Sakaraya 1:8 - DAWAN BÎLA AISKA

⁸ Tihmia kum naha lilka aihka kaikri: Waitna kum aras pauni ra uli kan; witin il bîla langnika kumi ra takaskan kan, tangni nani pâwi kan ba tilara, bara baha ninara aras wala nani sin bûi kan, tila taya pauni, taya sai, pihni sin kan.

Sakaraya 1:8 ပူးပေါင်းရင်းမြစ်များ

Blasi Sturka 20:3

Sakuna baha tihmika ra Abimélec yaprisauhkan ra kaikan witin ra Gâd balan, bara witin ra win: “Man upla maya brisma, bamna man pruaia sma.”

Blasi Sturka 46:2

Baha tihmika yaprisauhkan ra diara aihka kaikan, Gâd lika Israel wal aisin, nina mâki winan, Jekob. Witin pana win: —Yang nâra sna.

1 King Nani 3:5

Bara Gabaón ra tihmia kumi yaprisauhkan ra Dawan Salaman ra latan takan, bara win: “Dîa want sma ba makas, bara yang maikamna.”

Nihimaya 8:15

Bamna Jerusalem aiska ra tawan wala nani ra, tawan sirpi nani sut ra maisa pakan bara upla nani ra win, sut pali il untika nani ra wabia, batana dusa wahia nani, dus tangnika pihni sâtka nani, kûku wahia sâtka nani, baku sin dus sâtka nani sut ai wahia pranakira nani bri ba bri balbia dukiara adar yaban, utla papakni mâkaia, lâ ra ulban ba baku daukaia.

Job 4:13

Tihmia ra upla nani purara yapan ba aula, bara yapra wirhika kum bal ai taibi wingki prakaia ai munan.

Yamni Kulki Lawana 2:16

Laitwankira waitna ba, yang duki sa bara yang sin witin ai dukia sna. Tangni painkira paura nani tilara, witin ai sîpka daknika ba dakakisa.

Yamni Kulki Lawana 6:2

Laitwankira waitna ba ai giadinka ra taki wan, ai giadinka kîa painkira bri ba ra, ai sîpka nani twi dakakaia, bara tangnika nani sin dakbaia.

Aiseya 41:19

Upla iwras tasbaya ra yalam nani mangkamna, tangni dusa nani bara oliv nani sin pâwbia; tasba lâwan ra yabrika awas sâtka dusa nani mangkamni, dus nani bara awas nani sin aikuki asla pâwbia,

Aiseya 55:13

Kiaya nani tasbaya ra awas nani pâwbia, tangni kiaikira watlika ra tangni kîa painkira pâwbia; bara nina kum kabia Dawan ra, ban kaia sainka kum dukiara, ban kaia ra klaki sakan kabia apia.”

Aiseya 57:15

Kan witin Laih Purara iwi ba, ban kaia ra raya ba, witin ai nina ba holi, witin aisisa: “Yang lika waitla laih purara holikira ba ra iwisna, upla kupia kriwan ai spiritka umpira luki ba baha wal, bawikira nani spiritka ba, ban raya kaia daukisna, kupia kriwan nani spiritka ba, lukanka raya daukisna.

Daniel 2:19

Baha tihmika diara aihka kaikan ra bal sinska lâka tara tânka ba Daniel ra param marikan; baha tânka brin ba ra, Daniel bui kasbrika purara ba Gâdka ra yamni pali win,

Daniel 7:13

“Tihmia ra yang naha diara aihka na ban kaiki kapri, bara tisku kan: “Kaikri, kasbrika nani tilara upla kum aula kan, upla luhpia waitna talia kan. Witin lika Almuk bâra kan ba kat wan, bara yan witin ai lamara wan.

Daniel 7:2

“Yang yapriki ra kaiki kapri pâsa mapa walhwal ba wina krawi kan, bara kabu laya tara ba klahbi kan.

Sakaraya 1:10

Bamna tangni nani tilara kan ba mita naku aisin: “Naha nani sika, Dawan bui blikan tasba aiska ra watauki kaiki kaia dukiara.”

Sakaraya 1:11

Bara aras âiulra nani ba mita, Dawan insalka tangni nani tilara bûi ba ra naku win: “Yang nani tasba aiska ra wataukri, bara tasba ba lamni, bin âpu kaikri.”

Sakaraya 1:7

Darío mani kumi king aimakan ba ningkara, kati matawalsip pura kumi, Sebat kati, yua 24 aimakan ba ra, yang, prapit, Sakaraya, Berequías luhpia, Idó mulika, naha bîla nani Dawan bui yang ra ai win.

Sakaraya 13:7

Dawan karnika sut bri ba, kasak aisisa: “¡Sord, bus, sepadki ba mapara hilp ai muni ba mapara sin! ¡Sepad ba iks, bara daknika ba yakabrira takbia, bara yang sin sîpki lupia nani ba mapara buamna!

Kulki Kaikanka 12:6

Bara Dawan bui witin nani ra naku win: “Man nani ra yang aisisna na wals: Man nani tilamra prapit bâra ba piua ra, yang lika witin ra param taki aisisna, diara aihka kaiki bâk.

Jasua 5:13

Yu kumi, Jasua Jeriko tawanka lamara bûi kan, witin ai lamara kaikan waitna kum sord kum ai mihta ra alki bri ai mawanra bûi kan. Jasua kau witin ai lamara dimi wan, bara waitnika ra makabi walan: —¿Man ba yawan uplika nani kum sma, apia kaka wan waihla nani wina kumika sma?

Param Marikanka 2:1

“Bamna Epesus sertska insalka ra naku ulbi wis: ‘Witinka ai mihta aihkika ra slilma 7 bri ba bara kiandil mina silbar ni paskan 7 tilara tauki ba mita naku wisa:

Param Marikanka 6:2

Yang kaikri, bara bahara aras pihni kum kata, bara purara uli kan ba lika ai mihta ra pantamangka kum bri kan. Witin ra kraun kum yan, bara witin ba sip muni pura lui bal takan, bara pura luaia mata.

Param Marikanka 6:4

Bara aras wala kum bal takan, baha ba lika pauni kan, bara purara uli kan ba karnika bri kan, tasba aiska wina kupia kumi lâka ba sakaia, bara yaka upla nani ba aiklabi pana pana prui tiwaia; bara witin ra sord tara kum sin yan kata.