Rut 4:11 - DAWAN BÎLA AISKA

¹¹ Almuk nani ba bara upla wala nani ba sut sin aisin: —Âu, witniskam nani sna. Sakuna Dawan sin Rut ra tâ baikbia Raquel bara Lea wal ra daukan ba baku, witin nani wina Israel luhpia nani bal takan. Bara man sin Efrata Betlehem wal tilara upla tara mai kulkan kabia.

Rut 4:11 ပူးပေါင်းရင်းမြစ်များ

Blasi Sturka 23:10

Baku Efrón hitita ba witin nani tilara iwi kan tawan getka dimaika ba lamara, witin nani aikuki. Bara witin mahka Ebraham ra aisin, baku ai uplika nani bahara iwi ba, bara bal diman nani ba sut walbia wisi aisi kan.

Blasi Sturka 24:60

Bara witin nani naha bîla nani aisi Rebeca ra yamni win: “Âu, wan lakra mairin, ¡man milian ailal nani yaptika takma! ¡Man kiamkam nani ba, waihlam nani tawanka tara nani ba pura lubia!”

Blasi Sturka 29:16

Labán luhpa mairin wâl bri kan: tawahkia ba nina Lea, sirpika ba nina Raquel.

Blasi Sturka 29:25

Jekob titan buan bara ai dara walan kaikan witin Lea wal yapi lalawan ba, bara witin Labán mapara karna aisin: —¿Naha dîa man bui yang ra daukram na? ¿Yang Raquel briaia dukiara man warkkam takri apia? ¿Bamna man dîa muni kunin ai munram?

Blasi Sturka 29:32

Lea kwihra tiwan bara ai luhpia waitna kum baikan, bara ai nina ba Ruben mâkan, kan witin naku win: “Yang sari bri kapri ba Dawan ai kaikan; bamna nanara mayi latwan ai kaikbia.”

Blasi Sturka 35:23

Lea wal baikan nani ba Ruben, ai tawahkia ba; baha wina Simian, Libai, Juda, Isacar bara Zabulón.

Blasi Sturka 35:24

Raquel wal baikan nani ba Josep bara Benjamín.

1 King Nani 21:8

Bamna witin Ahab nina ra wauhkataya nani ulban, bara king mihtadingka ba ni sîl prakan, bara almuk nani ra bara Nabot takaski kan tawanka lalka nani ra sin blikan.

1 Kronikas 2:51

Salmá, Betlehem aisika; bara Haref, witin lika Bet-gader aisika.

Lawana Nani 132:6

Efrata ra aisi kan walri, Dawan lâka auhbaika watla ba dukiara, bara yang nani Jáar twiya langnika ra sakri.

Sins Lâka 14:1

Mairin sinskira ba ai watla mâkisa, kuna taniskira ba lika ai mihta pali ni slingbisa.

Sins Lâka 31:23

Ai maya waitna ba sin tawan ra upla sut mita kakaira pali sa, bara baha tasbaya aiska uplika nani tilara tara pali kulkan sa.

Miqueas 5:2

Bara man, Betlehem Efrata, Juda uplika tawanka nani tilara, tawan sirpi pali sma; ban sakuna, Israel wihtka tara ba man nani tilam wina bal takbia, witin ba kiamka kulkanka blasi pali yua wina aula sa.”

Matiu 2:6

“Bamna man, Betlehem, Juda tasbaya ra, Juda wihtka nani tilara man ba kau sirpi pali apia sma, kan man wina wihtka tara kum takbia, bara witin mita upliki Israel luhpia nani ba tâ bri kabia.”

Kli Smalkanka 25:7

Sakuna waitnika ba ai masaya wal briaia apia wibia kaka, mairka ba bui almuk nani lâka mawanra bri si wibia: ‘Yang maisaya na want apia sa ai muihni nina ba Israel ra kaia ba.’

Kli Smalkanka 25:9

bara masaikika ai lamara wih, tawan almukka nani mawanra, sûska ba ai mina wina daiki, mawan ra yabalaya tuhbi bara wibia: ‘Baku daukisa waitna kum ai muihni ra ai kiamka swiaia want apia ba.’