Sakaraya 1:6 - DAWAN BÎLA AISKA

⁶ Ban sakuna, yang bîli nani, lâika nani sin naipakan prapit nani ra aisi smalkri ba, damikam nani baha ba pain wali banhwan kata. Bara witin nani ba yang ra tawi balan, ai dara sin walan, yang, karnika sut alki brisna Dawanka, witin nani ra munri ba, witin nani dîa ai daukanka bri ba praiska kat mana briaia kan ba.’ ”

Sakaraya 1:6 ပူးပေါင်းရင်းမြစ်များ

2 King Nani 15:12

Bara naku pali sika Dawan aisanka ba aimakan, Jehú ra aisan kan ba ai luhpia nani ba Israel ra king lâka ra iwi kabia kiamka walhwal kat. Bara baku takan.

Job 6:29

Man nani aisinkam ba bahki ra laks, watawikira baku kapara; laki kaiki banhs yang raitki bri aisisna ba.

Aiseya 21:17

Bara Quedar luhpia nani, trisba lalulkra aiklaklabra nani ba, pantamangkika nani ba kulki lupia baman kabia.” Dawan, Israel Gâdka ba, baku aisin.

Aiseya 44:26

Sakuna yang duki dadaukra aisan ba, yabri daukisa bara bâk saki briri uplika ba lukanka nani ba pain baman takbia. Yang param sakisna, Jerusalem ba kli upla iwan kabia, bara Juda tawanka nani ra sin. Yang daukamni, kli bukan kabia slingwanka nani ba wina.

Aiseya 55:1

‘‘Diran dauki nani sut, man nani bal lî nâra sa dis; lalah âpu nani, man nani sin bal, mana luha plawar pis; wain laya, tialka laya sin, mana luha bris.

Aiseya 55:11

baku kabia yang bîli wina taki ba, bîli nani ba, mâ sakras kli yang ra tawi balbia apia, sakuna dîa daukaia brin ai dauki ba baha daukbia, blikri ba kat takbia.

Jirimaya 23:20

Dawan kupia baiwanka ba takaskbia apia witin dîa daukaia lukan ba daukbia ba kat. Piua balbia ra bara baha man nani mita luki kaikma bara man nani baha diara nani tânka brima.

Jirimaya 26:15

Sakuna naha lika, kasak pali kaiki bas: man nani ai ikma kaka, man nani bara tawanka uplika nani sut pâtkira kama upla pâtkas kum ikuma bamna; yang kasak aisisna Dawan mita ai blikan naha sturka man nani ra param pali mai wiaia.”

Jirimaya 28:17

Bara prapit Hananías ba baha mani bilara kati 7 alkan bara pruan.

Jirimaya 32:24

‘Bara Caldea uplika nani balan tawanka kir ba kutban witin nani mapara aiklabaia, aiklabi kan ba mita, plun wahwan siknis nani ba mita, tawan ba waihla nani aiklabi ba mihta ra kauhaia kan. Dawan, man mita dîa takaia wiram ba baku takan ba kaikisma.

Jirimaya 36:28

“Ulbaia wauhkataya wala bris bara bahara kli uls dîa tâura ulbram kan ba, Joaquim Juda kingka mita angkata ba baku.

Jirimaya 39:16

“Was Ébed-mélec, Etiopía wina ba ra wis: ‘Dawan karnika sut bri ba, Israel Gâdka ba aisisa: Naha tawanka ra diara saura takbia wîri ba yang aisari ba kat daukaisna, yamnika daukaia lika aisaras. Yang aisari ba takbia ba ra, man bâra kama.

Jirimaya 4:4

Juda Jerusalem wal uplika nani, man nani Aisa sainka bris bara Dawankam ai kulks, wal lâ daukan lâka ba kupiam ra bris; baha apia kaka, man nani daukankam saura nani ba mita, kupi baiwanka ba pauta klauhi baku mai angkbia, aswi kabia, upla kumi sin sip daskbia apia.

Jirimaya 44:2

“Dawan karnika sut bri ba, Israel Gâdka ba, aisisa: ‘Man nani kaikram sika yang daukri ba Jerusalem purara, Juda bara tawan wala nani purara sin bal nahki sauhki tikan ba. Nanara baha nani sut slingwan sa, baha tawanka nani ra nanara upla iwras

Jirimaya 44:28

Upla maura baman war ra pruras Idsip wina kli Juda ra balbia. Baku, Juda ra takaski iwan nani ba Idsip ra wih iwan nani sin kaikbia, ya aisin bîla ba kat diara nani takan sapa, yang aisisna ba, apia kaka witin nani aisin ba takan sapa.

