Rut 2:12 - DAWAN BÎLA AISKA

¹² ¡Gâd bui mamna maikbia! Israel Dawan Gâdka mita diara aiska maikbia, witin ai tnawa distika ra mamdiskbia, kan witin ra balram bamna.

Rut 2:12 ပူးပေါင်းရင်းမြစ်များ

Lawana Nani 17:8

Namkra yula baku main ai kaiki ai bris; tnamwa nani distika ra ai yukuks,

Lawana Nani 19:11

Baha lâka nani ba mita, naha nampakan sna na kupia kraukuya; baha lâka bîla nani wali dauki ba wina, nampakan ra diara yamni uya takisa.

Lawana Nani 36:7

¡Dawan, man lamtwanka lâka ba aihka painkira sa! ¡Tnamwa distika munhtara upla nani ai yukuwaika plikisa!

Lawana Nani 57:1

Gâdki, kupiam swapni ai kaiks, swapni ai kaiks; yang lika man ra yukuwaiki plikisna, tnamwa mununhtara dimi yukuwamna pât ba lubia kat.

Lawana Nani 58:11

Bâra mika wibia: “¡Aitani pali sa, upla ba kasak kaia ba! ¡Dawan kum bâra sa, tasba aiska ba lâka daukisa!”

Lawana Nani 61:4

Wamtla ra ban iwi kaia want sna, tnamwa distika ra ai yukuki ai bri kama.

Lawana Nani 63:7

kan man sika yang hilpki sma ba. ¡Man tnamya distika ra, yang âuyapah kamni!

Lawana Nani 91:4

witin ai tnawa mununhtara mai yukukbia, baha tnawa mununhtara pât luha kama. ¡Ai kasakka lâka ni, man kainam kahbi kabia!

Sins Lâka 11:18

Watawikira ba kunin lâka ra ai mana brisa, kuna kasakka lâka mâ mangki ba, ai mana kasak aihwa bribia.

Sins Lâka 23:18

Kasak yamni pali rayakam tnata alkma; bara man kainamra bîla kaikisma ba, sauhki tikan kabia apia.

Jirimaya 31:16

Sakuna Dawan bila wisa: “Raquel, kau inpara; kau namkra laya sâkpara, kan latwankam mana prisant brima: luhpiam nani kli waihla tasbaya wina balan kabia. Yang, Dawan, kasak aisisna.

Matiu 23:37

“¡Jerusalem, Jerusalem, man sika prapit nani ba ikisma, bara Gâd bîla twatwilkra mai bliki nani ra walpa ni sabisma ba! ¡Aima ailal luhpiam nani asla dauki brin ai daukan, sim kalila ai luhpia nani ai tnawa munhtara asla dauki ba baku, sakuna man apia wiram!

Matiu 5:12

Liliam pali bas, man nani âmyapah sin bas, kan kasbrika purara mamna tara kum bâra sa bamna, kan baku sin upla saura nani mita prapit nani ra rausauhkan baha nani kainamra bâra kan nani ba ra.

Matiu 6:1

“Aman kaiks, kasakkam lâka ba upla nani mawanra man nani daukpara mai kaikbia dukiara baman. Baku daukma kaka, kasbrika purara ba mita prisant kumi sin maikbia apia.

Luk 6:35

Sakuna man nani lika waihlam nani ra latwan kaikaia sma, yamni sin munaia, bara diara lin munisma kaka, kli briaia bîla kaikpara. Baku lika mamna tara brima, bara Gâd Laih Purara iwi ba luhpia nani kama, kan witin lika latwankira sa, tingki lukras nani bara saurakira nani mapa ra sin.

Kolosi 2:18

Swirka pât ra mai lakbiara baha nani bawikira lâka bri baku, insal nani ra mayuni ba; yarka prisantkam mihtam wina mai dakbi bribiara. Witin nani lika ai nakra ni kaikras dukia ba ra dimi auya, bara ai lukanka ni praut taki puskisa upla lukra ni.

2 Timoti 1:18

Dawan mita yaka ai yamnika bri ba, witin bribia baha yua ra. Man pat pain kaikisma witin nahki hilp ai munan ba Epesus tawanka ra.

2 Timoti 4:8

Bara nanara lika kasakka lâka prisantka ba, yang duki wisi sunan sa; bara baha ba Dawan mita, witinka lâ wihta kasakkira ba, baha yua ra aikbia. Bara yang ra baman lika aikbia apia, sakuna ani uplika nani latwan lâka wal witin balaia ba bîla kaiki nani ra sin.

Hibru Nani 11:26

Witin Kraist tâwan bahki kulkan kaia pâtka wahwaia bani ai wîna ba kau yuyakira kulki kan, Idsip yuyaka aiska bri kaia ba wal; kan Gâd mita mana tara yabaia kan ba kat ai nakra kahbi bri kata.

Hibru Nani 11:6

Upla kum kasak lukan lâka âpu kaka, witin ra Gâd mita sip pain kulkbia apia. Kan ani uplika Gâd lamara waia kaka, kasak lukaia sa Gâd ba bâra sa, bara witin ra pliki uplika nani ra sin mana yabisa.

Hibru Nani 6:10

Gâd lika kasakkira sa. Man nani wark daukram ba witin ai âuya tiwbia apia; kasak lukan lâka mapara muihkam nani ba ra hilp muni, witin ra latwan lâka marikram ba sin ai âuya tikras sa, bara baha dukia ba ban daukisma.

Rut 1:16

Sakuna Rut bui Noemí ra tawi win: —¡Yang na man wal dakwi takaia ai wipara! Man anira wama kra, yang sin man wal wamna; bara man anira wih iwma kra, yang sin bahara iwamna. Man uplikam nani ba yang upliki kabia, man Gâdkam ba yang Gâdki kabia.

Rut 2:11

Bara Booz witin ra win: —Yang pat walri man piarkikam ra nahki yamni munram ba, mayam pruan ba ningkara; bara aisikam yaptikam tasbaya sin swiram, bara man kakaira apia uplika nani tasbaya ra balram.

Rut 2:13

Bara mairin ba pana aisin: —Wihtki, man yamni pali ai wisma, bara aisinkam nani ba kasak maisi nihkra nani sa. Man sin bîla yamni ni yang ra aisaram, yang lika man warkkam tatakra mairin kulkanka pan briras sna sakuna.

Rut 4:15

Witin bui man kupiam lilia daukbia, bara almuk takma ba ra tâm baiki kabia, mulam yapti latwan pali mai kaiki ba luhpia bamna. Man mampa ra baha mairka sika luhpiam waitna 7 ba wal purkara kau hilpkam tara kabia.

1 Samuil 24:19

Kasak pali, upla kumi sin âpu sa ai waihla ba wal prawi sanska brin ba ra, diara munras yamni swika waia. ¡Baha ba mita, yamnika yang ra daukram ba mana, Dawan bui yamnika ni mana maikbia!

1 Samuil 24:20

Nanara yang kasak pali daira walisna man ba king kama, man yabalkam auma bâk Israel kingka lâka ba pâwi tara takbia.