba sîp baku wataukisa, bara pât wahwisa, sepad kum âpu ba tâka mita.

Sakaraya 10:2 ပူးပေါင်းရင်းမြစ်များ

Blasi Sturka 31:19

Sakuna Labán sîp taya irbaia wisi ai sîpka daknika wala nani tilara taki wan kan, bara Raquel ai watla ra dimi, aidul nani bri kan ba impliki brih wan.

1 King Nani 22:17

Bara Micaías bila: “Yang bui Israel luhpia nani sut ra kaikri, yakaban kan il nani ra; sîp nani ai sîpkas baku. Bara Dawan bila: ‘Naha nani ai dawanka âpu; kumi bani kli wamtla nani ra was, kupiam kumi.’ ”

Job 13:4

Diara kasak ba, man nani kuninkam lâka ni pura prakisma; man nani ba upla rarakra nani, sakuna upla kumi sin kau rakras.

Job 21:34

¡Baha lika tanis lâka sa, man nani mita maisi nihkaia ba! ¡Dîa aisi ba sut lika kunin baman sa!

Aiseya 41:29

¡Witin nani kumi sin diara apia sa! Diara kumi sin daukras; aidul lilka bahki nani baman.

Aiseya 44:25

Yang swiras, prapit kuninkira nani diara aisan ba kat aimakbia; yang daukisna smaya kakaira nani ba, ai raitka ba tikbia. Yang sinskira nani ba yâri kli ai walka mapara aisisa bara sinska lâka ba, diara tânkas ra lakisna.

Aiseya 44:9

Aidul lilka papaskra nani kumi sin diara apia sa, witin nani aidul ra kulkanka tara yabi ba bahki baman. Ya bahara ai pura suni ba blain banhwisa bara sin sinskas, ba mita swira lâka ra takaskbia.

Aiseya 46:5

“¿Man nani bui yang na ya wal praki ai kaikaia sma? ¿Bara yang na ya wal tailia pali kamna ki?

Jirimaya 10:8

Witin nani sut ba sinskas baman sa, sins bri uplika nani apia sa. ¡Dus pîs kum ba wina witin nani ra smalkaia diara âpu sa!

Jirimaya 14:13

Sakuna pana yang Dawan ra wîri: “Dawan, prapit nani ba aisisa, upla nani ra wisa war âpu, sanglang sin âpu kabia, man mita naha tasbaya na kupia kumi lamni baman kaia daukma.”

Jirimaya 14:22

¿Idan nani aidulka nani ba tila wina bâra sa ki yaka lî auhaia? ¿Kasbrika yakan ban bâra ba wina bara krawi lî auhaia sip sa ki? ¡Apia, Dawan wan Gâdka! Man mita sika baha nani ba blikisma ba, man sika baha warkka sut daukisma; ¡baha mita yang nani lika man bîlam kaikisna!

Jirimaya 23:17

Yang bîli kulkaia apia aisi nani ba wisa: ‘Diara sut yamni man takbia.’ Lal karna ai kupia lukanka kat luki tniwi nani ba aisisa: ‘Man nani puramra diara saura kumi sin balbia apia.’ ”

Jirimaya 23:32

Yang param aisisna baha prapitka nani kunin yaprisauhkanka nani aisi ba mapara; sturi bahki man kunin aisi, upliki nani ba mawahkisa. Yang baha nani ba blikras, aisaia adarka sin yaras, baha mita witin nani karnika âpu sa upla nani hilpka daukaia. Yang, Dawan, kasak aisisna.

Jirimaya 27:10

Baha witin nani aisi ba kunin, baha wina diara kumi baman man nani saki brima ba lika, tasbayam wina tasba wala ra mai blîkbia, yang bui man nani mai yakabamna bara prui banhma.

Jirimaya 27:14

Baha prapitka nani ra walpara Babilon kingka ra bawaia apia mai smalki ba, baha man nani ra mai wi ba kunin.

Jirimaya 27:9

“Bahamna, man nani baha prapitka aisi ba ra walpara, diara kaikisa wi ba bara yapi kaiki aisi ba, sukia nani ra sin walpara naika diara takaisa wisi aisi ba, bara upla nani ra smalki ba Babilon kingka munhtara bawaia apia.

Jirimaya 28:15

Bara Jirimaya bui Hananías ra win: —¡Hananías, wals! Dawan bui man ra mai blikras kan, man bui naha uplika nani ra kunin ra kasak lukaia baman smalkisma.

Jirimaya 29:8

Yang, Dawan, karnika sut brisna, Israel Gâdka, man nani ra naha maisam pakisna: Dahra aisi nani ba mita bara diara kaiki uplika nani tilamra iwi ba mita swirka kunin mai munbiara; witin nani yaprisauhkan kaiki aisi ba walpara.