Jirimaya 44:29

Yang, Dawan, man nani ra naha tukinka maikamna, man nani bui yang ra ai munaia baku aisaram baha baku takbia, naha kuntrika ra yang bui man nani klala maikamna:

Jirimaya 44:6

Baha dauki ai munan kupi baiwan bara lawi daukri, bara bal Juda tawanka nani ba pauta klauhan ni angkuna, Jerusalem tawan yabalka ba sin. Nanara baha nani aisawan upla iwras tasbaya bîla man ban sa naiwa kat.

Inanka Nani 1:18

Dawan ba kasak ba daukan, yang mita sika witin ai bîla mapara buri bamna. ¡Upla nani sut, yang ra ai wals; pât wahwisna ba sin kaiks! ¡Wahmiki nani bara tiariki nani sut ba alki priski silak ra brih wan sa!

Inanka Nani 2:17

Dawan lika witin dîa daukaia lukan ba sut daukan, ai bîla aisan ba kat daukan sa. Umpira kaikras kira sauhki tikan sa, kaina piua wina sauhki tikaia luki kan ba, witin bui yan, waihla nani ba mita lamwaska kikisa, bara waihlam nani karnika ba sin purara bukan.

Inanka Nani 3:42

Yang nani saura yâri, mampara sin buri, bara man bui wan saurka nani swih tikras kapram.

Isikiel 20:43

Bahara kupiam krawbia, nahki man nani diara saura nani daukram ba; bara klauna âmya warbia, saurka nani daukram ba dukiara.

Isikiel 37:11

Bamna Dawan bui ai win: “Israel luhpia nani ba baha dusa pruan ailal ba baku sa. Aisi taukisa: ‘Wisa yawan wan dusa nani ba lâwan sa; bîla kaikanka kum sin âpu, yawan na tiwan sa.’

Daniel 4:28

King ra Nabucodonosor naha diara nani maisa pakan ba sut lika aimakan:

Oseas 5:9

Yang bui Israel kiamka tilara maisa pakisna baha diara nani bal takaia ba, kasak pali baku takbia: klala yamna yua ra, Efraín ba âpu daukan kabia.

Oseas 9:15

Dawan aisisa: “Witin nani Guilgal ra wan ba wina mahka saura nani sut ba daukisa, bara baha wina, yang bui witin nani ra misbara kaikisna. Diara watawi nani witin nani dauki ba tâwan yang waitla bîla wina kangbi sakaisna; ban latwan kaiki kamna apia, kan wihta nani ba sut maipara babura nani taki ba mita.

Emus 9:10

Upliki nani tilara saura dadaukra nani sut ba sord malika ra pruan kabia; baha nani naku aisi ba sut: ‘Yawan ra diara takbia apia; baha saurka nani ba yawan ra wan alkbia apia.’

Sakaraya 1:7

Darío mani kumi king aimakan ba ningkara, kati matawalsip pura kumi, Sebat kati, yua 24 aimakan ba ra, yang, prapit, Sakaraya, Berequías luhpia, Idó mulika, naha bîla nani Dawan bui yang ra ai win.

Malaquía 3:18

Bara man nani aima wala ra tânka brima yamni ba saura ba wal tânka aihka ba, Gâd ra mayuni ba, Gâd ra mayunras ba tânka.”

Kulki Kaikanka 23:19

Dawan ba lika upla baku apia sa: witin kunin aisaras, witin dîa lukan ba sip lakras sa. Witin dîa daukaia aisi ba daukisa. Pramis daukan kaka, witin ai pramiska daukaia win ba kat daukisa.

Kulki Kaikanka 32:23

Sakuna man nani baku daukras kama kaka, luki bas, Dawan mapara saura daukuma ba. Bara yu kumi baha saurka mana klala brima.

Kulki Kaikanka 33:56

Bara yang dîa witin nani wal daukaia luki katna ba kli man nani wal daukamna.”

Matiu 24:35

Kasbrika tasba wal lui wabia, sakuna bîli nani lika aimakan kabia.

Kli Smalkanka 28:15

“Sakuna Dawan Gâdkam bîla wali, ai lâka nani yang naiwa man ra maikisna trai kaikras kama kaka, naha klalka nani puramra balbia:

Kli Smalkanka 28:2

Ba purkara naha yamnika nani sut na puramra balbia man nani Dawankam bîla walram ba mita.

Kli Smalkanka 28:20

“Dawan lamhtubanka mai blîkbia, sinskam warbi laki bara diara sut daukma ba tilara inan baman kama, piu wiria ra aiska sauhki mai tikbia, man nani daukankam saura ba mita lulki swiram bamna.

Kli Smalkanka 28:45

“Naha nani klalka sut na man puramra balbia, bara ninam bliki mai alki âpu mai daukbia kat, kan man Dawan Gâd bui ai lâka bîla nani maikan kan ba kat dauki banhras kapram ba mita.

1 Tesalonaika 5:4

Sakuna, muihki nani, man nani lika tihmia ra apia sma, bamna Dawan yua ba mita âimplikra baku mai alkbia apia.