Sakaraya 1:5 - DAWAN BÎLA AISKA

⁵ ¿Sakuna nanara damikam nani kata ba anira sa? Witin nani prapit nani ba sut pat pruan sa, ¿ban apia?

Sakaraya 1:5 ပူးပေါင်းရင်းမြစ်များ

2 King Nani 13:14

Bara Ilaidsa ba pruaia sikniska alkan kan, bara Joás, Israel kingka ba, witin ra balan kaikaia, bara witin ai mawanra ini kiaubi alkan bara win: —¡Yang aisiki, yang aisiki, Israel hilpka ra aiklaklabra karnakira kum katma ba!

2 King Nani 13:20

Ilaidsa ba pruan, bara biki banhwan. Baha wina mani bani kli kli naha tasbaika ra Moab wina âimplikra daknika nani ba bal pura lui kan bamna,

Lawana Nani 90:10

Yawan raya ba 70 mani; upla kau dutki nani ba lika 80 mani kat kau raya sa; sakuna kau wihka tasba ra raya kaia luki uplika ba, trabil nani bara wark nani baman bri bal sa. Mani nani ba pat lui auya ba baku, yawan sin manka ba lui auya.

Smasmalkra 1:4

Upla ba aisubi takisa, bara upla ba pruisa, sakuna tasba ba, aihka takras ban bâra sa.

Smasmalkra 12:5

Purara ba mita sibrin daukbia, bara yabal ra ba pât nani bâra kabia. Amans dusa ba mahka tangnika baiwbia, tristrisia ba pât bribia, karnikam ba tiwbia, sip diara daukras kama. Bara upla ba lika ai watla ban kaia ra auya, bara yabal ra ini yahwi kabia pruan ba dukiara.

Smasmalkra 12:7

Baha ningkara tasba yuya ba tasba ra tawbia patitara kata baku, ban spiritka ba lika Gâd ra wabia, baha ba witin mita yan bamna.

Jirimaya 36:28

“Ulbaia wauhkataya wala bris bara bahara kli uls dîa tâura ulbram kan ba, Joaquim Juda kingka mita angkata ba baku.

Inanka Nani 5:7

Papiki nani mita saura daukan, bara witin nani nâra âpu sa; bara witin nani ai saurka pâtka ba yang nani brisni.

Jan 8:52

Bara Ju nani pana win: —Nanara yang nani kasak kaikisna, man lika pirit saura kum brisma. Ebraham bara prapit nani sut pruan, bamna man wisma: ‘Ya yang bîli alki bribia kaka, prubia apia ban kaia ra.’

Apastil Nani Sturka 13:36

Debit ai yua nani ra Gâd dukia daukan, dîa witin ra win ba kat. Ningkara, witin pruan ba ra, ai aisika nani raitika lamara bri si bikan, bara ai wîna tara ban sukwi luan.

Hibru Nani 9:27

Upla bani ba aima kumi baman pruaia sa, bara baha ningkara Gâd mita lâka daukbia.

1 Samuil 25:1

Samuil pruan bara Israel uplika sut asla takan pura mata inaia, bara watla Ramá ra bri si bikan. Baha ningkara Debit mahka wan Parán upla iwras tasbaya ra.