Jirimaya 37:19

¿Anira sa baha dahra aisasarika nani, witin nani bîla kasak aisisa Babilon kingka bal aiklabia apia, upla nani mapara naha kuntrika mapara sin apia wisi aisi kata ba?

Jirimaya 50:17

“Israel ba sîp tiwan kum baku sa, layan nani mita nina blikisa. Asiria kingka pas bal alki pin; baha wina, Nabucodonosor Babilon kingka ba mita alki pin bara dusa nani ba arban.

Jirimaya 51:23

Man ni sepad nani, sîp nani ba, insla dadaukra nani, bîp wainhka nani ba, king nani, wihta tara nani ba krikamna.

Jirimaya 6:14

Upliki nani insauhkanka nani ba taya purara ba baman kaikisa; aisisa diara sut ba pain baman sa, kuna kasakka ba sut saura man sa.

Jirimaya 8:11

Upliki nani insauhkanka nani ba taya purara ba baman kaikisa; witin nani aisisa baha nani sut ba pain baman sa, kuna kasak baha sut ba saura man sa.

Inanka Nani 2:14

Dahra aisasarikam nani diara kaikan, dahra kunin man ra aisi mai win ba, kau diara wala apia kata, kunin baman saki mai win sa. Witin nani saurkam ba param ra saki mai wiras kan, man lukkam ba lakaia dukiara; ban sakuna, diara kunin baman kaikan dahra aisi, bara baha ra kasak lukaia mai daukan.

Isikiel 21:21

Babilon kingka ba, yabalka wâlsut tâ pali ra buan sa, bara dîa kaia ba laki kaikisa: Trisba nani ba nikbisa, ai gâdka nani ra walisa, daiwan âuya nani ba laki kaikisa.

Isikiel 21:29

Yapi kaikanka ba sut ba kunin sa, bara diara takaia dahra aisanka ba kunin sa. Sord ba baha saurakira, upla âikra ba purara kauhbia. Pat ai klalka briaia piua ba baila pali sa.

Isikiel 34:5

Sîpki nani ba sepadkas takaskan bara yakabrira takan, bara daiwan wail nani bal pin.

Isikiel 34:8

Yang, Dawan ba, rayaki wal swer takisni: Daiwan wail sât sât nani ba implikan bara sîpki nani ra pin, kan sepad âpu bamna. Sepadki nani ba sîp nani ba plikaia waras. Sepad nani ba klauna ai mainka kaikisa, kuna sîpki nani lika apia.

Oseas 3:4

Kan Israel luhpia nani ba, piua wihka pali king âpu, wihta sin briras kabia, sakripais daukaia âpu, angkaika pliska nani sin âpu kabia; prîs prâka nani âpu kabia, baha gâdka talika nani sin âpu kabia.

Miqueas 2:12

Âu, yang, Jekob uplika nani sut asla daukamna; Israel luhpia nani kau bâra swin ba, yang asla wahbamni. Sîp daknika baku klar kum ra asla daukamna, sîp ailal twi tasbaya ra bâra ba baku, bara upla ailal bin dauki ba baku daukbia.

Abakuk 2:18

¿Lilka nani upla ai mihta ni alki paski ba dîa mapara hilp sa ki? ¿Lilka bahki kum kunin ra baman wan brih wi ba dîa hilp takaia sip sa? Lilka nani ba sip sturi aisaras sa, ¿bara lilka papaskra ba, nahki baha lilka ra luki tniwi kabia ki?

Sakaraya 11:17

¡Baha sepadka diara yamni sip daukras sîp daknika lulki swi ba, sari pali kabia! ¡Yarka sord ba ai klahkla bara ai nakra aihkika purara kauhbia! ¡Bara klahkla ba yarka lâwbia, nakra ba sin kaikras daukamna!”

Kulki Kaikanka 27:17

bara tâ brih wabia ani ani sut ra, baku mika sîp sepadkas baku kabia apia.

Matiu 9:36

Upla nani ra kaiki, umpira pali kaikan, kan witin nani sarikira bara hilpkas banhwi kan, sîp nani sepadkas baku.

Mark 6:34

Jisas duri tara wina takan piua ra, upla kwâra tara kaikan, bara sari pali lukan witin nani sîp ai sepad âpu baku kan bamna; bara mahka diara ailal smalkan.

Kli Smalkanka 13:2

sain nani dauki maisa pakan ba baku takbia wisi mai wibia kaka: ‘¡Kaisa man nani bui gâd nani kakaira apia sma ba ninara waia; kaisa mayunra dauki yabaia!’,

Wihta Nani 18:14

Bara waitna matsip Lais tasbaya aiska wapi kaikan nani ba mita ai uplika wala nani ra win: —¿Nu sma man nani dîa? Naha watla ra prîs ‘‘efod’’ prâka kum nâra sa bara gâd nani sin bâra sa, dus wina karbi dauki silbar ni taya pura ba lalauban sa. ¿Man nani baha dukiara dîa lukisma?